برنامج رفع الصور .. هام لكل أعضاء المنتدى !! و المنتديات اللى جنبنا !!

[..::ciZar_Resala::..]

بسم الله الرحمن الرحيم

النهاردة أنا جايبلكوا برنامج رفع الصور .. ImageShakert.. فى ناس كتير سمعت عنه .. و فى ناس كتير برده أول مرة تسمع عنه .. و فى ناس زييى كده شغالة بيه من زمااااااااااااااااااااان .. بس بصراحة كنت مكسل أجيبه ..

البرنامج يقوم برفع الصور على موقع Imageshack.us الشهير برفع الصور .. و أقوى موقع على الاطلاق .. و ذلك دون الحاجة إلى فتح صفحات نت .. و دخول ب user name أو password ... و الله و لا حتى passport ..

المهم .. عشان عاوز أنام ... البرنامج سهل و بسيط و حجمه صغير .. و أنا و الحمد لله .. استفضت فى شرحه تماماً .. عشان مسمعش أى شكاوى من حد .. و عاوز الكل يجربه

نبدأ فى شرح البرنامج ..

دى صورة البرنامج بعد فك الضغط .. اضغط عليها و افتحها .. إنت بتعمل إيه .. اضغط عليها و افتحها عندك بعد ما تنزل البرنامج



بعد ما البرنامج يفتح .. فى أقل من ثانية طبعا و بدون عمل set up .. اختار ال option لضبط اعدادات البرنامج ..



اضغط على Browse و اختار المكان الذى يتم حفظ لينكات الصور فيه ..





بعد ما تختار المكان هتحفظ اعدادات البرنامج .. و الأسهل إنك متغيرش حاجة فيه غير كده .. و إلا أنا هحتاج شرح زيادة ..



بعد كده ... عاوزك ترفع أول صورة ليك باستخدام البرنامج ..









استنى ثوانى .. عقبال ما يجيب لينك الصورة .. ثانيتين بس ..



و بعد كده خد الرابط بتاع الصورة و حطه فى المنتدى عن طريق كود ال image .. زى أى لينك صورة عادى جداً ..






البرنامج بيقوم بحفظ لينكات الصور اللى إنت رفعتها .. عشان لو احتجتها فى أى وقت تلاقيها .. و ده فى ملف اسمه is فى المكان اللى انت حددته فى ال option من الأول زى ما شرحت .. أنا كنت اخترت ال partition C عشان أحط الصور فيه .. زى ما الصورة بتوضح تحت .. الملف موجود فى السى .. افتحه .. و اختار أى صورة .. هتلاقى اللينك بتاعها ظهر عندك فى ال Browser و الصورة كمان ظهرت فى ال Browser ..






نيجى بقى لنقطة الأمان .. و استخدام البرنامج .. البرنامج " خالى من الفيروسات تماماً " .. برغم إن كتير من برامج الأنتى فيروس بتعتبره Trojan agent .. إلا إنه أمان جداً .. و حكاية التروجان دى .. هى طريقة رفعه للصور على الموقع .. على سبيل المثال .. أنا بستخدم برنامج النود .. هنشوف بعد ال Scan قاللى إيه ..



و على الرغم من كده .. البرنامج شغال عندى تمام .. و زى الفل .. و جنبا إلى جنب مع النود ..



آسف إنى طولت عليكم .. و نيجى بقى لتنزيل البرنامج ... اضغط على أيقونة البرنامج للتحميل ..

[Dr.Mohamed]

Gr8 Work Thx Yaser

[تابعة محمد]

بسم الله الرحمن الرحيم
شكرا يا دكتور على البرنامج ، و انا كنت لسه بس بدور عليه امبارح .

[..::ciZar_Resala::..]

Gr8 Work Thx Yaser

ميرسى يا محمد .. ربنا يخليك ..

بسم الله الرحمن الرحيم
شكرا يا دكتور على البرنامج ، و انا كنت لسه بس بدور عليه امبارح .

العفو يا دكتورة على إيه .. البرنامج موجود و تمام أهه .. و أى سؤال إحنا موجودين

[dr..asma]

ممكن بس أسأل سؤال هو ايه اسم البرنامج اللي بتشرحو بيه اللي بعد ما تأخد لقطة للشاشة تكتب ع الصور ؟
وشكرا ع البرنامج وجزاكم الله كل خير

[MaHoRa]

snagit يادكتوره عملاق الشروحات

download

اخر نسخه من البرنامج

[..::ciZar_Resala::..]

ممكن بس أسأل سؤال هو ايه اسم البرنامج اللي بتشرحو بيه اللي بعد ما تأخد لقطة للشاشة تكتب ع الصور ؟
وشكرا ع البرنامج وجزاكم الله كل خير

العفو يا دكتورة و أى خدمة .. برامج الشرح كتيرة جداً .. لكن أفضلها على الاطلاق .. و أحسنها .. هو برنامج SnagIt .. و لو حضرتك عاوزاه .. ممكن أرفعه كامل ..

[..::ciZar_Resala::..]

يلا .. أحمد سبق .. أنا جيت متأخر

[أمــ هـنـد ــة الله]

جزاكم الله خيرا يا دكتور ياسر على الشرح والبرنامج

[dr..asma]

snagit يادكتوره عملاق الشروحات

download

اخر نسخه من البرنامج

جزاكم الله كل خير ع البرنامج يا دكتور