بنامج unlocker .. برنامج جاااااامد !!

[..::ciZar_Resala::..]

بسم الله الرحمن الرحيم

النهاردة جايبلكوا برنامج حلو جداً .. .. اسمه unlocker ..

هى كلمة برنامج كبيرة عليه شوية .. لأن حجمه صغير جداً .. لا يتعدى 300 ك.بايت ..

و مع ذلك ف عن تجربة .. ليه مفعول أكيد

كتير مننا بتجيله رسايل خطأ فى الويندوز زى دى ..

Cannot delete folder: It is being used by another person or program

Cannot delete file: Access is denied

There has been a sharing violation

The source or destination file may be in use

The file is in use by another program or user

Make sure the disk is not full or write-protected and that the file is not currently in use

و ده لما نيجى مثلاً نمسح ملف .. أو ننقله من مكانه .. أو نعمله cut و نحطه فى مكان تانى ..

فى الغالب الملف بيبقى مستخدم من قبل احدى العمليات فى الويندوز .. و منهم اللى بيكون اسمياً فقط كأنه مستخدم .. و لكنك توقفت عن استخدامه ..

و فى الغالب بنحتاج إننا نعمل restart للويندوز عشان ينفع نمسحه ..

البرنامج اللى أنا جايبه بقى .. وظيفته إيه ؟؟

البرنامج بيعرفك العملية اللى بتستخدم الملف .. و يقدر يمسحه عادى .. و يوقف العمليه دى كمان .. أو يعملها restart .. و ممكن يغيرلك اسم المف اللى مش راضى يتغير .. و لو غلب خالص و مفيش فايدة .. بيمسح الملف لوحده بعد ما إنت تقفل الكمبيوتر و تفتحه تانى ..

المهم ..

شرح عمل ال set up للبرنامج ..

هتضغط على أيقونة البرنامج .. و هيظهرلك التالى ..

طبعاً إحنا ناس دكاترة .. و صيادلة .. ف هنختار الإنجليزى ..

هنضغط على next ..

هنا ممكن نختار مكان تانى غير ال C نعمل فيه ال set up بتاع البرنامج .. لو مش هتختار مكان تانى .. إضغط على next ..

علم على الحاجات دى .. بعد كده اعمل install ..

كده البرنامج خلص ال set up .. تعالوا نشوف بيشتغل إزاى ؟؟؟

أول حاجة .. لو جيت تمسح حاجة و مرضتش تتمسح .. هيظهرلك المربع ده ..

و ده ممكن تختار منه إنك تقفل العملية اللى بتستخدم الملف kill process .. أو تمسحه أو تعيد التسمية

أما لو ضغطت كليك يمين على أى ملف عندك .. هتلاقى الباشا ده موجود ..

و كمان .. بيظهرلك العلامة دى على شريط المهام ..

لو ضغطت كليك يمين على ملف و اخترت ال unlocker هتظهرلك النافذة دى ..

طبعاً إحنا مش فاتحنها عياقة .. دى هنختار منها إحنا عاوزين نعمل فى الملف إيه ..

كده الملف اتمسح .. و تماااااااااااام ..

نيجى بقى لتحميل البرنامج .. معلش طولت عليكوا أوى ..

اضغط على الصورة للتحميل ..

دمتم بصحة .. و عافية

[أمــ هـنـد ــة الله]

جزاكم الله خيرا يا دكتور ياسر ع البرناامج

[Sincerity]

ماشاء الله على البرامج الجامده
ميرسى ليك يا ياسر

[خادم أبى القاسم]

جزاك الله خيرا وبارك فيك والمسلمين

[د///*مطحونة*\\\]

شكرا دكتور ياسر
جارى التحميل

[zezoelgen]

شكرا د ياسر علي البرنامج الجامد ده

[WhiteBird]

شكرااا جزيلااا د.ياسر ع البرنامج..

[..::ciZar_Resala::..]

شكراً يا داكترة على مروركوا و ردكوا على الموضوع

[A H M E D]

شكرا علي البرنامج والشرح الرائع يا ياسر

[..::ciZar_Resala::..]

مشكور على مرورك و كلامك الجميل يا أحمد .. أخجلتم تواضعنا