اكيد كلكم استغربتو من العنوان اللي قريتوه ده

بس لو فكرتو شويه هتلاقو ان منه نماااذج كتييره اوي

في الكليه

تلاقيهم بيتميزو بالصفات دي



سوسه :

- لو سالته امتى معاد السكشن يقولك معنديش فكره واللهي انا زيك مش عارفه

لو سالته بعد الامتحان عملت ايه يقولك دانا محلتش حاجه وتلاقيه بوز وشويه وهيعيط



تيجي في النتيجه تلاقيه جايب امتياز




دحيح :

كل كلمه يقولها الدكتور يكتبها حتى لو الدكتور كح يكتب ( كحه )

دايما يقعد في البنش الاول وتلاقيه يتعارك لما يجي يدخل المدرج عشان يلحق يقعد قدام
ومش مهم الباقي ( يلا نفسي )




اناني :

لو دكتور نزل محاضره او لقى حاجه ميعرفهاش بقيت زملاءه مقولش عليها ( يتفلقو بقى )

لو قلتله انا عايز المحاضره الفلانيه يقولك انا الكراسه مش معايا دلوقتي ومش كاتب حاجه ور الدكتور
او يقولك كده بالمفتشر ( انا مش بدي كراستي لحد )

لو المدرج زحمه وشاف بنت زميلته واقفه وسط شباب ميقومش ويخليها تقعد
او لو زميله واقف جمبه وهو قاعد على كرسي ميقومش ويقوله اقعد ارتاح مكاني شويه
لا المهم راحته هو

لو في قسم عملي يفضل ماسك الميرسكوب او التجربه وميتقيدش بالوقت المهم هو يرسم ويخلص
ومش مهم زمايله المهم هو




دي كانت شويه صور لاشكال كتير بنشوفها معانا
بجد انا بتخنق جدا من الناس دي
واللي خلاني اكتب الموضوع ده النهارده و اني
شايفه الناس دي كتير اوي عندنا سواء بنات او شباب




سؤالي دلوقتي بقى

هل انت واحد من دول ؟
ايه رايك فيهم ؟
هل اتعرضت لموقف معاهم ؟
وايه سبب انهم يكونو كده ؟




اتمنى اسمع رايكم في الموضوع