ها هترضى مين؟

**same7** · 21-01-2009, 06:14 PM

مشكله ساعات بتظهر لما الواحد ربنا يكرمه كدة ويتجوز بس بتبقى مشكله كبيرة اوى
لما تلاقى مامتك بتشتكى من مراتك وبتقولك يا ابنى دى عملت وسوت و...و.و..و.و
وتلاقى مراتك جايالك بردةمن الجهه التانيه شوفت يا مامتك اللى هيه حماتى عملت ايه و...و...وو.
وانت يا عينى محتاس مش عارف تعمل ايه ؟

ودلوقتى جه السؤال للشباب

هترضى مامتك ؟
ولا ترضى ام عيالك وحبيبتك ؟

وسؤال البنات

هتعملى ايه لو رضى مامته وجه عليكى حتى لو هيه اللى غلطانه؟

**same7** · 21-01-2009, 06:15 PM

انا عن نفسى هرضى مامتى طبعا حتى لو هيه الغلطانه وهكون مفهم مراتى كدة من الاول قبل ما تقع الفاس فى الرأس

**أمــ هـنـد ــة الله** · 21-01-2009, 06:27 PM

اولا انا عمرى ما اكون مبسوطة لو زعأ لمامته عشانى ابدا

بالعكس عشان انا نفسى اللى الزوج اللى ربنا هيرزقنى بيه يكون بار بوالديه

عشان انا ابنى يبقى كده ...وبعدين عشان زوجى اللى ف علم الغيب اعمل اى حاجه

وربنا يرزقنا وبنات المسلمين الازواج والذريات الصالحه

بس ده رايى من زمان وللزمان ان شاء الله

جزاكم الله خيرا على الموضوع وفعلا مهم جداااااااا جدااااااا لان مهما كان بيكون تفكير زوجة الابن وجيلها غير تفكير الحموات

ف العاقله اللى تعرف تمشى امورها ومش تعمل من الحبة قبه ولازم الزوج يكون متفهم كده يعنى

**..::ciZar_Resala::..** · 21-01-2009, 06:54 PM

أنا بيتهيألى إنك ترضى الاتنين

مامتك بتحبك و عمرها ما ترفضلك طلب أبدا .. قلها "معلش ~~~ بتتأسف ليكى جدا و بتقول إنها هى اللى غلطانة و كانت عاوزة تيجى تصالحك .. لولا إنى قلتلها أما أستأذنك الأول "

مراتك هتقولها "معلش حقك عليا أنا دى مهما كان أمى أنا قلتلها و قالت إنكوا هتتصالحوا .. و هى قاعدة مستنياكى دلوقتى عشان تتصالحوا .. "

بعد كده يا جميل سيادتك تبحث .. و تدور .. و تفتش عن مين الغلطان ... و إلا هتعيش فى جحيم كل شوية واحدة بتعيط .. يا تبعدهم عن بعض و تريح دماغك " شيل ده عن ده ،، يرتاح ده من ده "

و بالنسبة عندى أنا .. الحمد لله .. واثق تمام الثقة إن محدش من الاتنين هيخانق مع التانى

النقطة التانية .. مراتى مش هتعرف تزعل حماتها .. لأن بدل الحماة الواحدة هيكون عندها 5 حموات !!

هتزعل مين و لا مين ؟؟؟

دايما حببهم ف بعض .. " و الله ده ما هو كذب ،، ده اصلاح " .. مراتك مرة تعمل حاجة حلوة .. تنزل منها لمامتك .. و تقولها دى ~~~~~ حلفت إنها ما ها تدوقها إلا لما تقولى رأيك فيها

تنزل تقعد شوية عند مامتك " ترجع تقول لمراتك .. دى ماما بتحبك أوى .. و بتشكر فيكى أوى "

مشى حالك ... على رأى اللى قال " الرجالة مبتغلبش !!! "

**sokar-resala** · 21-01-2009, 10:38 PM

أنا من رأي اللي ملوش خير في أهله ملوش خير في حد

يعني لازم يرضي والدته ويكون بار بيها عشان أستأمنه على روحي وحياتي يعني دي حاجه تفرحني مش تزعلني

**تابعة محمد** · 22-01-2009, 03:00 AM

بسم الله الرحمن الرحيم
انا من رايى انه يعدل بينهم يعنى امه لو غلطانه يعتبها بس بحنية عشان زوجته متتخنقش.
و لو مراته الى غلطانه يعتبها بقسوة شوية علشان متكررش ده تانى و تحترم حماتها.
وفى كلا الحالتين يستعم لفظ لو بتحبنى مكنتشى تزعليها عشان متعبش .

