تبقى مصيبه لو كنت لسه ماتعرفش

[sokar-resala]

دي تبقى فعلا مصيبه لو كنت لسه ماتعرفش اللي حصل في غزه
يا جماعه
أنا بستغرب أوي لما أدخل السنتر أشتريلي حاجه و ألاقي الناس زي ما هي بتشتري المنتجات اللي كلنا المفروض عارفين اننا لازم نقاطعها و لو ان احنا مش محتاجين حاجه تحصل عشان نعمل كده والكلام ده طبعا مش بس في سنترنا العزيز ده ف كل حته
بصراحه أنا بقول لنفسي أكيييييد ما يعرفوش أصلهم لو عارفين مش معقول مش حاسين
مش معقول مش قادر تستغنى عن المنتجات (اللي كلنا نعرفها وكمان عارفين نستبدلها بايه)
يا جماعه حد يقولي ايه السبب
أنا بجد بحس ان ذنبهم في رقبتنا

ياريت أعرف رأيكو ايه في الظاهره (اللي بأت طبيعيه) دي يمكن أنا اللي مزوداها شويتين ولا حاجه

[Sincerity]

انا برضه لاحظت الحكايه دى كل ما ادخل السنتر ...بس انا عن نفسى الحمد لله قدرت استغنى عن الحاجات دى وبحاول انصح اى حد بلاقيه بيشتريها...اصل لما بنشتريها غير انها بتقتل فى اخواننا اللى فى غزه الا انها بتضرنا كمان وبجد ربنا يهدى الجميع ويحاول يستغنى عنها

[sunshine]

والله كويس انك فتحتى الموضوع ده يا دكتوره عشان انا برده الموضوع ده مضايقنى جدااااا لانه فعلا محدش يجيله قلب يعمل كده الا اللى ميعرفش ومش معقول محدش لسه مش عارف واللى مش معقول اكتر لو عارف ومطنش ياريت الناس دى لو مش حاسه ان دول اخواتنا والمفروض اننا كعرب و مسلمين اكتر ناس نساعدهم ياخدوا الموضوع من الناحيه الانسانيه لان بجد الواحد دمه بيتحرق من اللى بيحصلهم والحاجات اللى المفروض نقاطعها معظمها شبسيات وكنزات وحاجات سهل اننا نقاطعها العمليه مش صعبه يعنى.............وربنا يهدى الكل

[Pharmcist_girl]

والله جمله واحده بس هى اللى اقولها قراتها قبل كده وفعلا كل حرف فيها صح 100%

ان لو احنا قاطعنا مش هنموت ...... لكن لو مقطعناش هما هيموتوا

[* Esraa_resala *]

انا لحظت فعلا كتير كده بس هتقولى ايه يا قله احساس يا انعدام احساس

بس استحاله يكون السبب ماحدش يعرف احنا مش عايشين فى الارض وهما عايشين فى كوكب تانى

ولا حاجه

المشكله لو يكون تفكير حد فيهم ان يعنى ازازه الكانز الى هشتربها مش هى ده الى هتأثر

ولو كل واحد فكر كده فاكيد هيأثر

مش عارفه محتاجين ايه اكتر من كده يحصل علشان يكون عندنا ذره احساس ولما اسمع فى التلفزيون ام

بتقول ان بنتها سانتين قالت لمامتها انا مش عايزه الشكولاته ده بذات علشان الى بتشوفه فتخيلى طفله

صغيره عندها احساس وبمليون راجل وامراءه كبار مش قادرين يتغلبو على شهواتهم

بس فى الاخر يارب اهدينا جميعا وارنا الحق حقا وارزقنا اتباعه وارنا الباطل باطلا وارزقنا اجتنابه

[Mohamed Al Gohary]

كان زمان لما تكلم حد فى الموضوع ده يرد عليك ويوقلك فين البديل .. والوقتى اى ورقه مطتوب فيها المقاطعه بيتكتب فيها البدايل .. وبرضه الناس بتستهون بالموضوع ..

[lamiaa]

اه والله الواحد بيزعل جدا لما يشوف حاجة زى كده
والمشكلة انها بتبقى حاجات مشهورة ومعروف انها مقاطعة بس مش عارفة فيه ايه؟؟؟
جزاكم الله خير ع التذكرة دى

[sokar-resala]

هو ده فعلا اللي انا عايزه أقوله يا د Gahary
Thnx for all

[lost*soul]

http://www.pharma-board.com/board/showthread.php?t=7935


ادخلو هنا وشوفو المنتحات وجرائم الحرب