ضرب المرأة ..... قضية هامة عايزين نعرف رايك؟؟؟؟؟

[قناع الذهب]

ازيكوا يا جماعة ؟؟؟

حبيت أطرح عليكم قضية هامة و خطيرة ...

~..قضية ضرب المرأة..~

القضية اللى أصبح يعانى منها المجتمع العربى بصورة كبيرة هذه الأيام
والتى للأسف يجهل الكثير منا مدى خطورتها و تأثيرها النفسى على المجتمع بصفة عامة و على المرأة بصفة خاصة

وتأثيرها أيضا على الأطفال الذين هم جيل المستقبل ....

للأسف هذه الظاهرة زادت بشكل كبير فى الآونة الأخيرة برغم التكتم عليها ، تلك الظاهرة التى بدأت تظهر على السطح بسبب وعى المرأة ورفضها للقهر و للظلم و الإستبداد من قبل الرجل

وقد كان رسول الله عليه أفضل الصلاة و السلام على علم واسع وحكمة بليغة حين أوصى فى آخر وصاياه الشريفة (أوصيكم بالنساء خيراً) وشبه النساء بالقوارير لضعفهم الجسدى

فالمرأة كائن رقيق موصوف بالنعومة و السلام .

لذا فأريد أن أعرف أرائكم فى هذه الظاهرة و أجوبتكم على هذه الأسئلة :

1 - هل يحق للرجل ضرب المرأة مهما كانت الأسباب و هلى تؤيد ذلك ؟

2 - ماهو واجب المجتمع و الدولة لمواجهة هذه المشكلة ؟

3 - هل أسلوب الضرب هو الأسلوب الصحيح لتقويم المرأة أم هناك أساليب أخرى ؟

أرجو التفاعل لأن الحل بيد الرجل أكثر من المرأة ..

( ولا ننسى أن المرأة نصف المجتمع وهى التى تلد و تربى النصف الآخر )

تحياتى ليكم

[dry_tears]

شكرا قناع الذهب على طرحك لهذا الموضوع الهام جدا واللى للاسف موجود ومتاصل فى اسرنا المصرية منها والعربية بس هقول كلمة وحدة
عندما يرى الابناء مثلهم الاعلى يضرب امهم فماذا هم فاعلون؟؟؟

[M.tal3t]

all your latest topics are about woman

do you work at woman rights watch ? ,

thank you , i will discuss that later

mt-

[قناع الذهب]

شكرا dry tears على ردك وفعلا انا بشوف ان الاب اللى بيضرب الام او الراجل عامة اللى بيضرب المراة ايا كانت بقة مراتة او اختة بس مش هقول بنتة لانة ممكن يكون بيربيها هههههههههه الراجل اللى بيعمل كدة محدش بيحترمة لانة بيستقوى على كائن اضعف منة جسديا وطبعا ربنا ما امروش بكدة

[قناع الذهب]

all your latest topics are about woman

do you work at woman rights watch ? ,

thank you , i will discuss that later

mt-

طبعا حضرتك نورتنى بالرد على الموضوع وانا مش بيبقى قصدى اتكلم عن حقوق المراة او كدة بس حاجات بتعجبنى او مواضيع بلاقيها مهمة فعلا فبقول نتكلم فيها بس والله انما مش مقصودة ههههههههههههههههههه وبعدين دا اثبات لان بعد ما اتشالت التوقيعات ناس كتير بتكلمنى على انى ولد
وعموما مستنية رد حضرتك thank u

[pharmacistina]

الموضوع مهم ..
ويخلي الواحدة تزعل أوي انه موجود ..

- هل يحق للرجل ضرب المرأة مهما كانت الأسباب و هلى تؤيد ذلك ؟

أنا شايفة انه لأ طبعا ..
مين اللي اداه الحق ..
ربنا مايرضاش بكدة أبداا ..
الرسول صلى الله عليه و سلم كان لو حب يعاقب أوي يضرب بالسواك ضربة خفيفة ..
يعني حساب معنوي ..
لكن دلوقت حسب ما بنسمع ..
بيفتري الراجل على مراته ..
ودة في رأيي أكبر حرام ..
مفيش أي مرأة في الدنيا تستحق كل الأذى دة ..
ليه الراجل يعاملها كأنها راجل تاني قصاده ..
دي مش أخلاق و لا شهامة ..
و بجد أكبر حرام ..


2 - ماهو واجب المجتمع و الدولة لمواجهة هذه المشكلة ؟
مش عارفة المجتمع هيعمل ايه لرجل يفتقد الى الرحمة ..
علاقة الزواج بيحكمها قانون ربنا حطه ..
قانون المودة و الرحمة ..
اذا انهار القانون دة بالضرب ..
مش عارفة ازاي تستمر الحياة ..


3 - هل أسلوب الضرب هو الأسلوب الصحيح لتقويم المرأة أم هناك أساليب أخرى ؟

طبعا مش أسلوب صح لأنه بيعمل حاجز كبير ممكن تقولي م الخوف و التجنب ..
تسمعي الشاب في كتب الكتاب وهو بيقول ( و أعاهد الله أن أتقي الله فيها ... )
بينسى ازاي بعد كدة ..
أصلا في الدين ..
ممكن لو هي الست غلطت ينبه ع الغلط و يأمر بعدم تكراره ..
و يتبع الدين ..
لو حكمت يعني ..
يقول لأهلها ..
لكن ضرب و اهانة لأ ..

