افيدونى

[Dr nour]

انا مش عارفه مشكلتى الحقيقيه بس كل الى اعرفه ان اكبر مشكله لى هى الكليه بذاكر واعمل كل اللى فى استطاعتى ومع ذلك ادخل الامتحان وانسى كل اللى ذاكرته او كم كبير منه دائما اشعر بالخوف والقلق الشديد والزائد نتيجتى لا ترضينى ومع تكرار الفشل اللى فى وجهه نظر الاخرين انه شئ عادى اصبت بالبرود والا مبالاه اصبحت اتقبل كل شئ بابتسامه لم اعد ااستطيع تفسير حالتى اريد ان اتفوق ولكن ضعفت همتى افيدونى ماذا افعل كى استعيد نفسى وتفوقى

[M.tal3t]

واللـه

حكاية النسيان دي عند كل الناس

وكلنا بنخش وبننسيى لكن المفروض الواحد وهوا بيزاكر يركز في اللي بيقراه ويفهمه


والقلق والخوف برده شيء عادي

اما النتيجه الغير مرضيه بردو عـادي ..

وبعدين انت لسه في سنه اولى يعني لسه على الكلام ده كله

وكلها اولى وتتعودي عالكليه ان شاء الله


mt-

[dr\sandrila]

بجد لو عايزه رايى فى مشكلتك انك يمكن بتوترى نفسك اكتر من الازم علشان كده بتنسى حاولى تاخدى الموضوع ببساطه وقبل الامتحان قولى دعاء دخول الامتحان وبعده ووانتى بتذاكرى قولى دعاء المذاكره وانشاء الله مش هتنسى وحاولى تقوى عزيمتك كل شويه ومتخليش حاجه تأثر عليكى

[Eman * SAMPS]

فعلا المشكلة دى عند ناس كتييييييييييييييييير جدا ............ بس من رأيى علشان المذاكرة تثبت بعد ماتقولى دعاء المذاكرة هاتى أى موضوع على بعضه مهما كانت عدد الصفح اللى فيه واقرأيه على بعضه بتركيز و بسرعة و تحاولى تفهميه مش لازم 100 % ممكن ياخد منك ساعة أو ساعتين أو حتى أكتر مش مشكلة .... بعد كدة لما تيجى تذاكريه هيبقى أسهل و أكثر متعة ذاكريه بعد كدة جزء بجزء وسمعيه لنفسك شفوى علشان مش ياخد وقت و لو تعرفى تذاكرى و أنتى بتتمشى يبقى أحسن لأن كدة تركيزك هيزيد أكتر وكل شوية حاولى تراجعى الجزء اللى انتى ذاكرتيه و اربطيه بالكلام اللى بعده و حاولى تعلمى بأى حاجة و فى الاخر راجعى الموضوع على بعضة.

لو بتعرفى تذاكرى مع حد ....... ذاكرى فى الوقت الفاضى مع أى حد من أصحابك دى طريقة حلوة أوى أو وانتى بتذاكرى تخيلى أنك بتشرحى لوحدة صحبتك انتى بتحبيها أو بتحبى تذاكرى معاها

بالنسبة لشوية الأيام اللى قبل النظرى : أهم يوم فيهم يوم المراجعة ركزى اوى عليه و أهم حاجة تراجعى حتى لو مش خلصتى مذاكرة ........... أرجو أن يكون الكلام دة مفيد ليكى

[M.3esawy]

اعتقد الموضوع ده ممكن يفيدك الى حد ما
http://mansvu.mans.edu.eg/board/show...=newpost&t=116

[impossible]

انا كمان في سنه اولى
وطول عمري قلوقة جدا جدا واكتشفت اني بضيع مذاكرتي وتعبي بسبب القلق
وصدقيني الحاجه الوحيده اللي هتخليكي تبطلي القلق انك تكوني على يقين ان ربنا مش هيضيع تعبك
وان كل حاجه بمشيئته المهم تعملي اللي عليكي و تتوكلي على الله
وهقولك المذاكرة 80 % كفاية المهم تركيزك يكون 200%
اتمنالك امتحانات سعيده وبدون توتر

