سؤال مهم جدا للشباب فقط ..

[Hassan Sona]

بسم الله الرحمن الرحيم
انا عارف ان العنوان جذب بنات كتير بس مش مهم المهم انى اعرف آراء الشباب الموجودين فى المنتدى عن الموضوع ده
الموضوع ده انا شوفته في منتدى تانى وعجبنى علشان كده نقلتوا هنا....

--- اتخيل لو يوم واحد صاحبك وقف تحت البيت وقعد ينادى عليك ولما نزلت ورحتوا وقعدتوا في كافيه بدأ يسألك عن الحب... أيه رأيك في الحب؟ طبعا حترد وتقوله حاجة جميله اوى وفي دماغك حتقول ايه اللى حصلوه اتجنن ولا أيه؟
المهم سألك تانى وقالك انت حبيت قبل كده؟ اكيد حتقول: كتير اوى كانوا بيحبونى بس انا محبتش غير فلانة بس
--- صاحبك سمع الكلام ده وعدل نفسه كده ومرة واحد بصوت عالى قالك" أنـــــا بحــــــب أختـــــك؟
يا نهار ابيض ؟ أيه السيح ده؟


--- يا ترى حتعمل أيه؟؟؟؟؟
انا عن نفسي حكسر عظامه كلها ده غير أنى حديه هدية كده قيمة ألف وخمسمائة غرزة في اماكن متفرقة وطبعا كام كوباية على كام صانية وحبة شيش حيتكسرو على دماغه...


--- عايز اعرف بجد ايه اللى ممكن تعملوا في موقف مماثل؟؟؟؟
ولكم منى كل احترام وتقدير

[AMERAL]

انا عارف ان العنوان جذب بنات كتير

ههههههه قديمة اوووووى حكاية العنوان دية ...


نرجع للموضوع ....

انا عن نفسى هحترمه جدا انه جه قالى .... دى حاجة جامدة كيك فى حد ذاتها

وهسأله بقى اذا كانت هيه بتبادله الحب ده ولا لاءه ؟؟؟؟

ولو هيه بتبادله ومش قالتلى ... الموضوع هيختلف جدا ...

ازااااى هو يجى يصارحنى وهيه لاءه ....

ولو هيه مش عارفه .... هقولها .....

وبرده هنصحه ....

ولو انا شايف انها مش مناسبة له او هو مش مناسب لها هقوله عادى ....

وانا مش شايف الموضوع غريب
ما هو لازم يصارحنى هو انا مش اخوها وفى نفس الوقت هو صاحبى كماااااان ؟؟؟

يعنى هو المفروض لما صديقى يحب اختى مش يقولى .... ولا ايه ؟؟؟
طالما انت هتكسر دماغه زى ما انت بتقول ...
يبقى انت كدا بتفضل ان يكون مضحوك عليك .....

[Hassan Sona]

يعنى هو المفروض لما صديقى يحب اختى مش يقولى .... ولا ايه ؟؟؟
طالما انت هتكسر دماغه زى ما انت بتقول ...
يبقى انت كدا بتفضل ان يكون مضحوك عليك .....

انت مش فاهم الوضع
مهو انا معنديش اخوات بنات فلو قالى كده يبقى اكيد بيشتغلنى
عرفت بقه
علشان كده هظبته

[Dr_mahmoud]

عيب عليك يا حاج احمد الكلام ده هتعمل نفسك متحضر الحاجات دى مفيش فيها تفاهم
اى راجل المفروض لو حصل معاه موقف زى ده والله مش عارف اقول ايه لانى مش عارف هسيبه يطلع من تحت ايدى حى ولا ميت
واى راجل عنده دم مفروض ده اللى يعمله
وبعدين انا معنديش اخوات بنات

[AMERAL]

انت مش فاهم الوضع
مهو انا معنديش اخوات بنات فلو قالى كده يبقى اكيد بيشتغلنى
عرفت بقه
علشان كده هظبته

هموووووووووت من الضحك
lol
lol

بس برده معرفناش رأيك ؟؟؟
طالما اللى فات كان على سبيل الهزار ؟؟؟

عيب عليك يا حاج احمد الكلام ده هتعمل نفسك متحضر الحاجات دى مفيش فيها تفاهم
اى راجل المفروض لو حصل معاه موقف زى ده والله مش عارف اقول ايه لانى مش عارف هسيبه يطلع من تحت ايدى حى ولا ميت
واى راجل عنده دم مفروض ده اللى يعمله
وبعدين انا معنديش اخوات بنات

انت مش فاهمنى

انت فهمتنى غلط شكلك يا محمود مش موضوع تحضر

انا بتكلم على اساس ان الحب ده هيكون فى مساره الطبيعى الا وهو الخطوبة ثم الزواج ....

لان صديقى مثلا لما يجى يكلمنى كدا

هيكون بيكلمنى ليه او على اساسه ايه ؟؟؟؟ اكيد على اساس انه عايز يخطبها ...

والا لو كان قايل على اساس انهم يتسلوا يبقى كدا انا كيس جوافة

[d\omnya]

انا اول بنت هترد بس انا شايفة ان لو صاحبك بيحب اختك هيخاف يقولك بس لو قالك يبقى عايز يخطبها فعلا وان نيتة سليمة ولازم تحترم صراحتة بس سورى انا بردة معنديش اخوات ولاد بصرة هههههههههههههههههه معلش انا اسفة انى دخلت مع ان الموضوع موجة للولاد بس سامحونى .حبيت اقول رآيى

[Hassan Sona]

انتى تشرفى فى اى وقت يا امنيه

[same7]

انا مع رأى الاميرال.

[Joker]

عيب عليك يا حاج احمد الكلام ده هتعمل نفسك متحضر الحاجات دى مفيش فيها تفاهم
اى راجل المفروض لو حصل معاه موقف زى ده والله مش عارف اقول ايه لانى مش عارف هسيبه يطلع من تحت ايدى حى ولا ميت
واى راجل عنده دم مفروض ده اللى يعمله
وبعدين انا معنديش اخوات بنات

مش عارف ليه يا دكتور انا حاسس انك بتقول ان معندكش اخوات بنات وكأنك فرحان بكده
هو عيب لما يكون عندك اخوات بنات؟
ثانيا بالعقل كده هو لو جه قاللك يبقي عايز ايه يعني؟ يمشي معاها وخلاص وواخدك واسطة مثلا!
أكيد طبعا عايز ياخد خطوة ايجابية ويتقدم لها وقال يستشير أقرب الناس ليه علي الاقل في السن !
والسؤال : انت لو حبيت أخت واحد صاحبك وعايز تتقدملها هتعمل ايه؟ هتروح واخد أهلك ورايحين وخلاص واللي يحصل يحصل؟
وللا هتستفهم الاول عن الموضوع وبعدين تدخل رسمي؟

[M_S_SH]

بصو انا مليش اخوات بنات
بس بيتهيقلي هيبقي عاديب النسبالي
والله هفرحلو كمان
اما يجي يصاريحني بكدة
احسن من يكون من وراي
بس يعمل خطوة ويجيب اهلة ويجي يتقدملها
وهوا انا هلاقي لاختي احسن من صاحبي علي الاقل عارفة كويس

دي وجه نظري يا ريت اعرف رايكم فيها