حد بدأ مذاكره؟؟؟؟؟؟؟؟؟

[سوزران]

حد بدأ مذاكره يا جماعه ولا لسه

يعنى استعداد للامتحان اصل الامتحانات قريبه اوى الترم ده

ولو مفروض نبدأ هنبدأ امتى


ونبدأ بإيه يا ريت يا جماعه تقولوا رأيكم

؟؟؟؟؟؟؟؟؟؟؟؟؟

[dr mayooya]

والله ياسوزان معرفش الترم دا ملخبط معايا اوي كده ليه
كل مالواحد ييجي يبدأ يذاكر وينوي يحصل حاجه واليوم يطير علي مفيش
كنت فاكره اننا لوحدي لاقيت ناس كتير كده
بس اعتقد اننا لازم نبدأ نشد ومن دلوقتي تحسبا لاي ظروف سواء ان الامتحانات تطلع بدري او ان الوقت بين المواد مايبقاش كافي
انا رايي اننا لو نوينا مع بعض وقررنا كل يوم نذاكر جزء معين ف كل ماده هنشجع بعض خاصه لو ف اخر الاسبوع نبتدي نحل سوا اسئله ع الجزء ده
ولا ايه راي باقي الزملاء؟

[yojeena]

والله يا سوزي لسه ما بدات
ونفسي ابدا بجد حتي لو اعرف كلام بسيط عن المنهج المهم يبقي عندي خلفيه وخلاص
انا بتهيالي الاولي من المواد الطبيه لان جايبه مقبوووووووووول
هههههههه
يعني محتاجه ازيد الترم التاني
ربنا يسترها

[pharmacistina]

مفيش حاجة أولى م البيو ..

أنا بقلب في جزء د- ربيع من الكتاب جتلي حموضة ..


الترم دة مش زي الترم اللي فات على فكرة ..


المفروض نبدأ فعلا ..

[سندريلا]

انا والله نفسى اذاكر خصوصا انا باقعد فى البيت كتير جدا يعنى انا مثلا ما نزلتش الكلية من يوم الاربعاء ومش ها انزل الا يوم الاتنين ممكن حد يسألنى ويقوللى بتعملى ايه كل ده ارد عليه واقوله ولا حاجة حقيقى والله ولا حاجة كل ما ضميرى يوجعنى اجيب البيو وأقلب فيه شويه وبصراحة مش عارفة اخرتها ايه المشكلة كمان ان انا زهقت من الفراغ الكتير ده بس والله مش عارفة ايه الحل لأ انا عارفة ان الحل انى اذاكر بس مفيش نفس او احنا مشتتين زيادة عن اللزوم ربنا يفرجها من عنده سلام يا رفاق الدرب والله انا بأحبكم اوى

[a5maa]

ممكن نخلي لكل يوم ماده
وفي اليوم الخاص لكل ماده نذاكر جزء معين
ونشوف الاجزاء المهمه فيه

[dr*nada*s]

احنا كل ترم يعدي علينا بكل حاجه فيه نقول الترم الي جاي هابدا من الاول وهاحضر محاضرات من الاول وهاذاكر علي طول اول ما الترم يبتدي ونلاقي نفسنا قاعدين نقول هنبتدي ان شاء الله كل يوم نقول كده لغايه ما نلاقي بنبتدي قبل الامتحان بكام يوم بس ما هو الحل ؟؟؟؟؟؟؟؟؟

[dr mayooya]

فكرة حلوة برضه يااسماء..وطبعا من رأيي اننا نركز ف البايو وحتي لو خلينالها يومين مفيش اي مااانع..لانها فعلا مختلفه تماما عن الترم الاول
وبرضه لو ركزنا ف الصيدلانيات من دلوقتي يبقي احسن ولو حتي قرايه
لان محدش ضامن هيبقي قبل امتحانها كام يوم

[dr mayooya]

احنا كل ترم يعدي علينا بكل حاجه فيه نقول الترم الي جاي هابدا من الاول وهاحضر محاضرات من الاول وهاذاكر علي طول اول ما الترم يبتدي ونلاقي نفسنا قاعدين نقول هنبتدي ان شاء الله كل يوم نقول كده لغايه ما نلاقي بنبتدي قبل الامتحان بكام يوم بس ما هو الحل ؟؟؟؟؟؟؟؟؟

إنسف حمامك القديم
لان واضح ان المشكله الازليه دي فينا ومبنتعلمش منها ابدا

[بيتر الحكيم]

انا الحقيقة بشكر الدكتورة سوزان بشدة لاننى كنت حاسس ان المشكلة دى مشكلتى لوحدى لكن واضح ان كلنا فى نفس المشكلة
انا المشكلة عندى ان كل ما فتح حاجة اتخنق واقوم علشان الكلام كبيييييييييييييييير اوى اوى اوى وكل ما ضميرى يوجعنى افتح بايو مفهمش حاجة اقفلها وبعد كدة افتح الفارما احس انى منفعش اكون صيدلى اقوم قافلها كل يوم على كدة لغاية متخنقت حتى قلت احاول افتح المواد التانية مش عارف حد عندى دوا للموضوع دة؟؟؟؟؟؟؟؟؟؟؟؟؟؟؟؟؟