اوكازيون اسعار الكتب

[dr/samr]

فكرت كتير قبل ما اكتب الموضوع دا وفكرت اكتر اني اعمله ف قسم الفرقه الرابعه بس ...

بس لقيت الموضوع مضمونه يهم كل طلاب الكليه مش سنه رابعه بس..

الموضوع وباختصار شديد ياجماعه اننا من اول السنه اتكلمنا كتير عن سعر الكتب

وكلنا حسينا اننا السنادي سعر الكتب فيها حاجه غريبه وانها زياده السنادي..

واتكلمنا فالموضوع دا اكتر من مره مع اساتذتنا ودكاترتنا و قالولنا انه غصب عن الكليه عشان موصلناش دعم...

وقولنا اننا هنجيب الكتب واحده واحده بس كان في اغلب السكاشن الغياب علي الكتاب و اضطرينا اننا نشتري الكتاب...

اخر صيحه بقي حصلت فالكتب عندنا ان بعض الكتب.. انخفض سعرها للنص بالظبط من كام يوم.. اوكازيون دا ولا ايه

وكمان ايه .. بعض الطلاب بيروحوا للعمال ويشتروا الكتاب العملي ب 25 جنيه وياخدوا الدرجات ويبتساووا باللي دفعوا دم قلبهم

ومحدش يقولي ظروفهم لان الموضوع بقي كوووسه....

دكتور محمود بكر ودكتور حسن الكاشف ودكتوره ماجده الشربيني بلغناهم بالموضوع ووعدونا ان هيبقي في حل يرضي جميع الاطراف...

طب والطلبه اللي التزموا من اول السنه وجابوا الكتب ..

ودفعوا كل اللي وراهم واللي قدامهم عشان الكتب والغياب والدرحات...

ضاعت عليهم الفلوس بتاعتهم ولا ايه

ياتري هيحصل ايه... وهيبقي الحل ايه...

بس اكيد نتيجه الحل دي هتاثر فينا الترم التاني ...

[Dr nour]

عندك حق سمر فى كل اللى ذكرتيه
أسعار الكتب وارتفاعها دى ظاهره عندنا وكتير مننا بلاش أقول كلنا بنعانى منها ............مش عارفه بصراحه فين مجانيه التعليم دى ولو قلنا كدا هتلاقى الرد ان فعلا فى مجانيه تعليم وانظروا للى بتدفعوه واللى بيدفعه طلاب الجامعات الخاصه ...............الخ هذه الردود اللى مفيش مجال للتعليق عليها ومناقشتها دلوقتى
__________________
أما بالنسه للى ذكرتيه عن أوكازيون الكتب فدى بصراحه ظاهره اول مره اسمع عنها
بس بجد فى فرق كبير اننا ندفع زى ماذكرتى اللى قدامنا وورانا على الكتب ونكون كلنا متساوين فى ده(يعنى المساواه فى الظلم عدل)
وبين ان بعد لما كتير من الطلبه يشترى الكتب بسعر معين وبعدين بقى ينزل تخفيض عليها فى الآخر
ده بجد شئ يثير الغضب والرغبه فى معرفه السبب لأن أكيد وراء هذا الفعل سبب معين
ولو كان السبب هو الظروف الماديه لبعض الطلاب فالمفروض انهم كانوا يراعوا ده من الأول ويراعوا ان الظروف الماديه متفاوته بين الطلبه.............يعنى هما افتكروا الطلبه دلوقتى ..............وبيحاولوا يراعوهم دلوقتى طب فين الرعايه دى من الأول أصلا
ده لو كان السبب أصلا هو مراعاه الظروف الماديه
______________________
والله ياريت حد يفهمنا ايه السبب فى اللى بيحصل ده

ياتري هيحصل ايه... وهيبقي الحل ايه...

هو ده السؤال اللذى يحتاج الى اجابه.....................فهل من مجيب؟

[M.GOM3A]

شكرا يا د/سمر انك اثرتي الموضوع
بس احب اقولك انهم اسهل ما عليهم انهم هيقولوا اننا قسمنا فلوس الكتب علي الترمين وبكده يبقوا عملوا اللي هما عايزينه واخدوا فلوس الكتب كاملة
لكن المفروض ان احنا يكون طلبنا يرجعوا لينا الزيادة اللي احنا دفعناها في الاول
لكن دا عشم ابليس اللي بيروح .............علي راي............

[Alaa_Resala]

وبين ان بعد لما كتير من الطلبه يشترى الكتب بسعر معين وبعدين بقى ينزل تخفيض عليها فى الآخر
ده بجد شئ يثير الغضب والرغبه فى معرفه السبب لأن أكيد وراء هذا الفعل سبب معين
ولو كان السبب هو الظروف الماديه لبعض الطلاب فالمفروض انهم كانوا يراعوا ده من الأول ويراعوا ان الظروف الماديه متفاوته بين الطلبه.............يعنى هما افتكروا الطلبه دلوقتى ..............وبيحاولوا يراعوهم دلوقتى طب فين الرعايه دى من الأول أصلا
ده لو كان السبب أصلا هو مراعاه الظروف الماديه

احنا مش هنتجنى على الكلية ونقول انه مفيش مساعدة للطلبة المحتاجين
لا فيه خصم للطلبة دول
بس مش كلهم طبعا...للي منهم عاملين ابحاث ومش كلهم بيعملوا ابحاث
لكن الاوكازيون ده مكنش للغير قادرين

بالعكس

بس احب اقولك انهم اسهل ما عليهم انهم هيقولوا اننا قسمنا فلوس الكتب علي الترمين وبكده يبقوا عملوا اللي هما عايزينه واخدوا فلوس الكتب كاملة

مش فاهمة قصد حضرتك ايه من الكلام ده
بس الناس اللي اخدوا الكتب بخصم اخدوها كاملة بكتب الترم التاني برده
إلا لو كان خصم كبير جدا يوصل ان الكتاب يبقى ب 20 جنيه دول بس اللي بياخدوا العملي

لكن المفروض ان احنا يكون طلبنا يرجعوا لينا الزيادة اللي احنا دفعناها في الاول
لكن دا عشم ابليس اللي بيروح .............علي راي............

