نشرة الاخبار من داخل صيدلة....5

[EverLasting]

لولولولولولولولولىىىىىىىى.......زغرطو يا بنات....زغرطو يا ولاد...زغرطو يا كتاكيت...زغرطى يام فاروق
المذيعة(اللى هيا ام فاروق):لولوللولولولىىىىى....عفوا...لقد قام مطرب الجيل..الفنان الفظيع..الفنان الجميل..ابو شعر صدر طويل..الفنان تامر بوسنى والملقب بإسم شعر الصدرحسين والحاصل على جائزة افضل تسريحة شعر صدر لعام 2008 من مقر التسريح الدولى وذلك عقب هروبه مباشرة من الجيش....بزيارة جامعة المنصورة قام خلالها بإحياء وكمياء وفيزياء حفلة غنائية وذلك فى ختام فعاليات اسبوع مشمش الثقافى لجامعات مصر.
تتابع:وبينى وبينكم..انا كنت عاوزة اكمل النشرة عن هذا الحدث اللى هز وسط البلد على واحدة ونص...الضهر..اوعى حد يفهم غلط.
لكننا نحيا اليوم حدث اهم منه وجدير بنشرتنا ان تتكلم عنه الا وهو عيد الحب..الفالنتين داى يعنى..وننقل لكم هذا التقرير

فظهرت بقى ع الشاشة واحدة (باينها طالعة من الترب بكفالة) لابسة احمر فى احمرومكتوب على ضهرها رقم 9 ..وفاضلها نقطتين وتبقى اسيديك..والظاهركانت وقعت فى شيكارة بودرة قبل ماتيجى و واكلة صوباعين روج بطعم الفراولة.وتفاجىء فى الاخر انها ام السيد

ام السيد:هاى يا بنات..هاى يا شباب..احنا النهاردة جايين عشان نحتفل معاكو بعيد الحب العالمى...وااااو على عيد الحب....ونحب نعمل لقاء مع احد الشباب الموجودين....نتعرف عليك؟
الشاب:كوكو هيثم تامر حسنى
ام السيد:ايه اخبار عيد الحب معاك؟
كوكو:بسم الله الرحمن الرحيم...الاجابة تونس
ام السيد:ههههههههههههههههههه...دمك خفيف يا مضروب...قولى بقى ايه اخباره؟
كوكو:زى اهرامه
ام السيد(بتضغط على سنانها من الغيظ):عثل وربنا...يخربيت زلومتك
كوكو:ميرسى ربنا يخليكى...ربنا يطولنا فى زلومتك..قصدى فى عمرك
يتابع:بس بصراحة النهاردة الناس كلها مبسوطة وفرحانة والدنيا ربيع والجو بديع قافلى على كل المواضيع....دا حتى حصل معايا حتة موقف وانا جاى
ام السيد:ايه هوا؟
كوكو:وانا جاى فى التاكسى تليفون السواق رن ترررن ترررن..فطلع السواق الموبايل ورد وقال:الو.......الو........الو.........الو......... الو.........الو..........الو..........الو.......ال و....الو

وبعد خمس دقايق الظاهر فهم ان محدش بيرد فقفل..بس الموبايل رن تانى ترررم ترررم فطلع الموبايل ورد:الو.......الو.........الو..........ايوة
فأنا قلت الحمد لله اخيرا حد رد عليه ..لقيته كمل وقال:الو.......الو.......الو......
وبعدين ربنا كرمه وسمعت صوت واحدة بترد عليه كلمها يجى دقيقتين ولقيته بيقلها بصوت رهيف:وحشتينى اوى يا **....انا بحبك اوى....انا بموت فيكى...ان مقدرش استغنى عنك

انا لقيته سايح على نفسه كده وناسى ان فى حيوان سلمندر قاعد جنبه..فقمت مقاطعه وقلتله:نزلنى هنا لو سمحت
ام السيد:طب وايه علاقة الموضوع بعيد الحب
كوكو:مش حضرتك دا برنامج مواقف وتاكسيات

راحت ام السيد مشاورة ل 2 بودى جاردات وفجأة الواد كوكو لقى نفسه مرمى جوا تاكسى فسأل السواق على فين يا ريس ..فرد السواق وقال:على الحبشة يا بمبو

