رسالة الى دكتور محمد رضا!!!

[سامح هادى]

بسم الله الرحمن الرحيم

السلام عليكم ورحمة الله وبركاته

أكتب اليك رسالتى هذه وقلبى مشتت بين مشاعر الفرح والحزن.....

فقد علمت من أحد أصدقائى ان موعد سفرك الى امريكا هو الخميس القادم-بعد غد.
وهنا احترت واضطربت ...
هل افرح لأنك ستخطو نحو مستقبل لامع انت أهل له ومستحق
ام احزن لرحيلكم عنا وانت كنت العون والأخ لنا طوال هذا الفصل الدراسى
لم تتأخر فى مساعدة...
ولم تتوانى فى تقديم وقتك وجهدك لتتابع أسئلتنا
كنت نعم الأستاذ
غيرت وجهات نظر العديد
وجعلت للعقاقير محبين ومريدين
ليت شعرى ماذا افعل؟؟
افرح لأنك ستكون فى مكانك الصحيح -حيث تحقق طموحك وتثبت عبقريتك
ام انزع الى حزن ورثاء
لا تلمنى
فقد كنت شمس أضائت فى مستقبل ملبد بالغيوم
وكنت شعاع الأمل فى التغيير
التغيير نحو الأفضل...

انا لا أنكر فضل وجهود باقى القسم
ولكنى أجزم بثقة وثبات ان كل الجهود التى اينعت ثمارها كنت انت زارعها

تملكتنى الفرحة لعلمى بأنك تستحق ان تحصل على فرصتك لتكمل مسيرتك

ولكن عدت لأقول متخوفا :هل سينتهى كل مابدأت
وهل سيكون الفصل الدراسى نهاية الحلم
هذا ما أخشاه...

أكتب اليك هذه الرسالة داعيا الله ان يوفقك ويثبت خطاك ويضيء بصيرتك بالعلم الصافى النقى
وارجو منك أن تعدنى...
ان تعد طلاب كلية الصيدلة ان تظل على اتصال معنا خلال صفحات هذا المنتدى الكريم
تكتب لنا وتكون عيننا على عالم قد لانراه
وان تمدنا بخبرتك فى مقال شهرى عندما يفرغ وقتك لذلك

وبذلك تستمر رسالتك ونظل فى قلبك وتذكرنا فتذكر الوطن والأهل ومحبتنا لك فى الله

وفى النهاية فان كلماتى المتواضعة لن تصف ابدا مدى سعادتى وسعادة زملائى بما من الله عليك
ولن تصف مدى حزنى على غيابك عنا

كم كنت اتمنى ان نقول لك الى اللقاء فى رحلتك ...
ولكن ظروف الأختبارات ستحول بيننا وبين ذلك
لذلك فان هذا الموضوع سيكون لك ومن أجلك لتذكرنا به كلما جنحت بك روح الى مصر

الى اللقاء دكتور محمدرضا انا فخور اننى كنت طالب لديك فى يوم من الأيام
عسى الله ان يجمعنا على خير.......

والسلام عليكم ورحمة الله وبركاته

طالب مخلص,.

[wh_kaboo]

بالتوفيق ان شاء الله يا دكتور محمد

[lost*soul]

الف مبروك د_ محمد سفرك

ربنا وفقك

[blue sky]

من كلام حضرتك بجد اتمنيت اني احضر للدكتور ولو محاضره واحده

ان فيه حد محترم وعظيم كده

وربنا يوفق حضرتك يا دكتور لفعل الخير دايما

[dr queen]

أنا بجد مش عارفه ارد واقول ايه ،
مش عارفه اقول هل هى صدمة ولا مفاجأة ..

بس ربنا يوفق حضرتك دايما الى مافيه الخير ، وانا عارفه ان حضرتك كنت مستنى كده ..

بس احنا بجد هنفتقد حضرتك جدا ، وشرح حضرتك ومساعدتك لنا دايما ،



أسأل الله الذى لن تطيب الدنيا الا بذكره ولن تطيب الآخرة الا برضاه
ان يديم سعادتك وير فع درجاتك ويوفقك لدروب الجنة كما وفقك لنجاح الدنيا ..

وياريت حضرتك تفضل فاكرنا وعلى اتصال بينا زى ما د/سامح طلب ..

نستودعكم الله و نتمنى لكم كل خيــــــــــر ..

[ms_Belladona]

الف مبروك يا دكتور محمد
حضرتك تستاهل كل خير
احنا طبعا فرحنا جدا لحضرتك
بس برده زعلنا لأن حضرتك هتسيبنا
كل مانتعود علي دكتور متميز زي حضرتك
لازم يحصل حاجة ويسيبنا

بس اكيد احنا نتمني لحضرتك كل خير
وربنا يوفقك يارب

[Lost * Dreams]

بالتوفيق يادكتور محمد
رغم ان احنا هنفتقد اخ عزيز علينا كلنا
وربنا يستر علينا الترم التانى

[sara adel]

الف مبروك يادكتور محمد على سفرك كم انه خبر ليس سعيد بالنسبه الينا نظرا لاننا سنفتقد مساعدتك وجهودك معنا ولكن فى نفسالوقت سعداء بحصولك على السفر لتحقق طموحك اتمنى لك كل التوفيق والنجاح وربنا معاك اتمنى الا ينقطع اتصالك بنا وفقك الله

[Anas]

الواحد بجد مش عارف يقول ايه

نبارك لحضرتك على السفر و اللي بإذن الله يكون خطوة أولى في طريق التميز العلمي

ولا نعزي نفسنا ان حضرتك هتسيبنا ....

و احنا كلنا كنا معتبرين حضرتك أخ كبير لينا كلنا قبل ما تكون دكتور بيشرح لنا

و بدعي لحضرتك ربنا يوفقك الى ما يحبه و يرضاه

و ترجع لنا ان شاء الله سالما غانما

أستودعك الله دينك و أمانتك و خواتيم عملك

[آيه محمد]

أسأل الله الذى لن تطيب الدنيا الا بذكره ولن تطيب الآخرة الا برضاه
ان يديم سعادتك وير فع درجاتك ويوفقك لدروب الجنة كما وفقك لنجاح الدنيا ..

مبروك السفر
دي فرصه جميله جدا وان شاء الله من افضل لافضل