جروب طلبة الصيدلة الأكلينيكية.

[kareem_abuzaid]

أنا عملت الموضوع ده عشان نتعرف على النظام بتاع الصيدلة الأكلينيكية الي يعتبر مبهم بالنسبالنا فياريت أي حد يعرف أي معلومة أو ليه رأي عن الموضوع ده يفيدنا بيه وميبخلش علينا بمعلومة يعرفها أو برأيه . وانا شايف ان فيه بعض الزمله قدموا في النظام ده فأكيد عندهم فكرة كويسة ياريت ينضموا لينا هنا ويعرفونا ايه الحكاية ديه .

[dr_BLACKHORSE]

يا كيمو انا قولتلك امبارح واللى انته بتفكر فيه ده صح ؟؟؟ هيدولك شهاده ماستر وليك اكيد زى م قولتلك فرص للسفر فى اى مكان انه عايزه لان النظام ده زى انظمه اوروبا يعنى بدون متعمل اى معادلات ....يا عم متقلقش ولو مدولكش حاجه تعالالى وانا هديهالك انا

[kareem_abuzaid]

شكرا على ردك واهتمامك يا Dr. Black Horse

[kareem_abuzaid]

يا جماعة يوم الأربعاء الموافق 26/9/2007 هيعقد الأستاذ الدكتور / صلاح حسن الشرقاوي اجتماع مع أولياء أمور طلبة الصيدلة الأكلينيكية الساعة 12 لتوضيح المبهم في هذا النظام .

[kareem_abuzaid]

اسف الموافق 26/9/2007

[goldeneye]

لو سمحت انا كنت عايز اعرف ازاى احجز فى صيدلة إكلينكية
وهل هما بداو دراسة بالفعل ولا لسه؟
لان الموضوع مبهم اوى
وشكرااااااااا

[kareem_abuzaid]

بص يا دكتور goldeneye أنت لو علوز تسجل بتروح عند شباك الشؤون بتاع اعدادي وتقولهم أنا عايز أسجل في الصيدلة الآكلينيكية ( متقلهمش عاوز أستفسر لأنهم هيقلولك أطلع لعملد الكلية ) هيقلولك خد الاستمارة ديه وروح ادفع 50 جنيه في الخزنة هترجع للشؤون تاني بعد متدفع ومعاك ايصال دفع من الخزنه هيروحوا يدولك ورقة تكتب فيها بياناتك ( لازم يكون معاك رقم بطاقة الوالد ) لأنك هتكتبه في البيانات . وكده أنت سجلت أسمك . أما بالنسبة لبدأ الدراسة فده هنعرفه يوم الأبع الجاي ان شاء الله من الدكتور صالح الشرقاوي عميد الكلية .
وأي استفسار اخر أنا تحت أمرك في أي وقت

[goldeneye]

شكرااااااا يادكتور كريم على الاهتمام

[goldeneye]

اه بس كنت عايز اعرف كام واحد حجز فيها لحد الوقتى

[kareem_abuzaid]

والله بيقولوا أن العدد وصل ل 90 طالب ( الكلام ده من يوم السبت الي فات ) وعشان تكون عارف لو مكنش العدد وصل للحد الي هما عوزينه مكنش الدكتور صلاح الشرقاوي عمل اجتماع مع أولياء الأمور. وزي ما قلتلك كل حاجة هتبان يوم الأربعاء ان شاء الله. ونصيحة لو كنت ناوي تسجل سجل بدل متلاقي العدد اكتمل ومتلقلكش مكان . ومن ناحية ان النظام ده جديد فهو جديد بس في جامعة المنصورة وبعض الجامعات التانية لكن النظام ده مطبق في جامعة القاهرة من سنه أو سنتين تقريبا ويمكن أكتر والطلبه الي دخلوا النظام ده بيشكروا فيه جدا فحاول تزيل مخاوفك وشكوك ديه في أسرع وقت .
وأي معلومة جديدة هعرفها مش هبخل على حد بيها .
اسف على الاطالة.