تجربة جديدة!!!
السلام عليكم ورحمة الله وبركاته
ازيكم يا أولى وعاملين ايه فى المذاكرة اعذروا تطفلى عليكم النهاردة بس انا شفت ان الموضوع ده هيفيدكم
خصوصا ان مهم وحيوى وعليه 30 درجة...
أظنكم عرفتم انا باتكلم عن ايه
انه امتحان الشفوى...
امتحان بسيط وعليه خمس درجة المادة (كمية لا بأس بها من الدرجات) ويمكن يرفعك من جيد لأمتياز لو أديت فيه بشكل طيب...
وعشان دى أول مرة ليكم مع شفوى النظرى فأنا قلت ادلى بدلوى فى الموضوع عشان يعنى نقرب الصورة ليكم بقدر المستطاع..
ندخل فى الموضوع
أ-طبعا لازم تكون عملت كارنيه الشفوى ودى عملية سهلة وممكن تتعمل قبل الأمتحان النظرى حتى
وان كان الأفضل والأحسن انك تعملوا قبل الأمتحانات وكل اللى هتحتاجوه هو صورة واحدة بس
وبيتعمل من الشؤون
ب-عادة ورقة امتحان النظرى بتقول أوقات امتحان الشفوى والدكتور بيدخل ويقول مثلا ان كان الأرقام الفردية تبدأ الأول ولا الأرقام الزوجية
ج- لما بتخرج من الأمتحان بتلاقى ورقة متعلقة عليها اسماء الطلاب وأرقامهم وهم مع الدكتور الفلانى فى المكان الفلانى
د-تتوجه الى المكان المقرر حسب رقمك
وهنا حته مهمة أتمنى انها متحصلش السنة دى
الطلاب بيبدأوا بالتزاحم على باب مكتب الدكتور وبيكون الجو خانق ومتوتروطبعا بيحدث اختلاط بشكل لايرضى ربنا ابدا..
عشان كده ياريت الطلاب ينظموا نفسهم فى صفين صف للبنين وصف للبنات
وكل صف يدخل منه طالب او طالبة فى المرة
وبكده كلنا هنبقى متحضرين ونرضى ربنا ونبعد عن الزحمة الغريبة اللى بتحصل
كده الجانب الحركى فى الموضوع خلص بالتوفيق ان شاء الله
نبدأ بقى فى كيف يكون امتحان الشفوى!!
كل دكتور بيكون له طريقته فى امتحان الشفوى
أ-فى دكتور يسأل الطلاب فى الأمتحان وعشان كده لازم الطالب يحل الأمتحان تانى بره
عشان لاقدر الله غلط فى حاجة ميغلطش تانى فيها
ب-فى دكتور يقولك ايه اكتر حاجة انت مذاكرها ويسألك فيها
وهنا تحذير لا تقل ابدا للدكتور ان انت مش مذاكر حته معينه او سبت فرع محدد لأن ده ممكن يدى انطباع انك مهمل يمكنك ان تقول انك perfect فى جزئية انت مذاكرها حلو جدا وده هيدفع الدكتور ان هو يٍسألك فيه
وفى دكتور بيسأل اسئلة ثابتة لكل الطلاب اللى بيدخلوا له وده سهل انه يتعرف امتحنه لما تسأل الى خارج عن السؤال
ج-لا تحاول ان تظهر مدى خوفك اوقلقك وابتسم فى وجه الدكتور ومتكشرش وفى نفس الوقت بلاش ابتسامة الواد الروش او البلاهة اللى بتترسم على الوجوه بعد الأمتحان
د-الدكتور الexternalالجى من بره الكلية يعنى احيانا بيسأل من بره المنهج لو حصل لازم تأيد زميلك وتقول ان من بره المنهج ومتعدش ساكت لأنك كده بتساهم فى الظلم
زالدكتور لما يلاقى كذا واحد بيقول كده بيغير السؤال
ه-معظم الدكاتره بيدخلو عدد من 5-6 فى كل امتحان ويبدأوا يسألوهم مجتمعين والبعض الأخر يدخل 2 أو 1
و--لا تتجاوز دور زميلك فى الأجابة حتى لاتسبب له التوتر او تشعر الدكتور انه أقل منك
ز- ثق ان الله لن يضيع أجر من أحسن عملا وحاول ان تعرف طرق الدكتور فى الأسئلة عن طريق زملائك اللى تسالوا وبكده هتقدر تمتص الصدمة
ح-بعض الدكاتره بيسألوا بطريقة غير مباشرة وتحتاج لتفكير فلا تتسرع فى الأجابة
مثل دكتور محمد ولاش ودكتور محمد سالم فى التحليلية
دكتور عاطف فى العضوية
دكتوراحمد جوهر فى العقاقير
وقسم الصيدلانيات د/ عبدالمنعم اللى بيعتبر المحظوظ فعلا اللى بيمتحن عنده لأن على الرغم من بعض أسئلته بتبقى غير مباشرة اللى انه مبيديش أقل من27 وبالكتير قوى 25
طبعا كنت اتمنى انى أعطى اسئلة كأمثلة بس انا مش فاكر منهج أولى أصلا
وعامة معظم الطلاب بيخدوا من 23 الى 30 فى معظم الأحوال وقليل جدا اللى بينزل ل15 و20
واتمنى ان الموضوع يكون قرب لكم الصورة شوية وطمنكم لحد ما
ويارب يارب يارب يوفقكم ويوفقنا جميعا
قولوا امين
سلام
