ليه بنسمع اغاني و احنا عارفين انها حررررام؟؟ (للنقاش)

[BoNbOoNa]

بسم الله الرحمن الرحيم

قال الله تعالى " ومن الناس من يشتري لهو الحديث ليضلَّ عن سبيل الله بغير
علمٍ ويتخذها هزواً أولئك لهم عذاب مهين "

الاغاني حرامـ وهذا شئ مفرغ منه ... ولا مجال للنقاش فيه ...

ولكنـ لماذا نسمعها .. وما شئ الذي يجعلنا .. ننحـرفــ وراها ... ونحن نعرفــ
انها محرمة ؟؟؟

هل نوع من اشباع الذات ام تسلية ... ام الهروب .. ؟!!؟

الاغاني من المحرمات مثلها مثل اي شئ حرمه الله تعالي ...

ولكن للأسف نحاول ان نبتعد عن تفكير انها محرمة

تذكروا ==>> " من ترك شيئاً لله عوضه الله خيراً منه "

" بدأ الاسلام غريبا وسيعود غريبا كما بدأ فطوبى للغرباء "

....

هل تسمع الاغاني ؟

لماذا تسمعها وانت تعرفـ انها حرام ؟

هل حاولت الابتعاد عنها ... وتركها ؟؟ وماهي تجاربكم لـ يستفيد الجميع ؟

انتظر مشاركاتكم

في امان الله

[ahmed kewan]

اشكرك اولا لاثارة الموضوع ده
واللي مش عارف ليه محدش رد عليه لحد دلوقتي
على الرغم انى بشوف موضوعات تانيه
اسف ان تكون تافهه والردود ما شاء الله

وردا على سؤالك انا بسمع الاغاني
ومحاولتش يوم ابعد عنها
بس اي اغاني واي كلمات؟ ........بسمع الكلام اللي ميجرحشى شعوري
اللي مفيهوش ابتذاء زي ما بيقولو

طيب ليه انا بسمع الاغاني مع انها حرام
اقولك يا سيدي
معروف طبعا ان اختلاف العلماء رحمه
فيه علماء فسرو لهو الحديث على انه الغناء
وفيه علماء فسروه على انه مش الغناء

طيب انا مسكتش فضلت ابحث ابحث ابحث
لحد ما ف يوم وانا قاعد اتفرج على المفتي الشيخ على جمعه
في البرنامج بتاعه مجالس الطيبين واذا بامرأه تسأله رأيه ف الغناء هل حرام ام حلال
فقال لها بصي الاغاني دى كلام والكلام حسنه حسن وقبيحه قبيح

بس انا برضه مسكتش اعدت ادور وابحث وابحث
لحد ما وصلت لرأي الاستاذ عمرو خالد عندما سأله احد الشباب عن الغناء
قاله والله انا مش مفتي بس مادام بتعلى مع الله ايمانيا ايه المشكله انك تسمع اغاني من وقت للتاني
وقال انه ايام اعدادي وثانوي كان بيسمع اغاني
ودلوقتي كمان بيسمع بس الوقت ضيق يعني بسمع كل حين وحين

واختتم كلامه قائلا انه كان يوم في بيت الشيخ محمد الغزالي
وقال عن الغناء حينما سأله احدهم
قال الشيخ محمد الغزالي ان الغناء ده كلام حسنه حسن وقبيحه قبيح


وبكده انا عندى رأيين سامعهم بوداني لواحد هو مفتي الديار المصريه فلا كلام بعده
وآخر يحترمه الشباب جميعا ويثقون به

وعلشان كده انا بسمع الاغاني

[* Esraa_resala *]

شكرا بنبونه على الموضوع

انا شايفه المشكله فى نوعيه الاغانى الى بتتسمع يعنى بتهيئلى لغه الاغانى هى اسرع وسيله

بتمس القلب يعنى لو استغلت كويس انك تسمعى اغانى دينيه او اغانى وطنيه بتهيئلى ده مافيش منها

مشكله يعنى انا شايفه انها زى اى وسيله ممكن تستغليها صح او لا

[BoNbOoNa]

اولا شكرا د\ حلمي كبير و د\ سوسو علي مروركم الكريم
انا برده اكيد دورت و لقيت ناس بتقول نفس كلام د \ حلمي كبير .. و لكن لاقيت ناس تانية بتحرم الاغاني و الموسيقي و ناس تانية بتحرم الاناشيد حتي ....
انا مش هفتي في الموضوع لانني طبعا لست اهلا لذلك
و لكن .. انا بطلت اسمع اغاني لسبب ..احنا هنتحاسب علي كل كلمة قلناها و كل لحظة عشناها
لما بفكر اني بين ادين ربنا و بقرأ كتابي و البشر و الجن واقفين و النبي صلوات الله عليه واقف و الصحابة
و انتم كمان .. و انا قاعدة اقرا الاقي نفسي بقول .........! ! !
موقف صعب اوي يا جماعة ....يمكن ده السبب اللي خلاني ابطل اغاني
* * * * * * * *
بالنسبة لموضوع الاغاني الدينية و الوطنية .. انا ممكن اسمعها لكن مش لدرجة الادمان برده .. الاناشيد بصراحة احسن حاجة و انا بحس انها مؤثرة و بتقربنا من ربنا...يا رب اهدينا لما تحب و ترضي...
انتظر مشاركاتكم...في امان الله

[ELANDALEEB]

