♥♥♥♥♥ ليلة فراق شهدت عليها دموع القمر♥♥♥♥♥

[dano_90]

ليله فراق شهدت عليها دموع القمر
ليله فراق الليل منمش فيها وكان السهر
ليله ما كنت جنبه وفجاه راح
الليله الي وعدني فيها يكون افراح
ضحك عليا عشان يصبرني



وكانت الليله دي اكبر ليله جراح
مش قادره اصدق ده الي كان ليا
فجاه يروح من بين اديا
بس ده قدر مكتوب عليا
فجاه وانا ماسكه اديه
نزلت دمعه من عنيه
كانت دمعه الفراق
وقبل ما يروح بثواني
بص عليا وباسمي نداني
وعلى حبنا وعلى نفسي وصاني





نزلت دمعه من عينيا على دمعه خده
والدمعتين نزلو لحد ما وصلو قلبه
قالي سامحيني علشان مقدرتش اسعدك
بس في الجنه صدقيني هسعدك وبوعدك
و لقيت السما بتنقط ميه
عرفت ان القمر بيبكي من حزنه واختفى ضيه
واوراق الشجر نزلت تغطيه
وانا شايفه كل ده وقلبي هيموت عليه



وفجاه
فارقت اديا اديه
وغمضت عنيه
وانا عارفه اني خلاص مش هشوفها تاني
ورجعت وحدي في الطريق تايهه وحيرانه
مش عارفه اروح لمين وبعده هعمل ايه وفضلت سهرانه
سهرت مع دموع القمر بتواسي حزني
واوراق الشجر بتدفي قلبي





واه يا زمن مبتخلناش نفرح بحبنا ليه
اه يا زمن منك ليه القسوة دي عملنا فيك ايه
ده انا من بعد حبيبي ضايعه خلاص
انا من بعده مش هيفرق معايا الاحساس
انا من بعده مش عايزه اشوف الناس
هو ده الحب الي طلعت بيه من الدنيا
و الزمان استكتره عليا
وخده مني في ثانيه

..

مما أعجبنى

//

[Sincerity]

بجد جااااااااامده جدا ...الكلمات حلوه أوى واحساسها رائع

[dano_90]

ميرسى يادكتور على مرورك الجميل


تسلم//''//

[lonley]

موضوع جميل اوي
مرسي يادكتور

[skelsemo]

gamela aweeeeeeeeeeeeeeeeeeeeeeeeeee bs 7zena aweeeeeeeeeeeeeeeeeeee
merci 3la mghodk

[dano_90]

ميرسى يادكاتره على مروركم الجميل

..//..

نورتونى

[Dr nour]

ايه دا بصراحه محتاره اختار ايه
فى مقاطع كتير عجبتنى
جمييييييله قوى وكنت مستمتعه جدا وانا بقرأها

[dano_90]

ميرسى يانور

ياحبيبتى مرورك هو الاحلى

تسلمى

[mano89]

بجد يادودو بجد يعنى (اشطا) .احساس رفيع جدا جدا جدا

[chocolata]

تسلم ايديكى يا دانو بجد جميله اوى واحساس عالى وكلمات بسيطه جدا ناهيكى عن نغمه الحزن الرقيقه اللى طبيعى فى حاله فراق زى دى لازم تبقى موجودة وربنا ميوعد حد خالص بفراق زى دا