[pharmacistina]

صحيح الموضوع خلاني أنفعل ..

نسيت أقول شكرا جزيلا ع الموضوع ..

[قناع الذهب]

انا اللى بشكرك جدا يا فرمسستينا على ردك الجميل دا وبايدك فى رايك وانا شايفة ان فعلا المجتمع مش هيبقاله دور بالنسبة لراجل بيضرب مراتة لانة المفروض ما يكونش خايف من المجتمع ولا الدولة المفروض يبقى خايف من ربنا وفعلا يفتكر الكلام اللى قاله ساعة كتب الكتاب وان دا ميثاق غليظ لو نقضة يستنى عقابة من ربنا
عموما شكرا لردك مرة تانية والف مبروك علىوعقبال البكالوريوس ان شاء الله

[mesery]

انا شايف ان الموضوع دة متاصل ومن الصعب انة نمحية من المجتمع وخصوصا من عند الغير متعلمين وبالذات ان الامرأة الغير متعلمة ما تعرفشى حاجة اسمها حقوق انسان ولا غيرة....وفعلا اللى بيضرب المرأة دة ...
انا شايف انة مش راجل ود بيعملة من ضعفة والانسان القوى عمرة ما يستقوى على الانسان الضعيف وخصوصا المرأة ...وهى طبعا من اضعف الكائنات اللى ربنا خلقها ....
ويبقى اية احساس الاولاد لو شايفين الاب يضرب امهم ؟اكيد كل دة بياثر على شخصيتهم لما يكبروا
الاولاد ..اكيد هياخدوا ابوهم قدوتهم ....والبنات طبعا احساسهم معروف
عشان كدة انا شايف ان الموضوع صعب انة يتحل ...وخصوصا من عند النشأ الصغير
والموضوع على فكرة جامد ....وتسلم ايدك على الموضوع

[dr_Eucalyptus]

قضـــيه مهمه جدا ياسمسمه

اشكرك على طرحها

بس فى البدايه احب انوه لحاجه .... اننا اختيارنا ممكن يكون من الاول غلط .

وحكايه انه ممكن يغير او تغير اسلوبها بعد الزواج ... انا مش بقتنع بيها (فى بعض الحالات ممكن يحصل) بس انا ما فكرش صح من البدايه ليه ؟!!! .

ومش معقـــول ان انسان اتعود على كدا فترة طويله ... يجى يغير اسلوبه ممكن تكون صعبه شويه .

وانا عارفه ان فى ناس بتحاول تظهر باحلى صورة فى الاول ... وبعد كدا كله بيظهر ع حقيقته ... بس أكيد فى بعض التصرفات مش بيقدر يخبى نفسه .

وكمان لازم دايما نستخير ربنا فى اى شئ بنعمله .... لانه فعلا دا مهم جدا ...
انا عارفه انى طولت معلش ... نشوف بقى الاسئله ....

1 - هل يحق للرجل ضرب المرأة مهما كانت الأسباب و هلى تؤيد ذلك ؟

لأ طبعا ...

انا مش عارفه ليه دايمــــــا ادينا ولسانا سابقين عقلنا ...

ازاى يعمل كدا أصلا لو رجل بيعمل كدا... انا مش بحترمه خالص.

وطالما هو ما حفظــش على زوجته .... يبقى مش رجل أصلا
لان الرجوله مش كلمه بتتقال كدا وخلاص .... لأ دى مواقف وافعال بتدل فعلا على الرجوله...
ودى طبعا مش حياه
يقول تعالى....
"" وجعــــل بينكم موده ورحمه ""
هى فين بقى كدا ...

وانا شايفه ان من أجمل الصفات اللى ممكن يتصف بيها الرجل الحكمه والطيبه ...
بيهم حاجات كتير بتتغــــــير .

2 - ماهو واجب المجتمع و الدولة لمواجهة هذه المشكلة ؟

والله لو احنا غيرنا مجتمعنا واعدناه لرشده ... وان الاساس فى اى شئ الدين .... أكيد كان هيبقى فيه رد حاكم وفعال .... وممكن فعلا نواجهه المشكله .

3 - هل أسلوب الضرب هو الأسلوب الصحيح لتقويم المرأة أم هناك أساليب أخرى ؟

الضرب لا يولد غير العنف والعند ... وكمان بيسبب حاجز منيع بين الاب وأسرته ... والاطفال بتتربى فى بيئه غير سويه

وبيتبنى عليه مشــــــــاكل اكبر بكثـــــــير

أرجو التفاعل لأن الحل بيد الرجل أكثر من المرأة ..

أكيد طبعا .... نحب بردو نعرف رأى الرجال !!!!

( ولا ننسى أن المرأة نصف المجتمع وهى التى تلد و تربى النصف الآخر )
أكــــــــــــــيد