انا عن نفسى بسمع اغانى ويمكن طوال الوقت حتى اثناء الدراسة وانا بذاكر ولو حتى فى وقت فاضى بين المحاضرات بسمع اغانى ..... ساعات كتير حاولت ابطل اسمعها بس بصراحة سرعان ماارجع تانى واسمع الألبومات الجديدة اللى نزلت ..... ناس كتير حاولوا معايا انى ابطل بس والله مش عارف ايه اللى بيحصل ...
اما بالنسبة انها حرام والا لأ ..... فدى فيها اجتهادات كتير .... ومفيش نص صريح ينهى عن كدة

[SmSm]

أنا كمان بسمع أغاني وحاولت مرة أبطلها بس رجعت تاني بالتدريج
هو المشكلة اني تقريبا مش بعرف أذاكر منغيرها عشان ببأى عايزه حاجة تفوقني لكن في الاجازة نادرا مابسمعها
أنا عارفة ومقتنعة انها حرام وبجد نفسي أبعد عنها نهائيا....

[drsherbiny]

اولا شكرا علي طرح الموضوع الرائع جدا

هل تسمع الاغاني ؟

اه

لماذا تسمعها وانت تعرفـ انها حرام ؟

والله انا مش بسمع اغاني مبتذلة خالص صراحة انا من عشاق السيدة ام كلثوم والمفتي اتسال مره عن اغاني ام كلثوم قال اه بسمعها

هل حاولت الابتعاد عنها ... وتركها ؟؟ وماهي تجاربكم لـ يستفيد الجميع

والله محاولتش خالص بيني وبينكم ومش هحاول

[Ramy Saad]

أولا شكرا على إثارة الموضوع ده
بس حضرتك وضحتي حاجة مهمة وهي إن الأغاني حرام ديه قضية محسومة من زمان بس احنا المفروض نناقش موضوع سبب سماعها

ليا تعليق بسيط :

معروف طبعا ان اختلاف العلماء رحمه
فيه علماء فسرو لهو الحديث على انه الغناء
وفيه علماء فسروه على انه مش الغناء

( اختلاف العلماء رحمة )
ديه مقولة منسوبة لابن مسعود رضي الله عنه ولكنها لا تصح عنه

طبعا كل النقل اللي حضرتك نقلته عن بعض الأشخاص كلام مضبوط ولكنه كلام عام
إذا سُئل رجل عن الغناء يوضح الحكم العام كما ذكرت ولكنه يجب أن يسقط الحكم على الواقع الآن في كلامه أيضا

ويكفيني في حسم المسألة قسم ابن مسعود على إن لهو الحديث هو الغناء ( مين أفقه من ابن مسعود أو أعلم منه بالقرآن ؟؟؟ )
والأدلة كتير هنا من القرآن وصحيح الأحاديث وأقوال أهل العلم من الصحابة والتابعين والأئمة الأربعة والسلف الصالح إلى المعاصرين ( أظن أي كلام يخالف كل دول يبقة خلاف غير معتبر من أصله )
http://www.pharma-board.com/board/showthread.php?t=4437

[دينا سالم]

أنا بأة كنت بسمع اغاني ومدمنة ولكن الحمد لله ربنا هداني من زمان وقدرت امنع نفسي منها ليه بأة يا شباب؟ أولا ف الثانوي كانت لنا أستاذة فاضلة بتقول اللي بيسمع أغاني عذابه أنه يصب في أذنه رصاص مذاب ف من هذا اليوم ممكن اعمل اي حاجة الا اني اسمع اغاني ليه؟لأن انا مثلا ارتكبت ذنب تاني هاخد سيئة لكن ربنا حدد جزاء الذنب ده اللي هيعمل كذا هيتحاسب بكذا اما الحاجة التانية بأة انا بصراحة كنت مغرمة بمغنية اسمها شيرين عبدالوهاب وكنت معلقة صورتها ف غرفتي بس سمعت الحديث اللي بيقول المرء مع من أحب يعني لو انا بحب ده سأحشر معه والله قمت بتقطيع الصورة فورا وبدون تردد والله انا كنت بحب سومة اوي ومازلت بس مأدرش ولازم اعرف نفسي الامارة بالسوء اني مؤمنةقوية والمؤمن القوي خير واحب الي الله من المؤمن الضعيف والسلام ختام

[BoNbOoNa]

جزاكم الله خيرا علي المرور
اهلا د\ العندليب و د\ سلمي و د\رامي و د\شربيني و د\ هاري بوتر
اسعدتني مشاركتكم و لكن يبقي سؤال ....
ماذا سنفعل اذا امر الله بقبض ارواحنا و نحن نسمع اغنية ؟؟ ايه هيكون موقفنا
هل احنا ضامنين ان اصابعنا هتطيعنا و هتغلق الاغاني و لسانا هيطعنا و ينطق بالشهادة؟؟
ولا احنا ضامنين اننا مش هنموت و احنا بنسمع الاغنية؟؟
! ! ! اريد اجااابة ! ! !

كانت لنا أستاذة فاضلة بتقول اللي بيسمع أغاني عذابه أنه يصب في أذنه رصاص مذاب ف من هذا اليوم ممكن اعمل اي حاجة الا اني اسمع اغاني

صعبة اوي ... دا قطنة الودان لما نعمل بيها لو دخلت جوه سنة بس بتوووجع
اللهم لا تؤاخذنا ان نسينا او اخطأنا