ربنا موجود يا دكتور وميرضاش أبدا بالظلم

[Dr nour]

احنا مش هنتجنى على الكلية ونقول انه مفيش مساعدة للطلبة المحتاجين
لا فيه خصم للطلبة دول
بس مش كلهم طبعا...للي منهم عاملين ابحاث ومش كلهم بيعملوا ابحاث
لكن الاوكازيون ده مكنش للغير قادرين

بالعكس

أنا مش قصدى ان الكليه مش بتراعى الغير القادرين زى ماحضرتك قلتى ان لازم يتعمل بحث علشان الكليه تراعى هؤلاء الطلبه وزى ماحضرتك قلتى ان مش كلهم بيعملوا ابحاث واكيد الكليه عارفه ده واللى اقصده انها حتى لو عملت ده علشان تراعى الطلبه الغير القادرين( بصفه عامه مش بس اللى بيعمل بحث) فكان أولى انها وهى بتنزل الكتب من الأول خالص تراعيهم وتعملها بأسعار مترهقش الطلبه كلهم

لكن الاوكازيون ده مكنش للغير قادرين

بالعكس

ده لو كان السبب أصلا هو مراعاه الظروف الماديه

ده اللى بنقوله ............يعنى ان مكنش السبب هو رفع العبأ عن الطلاب الغير القادرين ( وده سبب احنا بنفرضه يعنى مجرد سبب افتراضى )يبقى ايه السبب وراء هذا

[dr/samr]

يانور موضوع الخصم دا حصل لطلاب كتيره جدا وصلوا ل 300 طالب.. ومش بالبحث

الموضوع بقي كوسه .. والغلطه اننا التزمنا وجبنا الكتب من اول الترم

وعلي رايك ياريت يطبقوا المثل.. المساواه فالظلم عدل

[قناع الذهب]

عادى يا سمر كتب النظرى دى اساسا ملهاش اى لزمة دا من رايى احنا بنشترى الكتب عشان العملى
كتاب الاساى بتاعى كان ضاع العملى والنظرى وكانوا باربعين جنية رحت اشتريت كتاب العملى لوحدة تانى ب 15 جنية يعنى النظرى اللى هما يمكن شايفين انو ملوش لزمة كان ب 25 جنية والحمد لله انها جت فى الاساى مش فى كتاب من كتبكوا اللى سمعت انها ب 190 جنية وعليها درجتين ونص الكلام دا بجد ولا ايييييية ؟؟؟

[DoAa_RESALA]

والحمد لله انها جت فى الاساى مش فى كتاب من كتبكوا اللى سمعت انها ب 190 جنية وعليها درجتين ونص الكلام دا بجد ولا ايييييية ؟؟؟

الكتاب كان بـ 130 جنيه مش 190
واشدد على كلمة كاااااااااااااان دي
لأنه فجأة بقى ب 65 جنيه
وفجأة تاني يوم الامتحان (والمفروض الكتاب فيه شيت بنمتحن فيه) بقى بـ 20 جنيه حسب اللي وصلني

والله ما انا عارفة ايه اللي بيحصل ده
ذنبنا اننا إلتزمنا......مش عارفة بصراحة
بس بجد انا مش مسامحة في اللي حصل ده
احنا منتظرين رد فعل الادارة واحنا وصلنا ليهم الكلام ده وهنشوف حقنا هيرجع زي ما وعدونا ولا .....

[قناع الذهب]

خلاص السنة الجاية استنى لحد اخر السنة واجيب الكتب بقة ان شاء الله

[dr/samr]

عادى يا سمر كتب النظرى دى اساسا ملهاش اى لزمة دا من رايى احنا بنشترى الكتب عشان العملى
كتاب الاساى بتاعى كان ضاع العملى والنظرى وكانوا باربعين جنية رحت اشتريت كتاب العملى لوحدة تانى ب 15 جنية يعنى النظرى اللى هما يمكن شايفين انو ملوش لزمة كان ب 25 جنية والحمد لله انها جت فى الاساى مش فى كتاب من كتبكوا اللى سمعت انها ب 190 جنية وعليها درجتين ونص الكلام دا بجد ولا ايييييية ؟؟؟

لو يا سمسمه كلنا كنا نعرف اننا ممكن نروح نجيب كتاب العملي بس ب 25 جنيه كنا عملنا كده من اول السنه ومكناش جبنا الكتب ب 800 جنيه وف الاخر سعرها ينزل
انا برده مش بتكلم علي ناس كتبها ضاعت وراحوا جابوا كتب العملي بس لان دول اصلا من الول ببقوا دفعوا سعر الكتاب الاصلي بس حصلت ظرووف
الناس اللي انا بتكلم عنهم دول جابوا الكتب من الول بسعر ااقل بكتتتتير من اللي تلت اربع الدفعه جابت بيه ومعرفش ليه
علي راي اللي قال ... ربنا يجعل كلامنا خفيف عليهم