**lost*soul** · 23-01-2009, 11:26 PM

أنا بيتهيألى إنك ترضى الاتنين

مامتك بتحبك و عمرها ما ترفضلك طلب أبدا .. قلها "معلش ~~~ بتتأسف ليكى جدا و بتقول إنها هى اللى غلطانة و كانت عاوزة تيجى تصالحك .. لولا إنى قلتلها أما أستأذنك الأول "

مراتك هتقولها "معلش حقك عليا أنا دى مهما كان أمى أنا قلتلها و قالت إنكوا هتتصالحوا .. و هى قاعدة مستنياكى دلوقتى عشان تتصالحوا .. "

بعد كده يا جميل سيادتك تبحث .. و تدور .. و تفتش عن مين الغلطان ... و إلا هتعيش فى جحيم كل شوية واحدة بتعيط .. يا تبعدهم عن بعض و تريح دماغك " شيل ده عن ده ،، يرتاح ده من ده "

و بالنسبة عندى أنا .. الحمد لله .. واثق تمام الثقة إن محدش من الاتنين هيخانق مع التانى

النقطة التانية .. مراتى مش هتعرف تزعل حماتها .. لأن بدل الحماة الواحدة هيكون عندها 5 حموات !!

هتزعل مين و لا مين ؟؟؟

دايما حببهم ف بعض .. " و الله ده ما هو كذب ،، ده اصلاح " .. مراتك مرة تعمل حاجة حلوة .. تنزل منها لمامتك .. و تقولها دى ~~~~~ حلفت إنها ما ها تدوقها إلا لما تقولى رأيك فيها

تنزل تقعد شوية عند مامتك " ترجع تقول لمراتك .. دى ماما بتحبك أوى .. و بتشكر فيكى أوى "

مشى حالك ... على رأى اللى قال " الرجالة مبتغلبش !!! "

بالظبط كده

انا شخصيا بفضل اليتيييييييييييييييم (الى من غير ام )

بنات كتير وانا موافقاهم الراى ان من شروط فارس الاحلام ان امه تكون ماتت

بس الان الحموات افضل بكتير عن زمان

**dr queen** · 24-01-2009, 12:19 AM

أنا أحاول من البدايه انى ما أزعلهاش ،

ولو زعلت أتأسف لها ،
وليه لآ
دى مهما كانت فى مكانة أمى بالظبط ،
وبيربطنا حاجة واحده ..

وممكن أنا شخصيا اللى أطلب منه يصالح ما بينا ويوصل لها وجهة نظرى
لو هى زعلانة ومش عايزة تفهمنى ..

ولو حصل وراح صالحها على حسابى انا عمرى ما هزعل
أو أحاول أكرهه فى مامته زى ما بيحصل وبنشوف

لان على رأى المثل " هو لو مالوش خير فى مامته عمره ما هيكون فيه خير ليا " ..

ومشكور د/سامح ع الموضوع الحيوى جدا ده ..

**monaya moon** · 24-01-2009, 12:31 AM

بالرغم من انها ام غلطاااااااااانة اوى اللى تعمل حماة على مراة ابنها الا ان زوجة الابن المفروض تكبر دماغها لتلاتة اسباب الاول ان فى فرق سن لازم يحترم والتانى ان الام اللى تعمل مشاكل لابنها وزوجته تبقى ام عندها مشاكل فى شخصيتها اولها الانانية والتالت ان زوجها اصلا مش هيكون مرتاح بسبب امه فمش معقول تبقى هى وامه والزمن عليه بس الزوج الذكى هو اللى يخلى زوجته توصل للدرجة دى من التفكير الا طبعا لو كان من نوعية ماما قالت وماما شافية كذا ولما اخد راى ماما و.................شكرا على الموضوع الحيوى

**Mohamed Al Gohary** · 26-01-2009, 05:22 PM

يا جماعه الام ثم الام .. سيدنا علقمه مكنش عارف يردد الشهاده عشان امه كانت غاضبه عليه لانه كان يؤثر زوجته عليها ..

وبرضه نحاول نوفق ونرضى الطرفين بس اللى لايمكن يحصل ابدا ان الواحد ييجى على مامته عشان زوجته ..

الموضوع: ها هترضى مين؟

أدوات الموضوع

عرض

ها هترضى مين؟

ضوابط المشاركة