الصناعة المصرية خيال ولا خيال.........
الموضوع ده انا لقيته وعاوز اعرف الكلام ده بجد
ولا اشتغلات
لكل مصري مؤمن بإن أول خطوة للنهوض بمصر
هيا دعم المنتج المصري
مادياً و معنوياً
للأسف إحنا كمصريين أكتر شعب معندهوش ثقة في منتج بلده
و إيه السبب؟
هل حد مننا قبل كده جرب يشتري سيارة متجمعة في مصر و حصلت منها مشاكل؟
هل حد مننا جرب قبل كده يشتري أجهزة منزلية أو كهربائية مصنعة في مصر و أدائها مكانش علي المستوي؟
بالعكس بقي ... كام واحد مننا إشتري أجهزة كورية أو صينية و عيوب الصناعة و مشاكلها التقنية خلتها تعطل أكتر ما تشتغل
ليه بننقد المنتج المصري لمجرد إن سعره مرتفع بنسبة بسيطة عن المنتج الأجنبي؟
لأن العيب فينا قبل ما يكون في المصنع .. إحنا اللي وصلناه للمستوي ده
إحنا اللي قاطعنا منتجات بلدنا و شردنا عمال المصانع و حرمنا مواهب كتير من إنها تاخد فرصتها ... الإختراعات العجيبة اللي بنشوفها صناعة يابانية أو أوروبية ... بيسبقهم ليها دايما طالب مصري في كليته .. بس فكرته موصلتش للنور ليه؟
لأنها حتبقي صناعة مصرية
إحنا مش عاوزين نكون مجرد جروب علي الفيسبووك
لأ ... إحنا حنبدأ بنفسنا و نشتري منتجات مصرية و نسيب البديل الأجنبي ... حنضحي شوية؟
طيب أمال متوقعين إننا نكون دولة متقدمة من غير تعب أو تضحيات؟
تحية لكل رجل أعمال مصري شجع شباب بلده و نمي مواهبهم و أفكارهم .. و طبعاً حقق مكاسب
تحية لكل عامل مصنع بيشتغل 12 ساعة في اليوم علشان خط الإنتاج ميتوقفش
تحية لكل مهندس مصري مسابش البلد و هاجر علشان عارف إن بلده أولي بمجهوده
صدقوني مصر موقفها جيد في التصنيع بس إحنا اللي مش حاطين ثقتنا في المنتج المحلي
و المنتج المصري بينافس نظيره الأجنبي في الأسواق الخارجية
و الشركات المصرية وصلت لمستوي من الكفاءة أعلي من مثيلاتها الأوروبية و حتي الأمريكية
مش مبالغة .. بجد
شيروكي ليها خطين تجميع فقط خارج الولايات المتحدة واحد من الخطين دول في مصر
أيوة ... كل العربيات الجيب العسكرية و المدنية تجميع محلي
سيلانترو ... كافيه مصري 100% و بجدارة بينافس أكبر الكافيهات في البلد
عمرو حلمي ديزاينز ... أوليمبيك جروب
أوراسكوم ... سيراميكا كليوباترا
العربي ... غبور
النساجون الشرقيون ... مصر للطيران
و طبعاً الميزة التنافسية للمنتجات القطنية المصرية
و الأمثلة كتير
تفتكروا لو مكانش في مصر الكفائات المؤهلة للمنافسة في السوق العالمية .. كنا حنوصل للمرحلة المتقدمة دي؟
العيب في مين؟
الخطوة الأولي : نبدأ بنفسنا و نروج للمنتج المحلي في الوسط اللي إحنا عايشين فيه
و عاوزين نوصل صوتنا لكل عامل و مهندس و إداري و رجل أعمال مصري و نشجعهم ... و نعرفهم إننا واثقين في جودة منتجهم و كفائته
و بإذن الله سنة 2020 حندخل أي ستور أو أي ماركت و نلاقي 70% علي الأقل من المنتجات الموجودة مصرية
و نلاقي الكونسيومرز بيسألوا عن المنتج المصري بعينه ... و البائع بيقنع العميل بكلمة " ده صناعة مصرية
الموضوع منقول وشكل صاحبه خياله عالى
ولا احنا اللى دايما متشائمين على طول
.gif "Fop (29)")
رد مع اقتباس