إشارة مرور

[Mohamed Al Gohary]

اشارة المرور .. بتعمل حاجات كتير اوى فى حياتنا .. ممكن تبقى ماشى فى طريق وواخده كله على طول .. وتقابلك اشارة مرور فتقف فيها لفتره من الزمن .. وتعيد تفكيرك فى طريقك وتشوف هل وانت ماشى فيه انت ماشى فى الطريق الصح ولا لأ ؟؟

ممكن اشارة المرور تخليك تكمل فى نفس طريقك وانت كلك ثقه فيه .. وفى صحة اختيارك .. وممكن تخليك ترجع تانى .. وتتاكد ان الطريق ده كان غلط .. وتدلك كمان على الطريق الصح اللى انت كنت لازم تاخده من الاول ..



ياترى فيه كام اشارة مرور فى حياة كل واحد فينا ..

[Dr nour]

ياترى فيه كام اشارة مرور فى حياة كل واحد فينا ..

يااااه أكيد فى كتير................فى كل شئ بنعمله لازم يكون فيه اشاره مرور وخصوصا لو كان شئ لأول مره بنعمله أو شئ جديد على حياتنا
لازم كل فتره نقعد نفكر فى ماذا فعلنا وهل مافعلناه هو الصواب أم الخطأ.................لأن الحياه ماهى الا تجارب والتجربه تحتمل الصواب والخطأ وفى كلا الحالتين لازم أكون مستفاده من تجاربى وأخطائى
لأن فى بعض الأحيان بيكون لينا مطلق الحريه فى اختيار التجربه لرغبتنا فى خوضها لكن فى بعض الأحيان نجد أنفسنا قد خضنا تجارب لم نكن نتوقع أن نخوضها ولكن قد فرض علينا خوضها كذلك فى بعض الأحيان نرسم لأنفسنا طرق محدده للوصول الى هدفنا ولكن نفاجأ أن علينا خوض طرق أخرى مجهوله بالنسبه الينا ولا نعلم ان كانت طرق صحيحه سوف تؤدى بنا الى مانصبو اليه أم انها ستضللنا وتبعدنا أكثر عن هدفنا
لذلك لابد لنا أن نقف مع أنفسنا ونتأمل حالنا ونفكر هل فعلا تجنبنا الصواب أم لا حتى اننا اذا أدركنا اننا سلكنا الطريق الخاطئ نكون قد أدركناه فى وقت مبكر نستطيع فيه الرجوع عنه قبل أن نصل الى مرحله يكون فيها كل شئ قد ضاع من بين ايدينا
___________________________
شكرا يادكتور على طرح حضرتك الموضوع المهم ده

[تابعة محمد]

بسم الله الرحمن الرحيم
موضوع فى منتهى الخطورة لان ساعات كتير بنمشى و منخدش بالنا و نفاجئ اننا خسارنا و ساعتها يا ترى الاشارة الحمرة بتظهر و لا لا؟
انا عن نفسى اكتر حاجة هزتنى لما زميل لى مات و هو فى اولى ثانوى و كان مفجئ لينا وفاته بعديها اتغيرت كتير .
و بعد كده لما ربنا و فقنى فى تالته ثانوى استوقفنى نعم ربنا علي التى لا تحصى و لاتعد ، و بدات افكر انا عملت ايه علشان اخد النعم ديه كلها ، ومن ساعتها بدا التغير التام فى حياتى.

[doctordoaa]

الموضوع جميل جدا يادكتور فعلا كل واحد لازم يقيم الطريق اللى ماشى فيه من الأول علشان مايرجعش يندم.بس أنالما حولت أفكر لأيت إن فيه أكثر من إشارة

[Mohamed Al Gohary]

حولت أفكر لأيت إن فيه أكثر من إشارة

ياترى ايه هم ؟؟

[قناع الذهب]

موضوع جميل يا دكتور بس دى بتختلف من واحد للتانى يعنى ممكن واحد يبقى ماشى فى حياتة زى العربية اللى ملهاش فرامل بيعمل كل حاجة غلط ومفيش اى حاجة بتوقفة ولا بيبص لاى اشارة من اى حد وفاكر ان هو كدة صح ومحدش لية اى حد ان هو يوقفة
وفية ناس تانية لما تحس انها هتعمل حاجة غلط واى حد يديها اشارة او حتى هيا من نفسها فية حاجة جواها توقفها وتقوللها لا كدة ماينفعش دى ناس ممكن الكلام يجيب معاها نتيجة يعنى مثلا لما الانسان يحس انة بيعمل حاجات غلط كتير ربنا يبعتلة حد معين يفكرة او موقف يحصل معاة شخصيا لو فكر فية هيعرف ان دى اشارة من ربنا عشان يرجع تانى
بس دا رايى ويارب ما اكونش طولت عليكوا

[Pharmcist_girl]

على فكره الموضوع حلو وعايز تفكير فعلا عشان نرد اجابه نموذجيه على هذا السؤال؟!

انا صراحه مش متذكره اشاره مرور فى حياتى دلوقتى بس اكيد فيه ناس فيه اشارات مرور بتغير حياتهم 180 درجه فعلا...

[Alaa_Resala]

الحياه كلها اشارات مرور
طول مانت ماشي بتتخبط فيهم...بتقف وتفكر وتشوف انت صح ولا لا ....ساعات بتكمل حتى لو غلط بس في الاخر بتجيلك اشارة تانية توقفك تاني يمكن ترجعك للصح ويمكن تكمل تاني الغلط
لكن اكيد كلنا نفسنا اشارات المرور دي تكون أجراس إنذار عشان نرجع عن أي غلط هنستمر فيه

كتير اشارات المرور لكن فيه اشارات مرور في شوارع سريعة بحيث انك لو مأخدتش بالك منها او مفكرتش عندها ممكن تتخبط...وأسلوب حياتك يتدهور

بس اكبر اشارة مرور مرت بيا
هي لما بدأت أحس بهموم الناس واشوفهم...حسيت كتير قد ايه انا ساعات ببقى تافهة أو عيلة يعني
وساعات لما كنت بحس ان الدنيا فيها كتير أسوأ مني ...واشوف ناس تانيين قاعدين يتناقشوا في مشكلة سطحية وتافهة وملهاش أي معنى قدام الهموم الكبيرة اللي الناس التانيين شايفينها... بستغرب موقفهم وابقى عايزة ازعق فيهم واقولهم ايه اللي انتو بتعملوه ده...فوقوااا بقى يا بشر

مش عارفة ليه بدأت أفقد الاحساس ده دلوقتي....يمكن عشان بعدت عن الناس

[د\بوسى ربيع]

لا اصلى متعوده دايما اكسر الاشارات