القلب تاه

[Alaa_Resala]

سكت الكلام والقلب ويا العقل تاه
والدنيا زحمة ..وفي الزحام مليون حكاية للحياة
مليون حكاية..وفي الحكاية ألف قصة وألف جرح وألف آه
احكي يا قلبي..وانتي يا عيوني ابكي ودمعي
احكي عن جرحي..واللي بشوفه وبسمعه
ولا أقولك..احكي عن الخنجر المدفون جوه في أَضلعِي


سكت الكلام والقلب ويا العقل تاه
والدنيا مطرة ..وفي المطر نغسل ذنوبنا
وفي المطر ..نشيل الكره من بين قلوبنا
ندعي بعزم ما فينا..ياربنا نور دروبنا
وفي المطر..ميبانش مين دامع ومين مجروح
كله لربنا بهمه يبوح
ماهو في المطر...باب السما مفتوح


سكت الكلام والقلب ويا العقل تاه
والدنيا ضيقة تضيق علينا
تطير النوم من عينينا
تبعتر الحلم اللي فكر في يوم..يشوف الضلمة نور
فكر في يوم.. يعدي كل البحار وكل الجسور
لكن يا عيني الحلم زي القلب تاه
ماهو أصله كان مركب ورق..وسابحة ضد الاتجاه



سكت الكلام والقلب ويا العقل تاه
والدنيا ضلمة...وفي الظلام يصرخ جوايا صوت
مخنوق..نفسه مني يفوت
لكن لو خرج مني...يمكن أموت
وفي الظلام..بصيت لاقيت ..شمعة بعييييييييد بتبصلي
بتقولي قومي واحلمي..لاقيت ايديها بتتمدلي
بتمدلي نور الأمل..وسط الظلام بتبدده ..تكشفلي ألوان الحياه



سكت الكلام والقلب ويا العقل تاه
والدنيا بحر بين شطين
في البحر توهنا....فرقتنا سنين
في البحر موجة...طوحتنا بعيد
وموجبة من بعد موجة...خلاص بقينا ليها عبيد
وفضلنا نصرخ ...ندور على بر أمان أو حتى قارب نجاه
لكن الدنيا زي ماهي بحر بين شطين..
شط فيه الموت وشط فيه الحياه


سكت الكلام والقلب ويا العقل تاه

[mr_toxic]

حميل يا الاء
والصور تحفة

بس الفرح فيها قليل والتحول من اليأس للامل تانى محستوش باين اوى فى القصيدة
هيا واقعية جدا

وفعلا الكلام عن الامال والاحلام بعيد عن ارض الواقع جدا



سهل اوى واحنا بعيد عن التجربة اننا نتكلم عن احلامنا
بس لما بنتحط جواها ونقابل الحياة
بنحس اننا لازم نعيد حساباتنا تانى ونفكر تانى

عود حميد

ويارب دايما متحرميناش من ابداعاتك

[skelsemo]

سكت الكلام والقلب ويا العقل تاه
والدنيا ضيقة تضيق علينا
تطير النوم من عينينا
تبعتر الحلم اللي فكر في يوم..يشوف الضلمة نور
فكر في يوم.. يعدي كل البحار وكل الجسور
لكن يا عيني الحلم زي القلب تاه
ماهو أصله كان مركب ورق..وسابحة ضد الاتجاه

سكت الكلام والقلب ويا العقل تاه
والدنيا ضلمة...وفي الظلام يصرخ جوايا صوت
مخنوق..نفسه مني يفوت
لكن لو خرج مني...يمكن أموت
وفي الظلام..بصيت لاقيت ..شمعة بعييييييييد بتبصلي
بتقولي قومي واحلمي..لاقيت ايديها بتتمدلي
بتمدلي نور الأمل..وسط الظلام بتبدده ..تكشفلي ألوان الحياه

سكت الكلام والقلب ويا العقل تاه

woooooooow bgad gaemla gdan dr.Alaa welgoz2 da bgad 3gbny awe we 7seo awe bzat el2wlany..msa tb3n da msh gded 3leky...mt7rmenash mn ebda3atak....

[monosh]

محتاجة أكون لوحدى فى جو زى ده.

قد إيه كلامك جميل ومعبر يا دكتورة.

تحياتى لكى.

[بنت مصر]

حلوه اوى القصيده
تسلم ايديكى

[chocolata]

القصيدة تحفه يادكتورة الاء تسلم ايديكى انا كده جنبك مجيش حاجه انا عاجبتنى اوى فكرة غسل الذنوب اثناء سقوط المطر لانى غالبا فى اللحظه بحاول ادعى ربنا وكمان بحاول اشرب من مياه المطر يمكن البعض يفتكرها حرجه سخيفه لكن انا بحس انى دى واحده من انقى المياه اللى ممكن ارب منها وعجبتنى صورة الشمعه بتمثل بصيص الامل اللى انا بدور عليه حاليا ...القصيدة فعلا جميله جدا

[ملكة الدموع]

انا كمان بضم صوتى لصوت كل زمايلنا بجد القصيده اقل ما يقال عليها انها تحفه
وعاجبنى برده جزئية غسل الذنوب تحت ماء المطر..........
حقيقى انا فعلا بحسب انه ماء طاهر نقى.... وعمرى والله ما ادعيت والدنيا بتشتى غير لما اتحقق دعائى والحمد لله.............

[omima ramadan]

تحفة يا آلاء بجد

أنا أول مرة أقرأها

بس بجد روعة

استمري يا لولو.

[**SAMAR_RESALA**]

سكت الكلام والقلب ويا العقل تاه
والدنيا زحمة ..وفي الزحام مليون حكاية للحياة
مليون حكاية..وفي الحكاية ألف قصة وألف جرح وألف آه
احكي يا قلبي..وانتي يا عيوني ابكي ودمعي
احكي عن جرحي..واللي بشوفه وبسمعه
ولا أقولك..احكي عن الخنجر المدفون جوه في أَضلعِي


روعه يا دكتوره وبالذات مطلعها جميل أوى
سلمت يمناكِ

[Nayroz]

سكت الكلام والقلب ويا العقل تاه
والدنيا ضيقة تضيق علينا
تطير النوم من عينينا
تبعتر الحلم اللي فكر في يوم..يشوف الضلمة نور
فكر في يوم.. يعدي كل البحار وكل الجسور
لكن يا عيني الحلم زي القلب تاه
ماهو أصله كان مركب ورق..وسابحة ضد الاتجاه

جميلة القصيدة دى اووى يا دكتورة الاء ........سلمت يداكى ودى اكتر حتة عجبتنى .....سلاماتى