هل يمكن ان تتزوج فتاة تعرضت للاعتداء ...

[AMERAL]

السلام عليكم

الموضوع باختصار

قامت احدى المجلات بعمل استفتاء وكانوا بيسألوا الشباب نفس السؤال ده


النتيجة كانت

90 % من الشبااااااب قالوااااا لاااااااااااا
4 % ممكن لكن بشروط
1% نعم

انتظر رأيكم بهذه النتيجة


هل تؤيدونها ام ترفضونها


وماذا تفعل اذا تعرضت لمثل هذا السؤال يوما

[kaaakaaa]

الحقيقة ان المجتمع بيضطهد البنت الي تعرضت للاغتصاب رغم انها ملهاش ادني ذنب في الي حصلها دة بدل ما يقفوا جنبها ويساعدوها
واليومين دول كترت حالات الاغتصاب ومن راي ان القضاء يحكم عليهم بالاعدام لا ان المغتصب مش بيسلب اعز ما تملكة البنت بس بل بيقضي عليها كأنسانة لها الحق في الزواج والمعيشة والاحترام من المجتمع


اما بالنسبة اني اتجوز من فتاه تعرضت للاغتصاب فدة صعب يحصل

بس موضوع جامد يا اميرال ويستحق المناقشة فعلا

[lost*soul]

اوافق اتزوجها

الان لو بنت قدمت بلاغ ضد ولد بيتحكم عليه من 3 سنوات للاعدام ع حسب الموقف

[عامر إبراهيم]

غريب أوى الرد اللى فات ده :d

بس هو أكيد البنت مالهاش أدنى ذنب خصوصآ لو هى محترمة وكانت عاملة اللى عليها سواء فى لبسها أو حذرها و إحتسابها للأمان فى تعاملتها ....

لكن مش هدور على حد كده أكيد يعنى, هو عمومآ الحمد لله ربنا وفقنى يعنى إن شاء الله, بس لو أعرف حد كده فلازم أقدم ليه كل أنواع الدعم المعنوى و المادى, وربنا يبعد عننا جميعآ مصائب الدنيا يارب ومصائب الآخرة إن شاء الله, آمين.

[do3a2_alganna]

ليه البنات غالبا مظلومين؟

[sa3dany20002002]

السلام عليكم
===========

غالبا فى مثل هذه المواقف
بتكون البنت هى السبب

طب بالعقل
ايه الى ممكن يدفع شاب
للتحرش ببنت او يغتصبها

بطريقه او باخرى
البنت هي الى طمعت الشاب ده
على انه يعمل كده

لكن ممكن برده تكون مظلومه
وحظها الهباب رماها فى طريق
واحد 95.3% محشش ولا سكران

عموما
السبب اما من البنت او من المخدرات
الشباب مظلوم يا جماعه
والله اعلم

[Mohamed Al Gohary]

احنا مش بناقش الوقتى مين السبب ؟؟ احنا بنقول ان الواقعه حصلا وبناقش النتايج بتاعتها على البنت ..

طبعا الواحد صعب يقدم على خطوه زى دى .. لانها هتفضل عائق فى الحياه كلها بعد ذلك .. ومش هتتنسى من عقل الزوج ..

ومش هقدر اقول اكتر من

وربنا يبعد عننا جميعآ مصائب الدنيا يارب ومصائب الآخرة إن شاء الله, آمين

[جمال الشافعي]

طبعا صعب جدا دة يحصل لان فعلا هتبقي عقبه في الحياة بعد كدة واعتقد اني اللي هيعمل كدة هيقابل مشاكل كتيرة جدا ومعتقدش انه هيقدر يصمد امامها
مهما كانت البنت مجني عليها او مظلومه او لو حتي مكنتش مظلومة وغلطت مثلا فدة صعب جدا جدا جدا

[Mohamed Al Gohary]

طيب والحل ؟؟ يعنى كده البنت دى تنتهى ؟؟

خصوصا انها هتكون لسه شابه فى مقتبل حياتها ..

اكيد لازم يكون فيه حل ؟؟

طبعا غير اختفاء هذه الجريمه البشعه ..

حل للبنت >>>>>>>>>>>

[أمــ هـنـد ــة الله]

يا جماعه ببساطه كده كل واحد يتخيل ان اخته لا قدر الله حصلها كده هل هيكون مستريح لو محدش طلب

انه يتجوزها ولا هيكون مع العرسان ويقول لا محدش يجى يخطب اختى لان اختى عار وكلام من ده

وبالنسبه للى قال ان البنت بتكون السبب وقال برده ان ممكن يكون المغتصب ده سكران فهوا اصلا مش

هيميز بين بنت محتشمه او لا ...طب ما فى بلاد كتيره بيتكون فيها البنات محتشمااااااااات جدااااااااا

وبيحصل اغتصاب برده ...

اظن نخلينا فعلا ف الحل ومش ندور على مين السبب ...

انا شايفه اننا مش نقضى على البنت مرتين مرة باللى حصلها ومرة برفض المجتمع ليها

عشان مش نبقى ظالمين .....فمفيش مشكلة ابدا ان شاب يتجوز البنت دى وستر عليها

وياريت ما نقدرش البلا قبل وقوعه يعنى ونقول هتحصل مشاكل كتيره

معلشى انا هقول مثل بعيد شويه ع الموضوع

انا سمعت ان واحد مبصر اتجوز واحده مش بتشوف وكانت نظرة المجتمع ليهم غريبه لكنهم

ما شاء الله عاشو وربنا رزقهم من الخيرات ....شوفتو البنت اللى مش بتشوف دى ربنا قدر لها انها تبقى كده

ومع ذلك ربنا وهبلها اللى يقدر ما ابتلها بيها ربها

طب نرجع لموضوعنا البنت اللى حصلها اغتصاب مش ربنا قدرها كده برده ...فبلاش حد يظلمها ...

واسفه ع الاطالة