[lamiaa]

بسم الله الرحمن الرحيم

على فكرة الموضوع دة عند كل الناس مش لوحدك وانا كمان والله المشكلة دى بعانى مناه كتير وكمان قبل الامتحانات بحس انى داخلة وكل حاجة ناسياها بس الحمد لله اول لما بدخل بفتكر هو مش كل حاجة بفتكرها بس الحمد لله الاغلبية بفتكرها وحاولى فعلا تتوكلى على ربنا وتقولى دعاء قبل المذاكرة ونهاية المذاكرة وكمان دعاء قبل بدء الاجابة وان شاء الله ربنا يوفقك فى كل لاامتحانات وكل الناس يا رب .

[محمد وجدي]

التركيز في المذاكره اثنائها فقط
وعدم التفكير في إي مشاكل أثناء المذاكره
وعدم التفكير فيما تم مذاكرته أو فيما سوف يذاكر
الاستعانه بالله والدعاء
عدم المذاكره المتواصله لفترات طويله ( 1.5 ) تكفي ثم يليها 10 د راحه
الجلوس في مكان مريح بوضعيه مريحه

[Dr .Ahmed Gamal]

السلام عليكم:
انا في الفرقه الثالثه(ورايح رابعه ان شاء الله) والحمد لله تقديري كويس
المهم ندخل في الموضوع:
اكيد ان مشكله النسيان دي شكله كبيره و بتواجه معظم الناس وانا واحد منهم ولكني اؤمن بكلمه قالها احد المعيديين في اعدادي (د/محمد العوضي):
(ان تقييم الكليه يختلف عن تقييم ربنا )
وده معناه ان احنا نذاكر ونعمل اللي علينا وبعد كده حتي لو التقدير مش عاجبنه فلا زم نثق في (ان الله لايضيع اجرمن احسن عملا ) ونحتسب هذا التعب والجهد عند الله وكلنا ثقه انه لن يضيع بس المهم ان احنا نعمل اللي علينا ونستحضر النيه اننا بنذاكر علشان ننفع نفسنا وننفع غيرنا لوجه الله
وانا ايضا اؤمن بكلمه قالها د/ جلال معتوق لاحد اصدقائي في الشفوي ان انت ممكن تكون مذاكر كويس جدا بس تاخذ درجه قليله لان ربنا رايدلك الخير في مكان تاني وفي حاجه تانيه.

اما بالنسبه للقلق :
فوجود القلق ضروري لانه هو اللي بيدفع الواحد انه يذاكر ويعمل اللي عليه ,المشكله لو ان القاق والتوتر ده يكون زائد عن الحد وهو ده النوع المدمر اللي يتخاف منه وده ممكن نتغلب عليه بأن احنا نتقرب من ربنا اكتر ونحاول ان احنا نتكلم مع حد اكبر مننا وعنده خبره اكتر مننا , ده بيقلل حده القلق كتير ومتجربه وشغله 100%.

واعتقد ان اسلوب المناقشه مع اصدقائنا اثناء المذاكره ده اسلوب فعال لمواجهه النسيان مع كتر المراجعه في ليله الامتحان(اذا لقينا وقت نخلص اصلا)


اما عدم المذاكره المتواصله لفترات طويله ( 1.5 ) تكفي ثم يليها 10 دقايق راحه :فاعتقد انها تنفع في اعدادي واولي وممكن تانيه بس في سنه ثالثه اعتقد انها مستحيله ولا ايه رأيكم يا شباب سنه تالته؟

ارجو من الله اني اكون قد اسطتعت ان افيدكم ودعواتكم معانا بقي في النتيجه واجازه سعيده.

[Dr nour]

شكرا على نصائحكم وجزاكم الله خير ا