الدراسة من جديد ....ومشاعركم تجاهها؟

[mesery]

اية يا دكاترة احساسكم وانتم داخلين الترم التانى؟
الموضوع دة ....عشان تبينوا احاسيسكم ومشاعركم وانتم داخلين الترم التانى ؟ هل انتم شايفين انة شعور عادى وهيبقى زى كل ترم ؟......ولا نفسكوا كانت الاجازة تطول شوية عشان نقدر ننسى اللى حصل فينا الترم اللى فات ؟.....ولا متشوقين للدراسة والمذاكرة ونفسكوا الدراسة ترجع تانى بسرعة ؟
يالا يا دكاترة قولوا احاسيسكوا بصراحة ؟
وانا هكون اول واحد يرد على الموضوع دة ....انا شايف ان الاجازة دى عبارة عن شى جميل جدا..
وبتمنى انها تستمر على الاقل نكون نسينا اللى حصلنا الترم الاول ....وبالذات ودة اكيد يعنى ...اننا ممكن نخش الترم التانى ويقولونا ان مثلا فية شيت بعد اسبوعين ..تلات اسابيع ...وترجع الامتحانات تانى وقرفها ...

[Amira]

انا فرحاااااااااااااااانه جدا ان الدراسه قربت وكان نفسى تيجى قبل كده كمان
مش عشان المذاكره وحشتنى ولا حاجه محدش يفهم غلط بس عشان انا بحب اروح الكليه بتاعتنا دى جدااااااااااااااااااااااا وكمان بحب فتره الامتحانات والشيتات ومحدش يفهم انى بحب الامتحانات انا بحب وقتها بس _اصل الدفعه كلها بتبقى ماسكه الورق وعماله تزاكر بيبقى شكلهم حلو اوى _

[dr_Eucalyptus]

طبعا انا مبسوطه جدا .... لان الدراسه قربت وانا بحب الدراسه اكتر من الاجازة ....
وهاشوف اصحابى .... وهانخد حاجات جديده ..
اينعم ان الاجازه دى مش مليت منها خالص .... لانى ماقعدش .
بس بردو ايام الدراسه بتبقى أجمل .

[same7]

انا بصراحه عايز الاجازة تخلص بصرغه بس عشا اشوف اصحابى تانى بجد كانت لمتنا حلوة قوى

[mesery]

وكمان بحب فتره الامتحانات والشيتات ومحدش يفهم انى بحب الامتحانات انا بحب وقتها بس _اصل الدفعه كلها بتبقى ماسكه الورق وعماله تزاكر بيبقى شكلهم حلو اوى _
عندك حق واللة يا اميرة .....وبعدين اصلا هو فية حد بيحب الامتحانات......؟؟؟؟؟؟؟؟؟؟؟؟ ...وبعدين اللى كان بيحبها بعد اللى شافة اكيد غير رئية

[**SAMAR_RESALA**]

أيه ده كلكم عايزين الدراسه ترجع
على كده أنا الوحيده الفاسله فى الدفعه دى
أنا نفسى الأجازه تقعد شهرين كمان فوق الأسبوعين دول
لكن خلاص بقا الواحد هيرجع للشكاشن والمحاضرات وبعد شويه هبا الشيت جه
مابنلحقش نأخد نفسنا

[mesery]

أيه ده كلكم عايزين الدراسه ترجع
على كده أنا الوحيده الفاسله فى الدفعه دى
أنا نفسى الأجازه تقعد شهرين كمان فوق الأسبوعين دول
لكن خلاص بقا الواحد هيرجع للشكاشن والمحاضرات وبعد شويه هبا الشيت جه
مابنلحقش نأخد نفسنا

مين اللى قال الدراسة ترجع ..انا قايل فى الموضوع ان نفسى الاجازة تستمر اكتر من كدة
بلا دراسة بلا بتاع.......

[same7]

هوة فعلا يا خوفى لا يقولوا فى شيتات بعد ما ندخل بأسبوعينولا حاجه يبقى مش حلو علشانا

[Dr.N.Samy]

السلام عليكم ورحمة الله وبركاته
والله ياجماعة أيام الكلية فعلا جميلة جدا بس مجرد اللمة والاصحاب لكن بقا شيتات وامتحانات فمعتقدش خااالص
أنا حاسة اننا هندخل من هنا يقولولنا شيت وشفوي العملي وكالعادة بقا الى بيحصل
ربنا معانا ونخلص الكلية دي على خير

[MoRsY]

فعلا أحسن حاجة في الكلية إن كل واحد بيكون مع أصحابه ودي حاجة حنحس بيها بعد التخرج إن شاء الله عشان كده أنا عايز الدراسة ترجع بأسرع وقت ممكن بس من غير إمتحانات