نرجع بقى لأم السيد ولقاء مع شاب تانى....نتعرف عليك؟
الشاب:فوزى زغ........
ام السيد:عرفتك عرفتك.....انت فوزى زغلول ابو الزغاليل..صح؟
فوزى:ااااااااااااااااااااااااااايوة.......لأ مش انا...انا اسمى فوزى زغاليلو ياما متزغزغ
ام السيد:ايه اخبار عيد الحب معاك؟
فوزى:والله الهارة يوم جميل جدا و الجو لذيذ..وكله مأنتخ مع الحتة الطرية اللى فى حياته وعمالين يغنو ويقولو....الحياة بقى لونها بمبى وانا جانبك وانت جانبى
يتابع:هما طبعا المفروض كانو يقولو الحياة بقى لونها احمر...بس هما عندهم عمى الوان
ام السيد:ياترى انت عملت ايه النهاردة لحبيبتك؟
فوزى:هيا قالتلى انت سباك احلامى اللى بستناه من زمان...وانا قلتلها وانا بموت فى اللى خلفوكى يا بنت ال...تييييييييييييييت
ام السيد:فى نهاية لقاءنا يا فوزى اسرة البرنامج تحب تهديك ...........
ف قاطعها فوزى وقال:لحظة بس ممكن اقول حاجة
ام السيد:اتفضل
فوزى:انا اساسا مش مرتبط
ام السيد(بغيظ شديد):ماهو اسرة البرنامج بتهديك رحلة للحبشة....استمتع بقى

وفجأة لقى نفسه مرمى فى تاكسى هوا كمان زى كوكو..والتاكسى طلع ع الحبشة

ام السيد:ومعانا ومعاكو ومش مع الناس التانية....فتاة جميلة...نتعرف عليكى؟
الشابة:فوزية مرزوق
ام السيد:اخبار عيد الحب معاكى ايه يا فوزية؟
فوزية:اولا احب اقول لكل الناس هابى فالنتين داى...ثانيا انا عاوزة اقول ان عيد الحب مش عشان واحد بيحب واحدة وخلاص..لأ...دا عشان الناس كلها لازم تحب بعضها عشان نعيش حلوين مع بعض.
ام السيد:تحبى تقولى ايه لحبيبك؟
فوزية:احب اقوله الاغنية اللى بتقول....سكر حلوة الدنيا سكر...برجر يللا اطلبلى برجر...بس انا نفسى احط سكر...على البرجر
ام السيد:ايه اللى جاب البرجر فى الموضوع
فوزية:مش دا برنامج اسرار الطبخ مع دينا

هنا بقى ام السيد دمها كله اتحرق وكرات الدم البيضاء بقت سودا ومعتش باقى غير شوية هيموجلوبين عشان دا حديد من صنع عز الدخيلة.
وقمت قايلة وهيا مخنوقة:طب انا بقى هقلكم موقف حصل النهاردة عشان اختم بيه ام البرنامج
تتابع:وانا راكبة فى التاكسى النهاردة...ف السواق وقف فجاة عشان يركب زبون...فلما وقف فجأة وقف عربية تاكسى وراه.....فسواق التاكسى التانى طلع بعربيته وجه جنب سواق التاكسى (اللى انا راكبة فيه) وزعقله وقاله:ينفع كده يسطى....دى وقفة؟
فرد عليه السواق بكل برود:لأ...دا العيد
المذيعة :ايه اللى بتقوليه دا يأم السيد
ام السيد:مش دا برنامج مواقف وتاكسيات
المذيعة:مبروك يام السيد......
ام السيد:ايه هروح الحبشة
المذيعة:لأ...انتى كسبتى رحلة طيران 4 ايام لكفر الشيخ...هتقضى 3 ايام انبعاجى ويوم لا وعى
ام السيد:كده...بيييييييييييييييييييييييييس

[yojeena]

هههههههههه
جااااااااااااااااامده موت
خمسه نشرات تحفه ع الاخر
ومستنيه السادسه

[sanfora]

ههههههههههههههههههههههه ورعه استمرررررررررر

[dr moory]

جااااااااااااااااااااااااااااااااااااااااااااااااا ااااااااااااامدة جداااااااااااااااااااااااااااااااااااااااااااااااا ا
من هنا لبكرة فى انتظار النشرة السادسة بس بلاش تاخير

[Dr.Mohamed]

Go ON

[same7]

ايه الحلاوة دى يا دكتور

[dr.chiklets]

برجر يلاااااا اطلبلى برجر هههههههههههههه
جامدة جداا جداا و الحمد للة طنط ابتدت تتقالم مع الجيل الروش طحن واللى بيمثلة فوزى باشا ابو الزغازيغ وبقت بتقول هاااااى لولولولولوللولولوللولوللولىىىىىىىىىىىىىىىىىى

[EverLasting]

تسلمولى يا دكاترة على رايكم الجميل اللذيذ اللطيف الخفيف الظريف وانا اسف على اى تأخير حصل ويارب اقدر اضحككم كمان وكمان وميرسى مرة تانية من هنا لحد هناك

[Amira]

يالا يا دكتور مستنيين النشره السادسه والا هتروح رحله صغيره كده لحد الحبشه

تحفه بجد يا دكتور

[toshoo23]

جامدة اوى

استمر يا مااااااااان