النتائج 1 إلى 6 من 6

الموضوع: كلمات بنسمعها وبنقولها

  1. #1
    Pharma Student
    تاريخ التسجيل
    Feb 2008
    المشاركات
    18

    افتراضي كلمات بنسمعها وبنقولها

    ابو الغضب

    اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره

    2) بيرمى ودن
    عبارة بمعنى انه يتصنت علي شئون غيره بتوجيه الردار بالأذن ، لاثنين يتحدثون سراً لكى يفسر الكلام الهامس


    (3) أيه البواخه ديه
    عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو


    (4) أدعك الفانوس
    عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد


    (5) أنزل من ع المسرح يا نجم
    عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

    (6)أنف
    الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية


    (7) أهرش
    لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية

    (8) أنزل من علي ودنى
    عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

    (9)أوكشه
    وهى الفتاه الباهره الجمال او التى تستحق ان يطلق عليها كله " أنثى "

    (10) أنتخ
    لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف


    (11) أشتغله
    اى اكله البلوظه او اكذب عليه او اخدعه او استهبل عليه وتقال " انت بتشتغلنى "

    (12) أينح
    لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف


    (13) أوجو
    مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

    (14)أدرجى
    لفظ يطلق علي محترف الصياعه او " لافف " ويقال انت شاب أدرجى في السوق ، اى بارع في التجارة وتفهم الكثير من خبايا الامور واحيانا تقال للشاب ذات العلاقات النسائية المتعددة



    (15) أيحه
    لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

    (16) أشايك
    مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر


    (17) أرحلك
    إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات


    (18) أرقدلك
    تهديد صريح بالشر ، والترقيد هى النية المبيتة بالشر او الإيذاء

    (19) أحط عليك
    عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً



    (20) أفتكس
    كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه



    (21) أستكانيس
    لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه

    (22) أشايك
    مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر


    ((23) بكابورت
    صفة تطلق علي الروائح الكريهه الصادرة من اسلوب كلام شخص ما وهى دليل دامغ علي ان هذا الشخص مقزز لدرجة خيالية مثل " بكابورت وانفتح "

    (24) بخ
    تأتى بمعنى أن شئ ما أنتهى وغالباً ما تأتى في جمله " بخ خلاص كان موجود وخلص " اى ان ما ترغب فيه لم يعد متاح الان

    (25) بعته
    لفظ بمعنى " اخدعة " او اكذب عليه حتى تضحك من تصرفاته مثل " روح يا شيخ .... وتعالى بسرعي



    لو حد يعرف مصطلحات تانيه يا ريت يكتبها

  2. #2
    Pharma Student
    تاريخ التسجيل
    Sep 2008
    المشاركات
    590

    افتراضي

    الانتيييييييييييييييييييييييييييخ

  3. #3
    Pharma Student
    تاريخ التسجيل
    Feb 2008
    المشاركات
    209

    افتراضي

    هو انت سبتلنا مصطلحات يا راجل
    جبت الحاجات دي منين يابني
    قر واعترف انت تعرف علي علكة او اشرف كخة؟

  4. #4
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    ايه الكلام ده
    بصراحه انا في الحاجات دي كلاسيكيه جدا
    ولو الحياه هتكون كده افضل اتكلم بالفصحي

  5. #5
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    أنا شفت القاموس ده قبل كده ... و أول ما نزلته من ع النت .. و هو عبارة عن صور .. الهارد " شيع " _ يا ريت حد يترجم _ و لحد الآن حلفت ما أنزل أى قواميس من ع النت أبدا

  6. #6
    Pharma Student
    تاريخ التسجيل
    Dec 2007
    المشاركات
    46

    افتراضي

    كفاية القاموس ده اكيد مفيش اختراعات اكتر من كده
    بس اكيد مفيش ناس كتير بتتعامل بلغة دى

المواضيع المتشابهه

  1. (_(_(_(_(كلمات لها معنى )_)_)_)_)
    بواسطة Dr Deya في المنتدى المنتـدى العـام
    مشاركات: 22
    آخر مشاركة: 19-07-2009, 11:07 PM
  2. كلمات رائعة
    بواسطة d\omnya في المنتدى المنتدى الأدبي
    مشاركات: 6
    آخر مشاركة: 05-03-2009, 06:45 PM
  3. كلمات لمن يعى معناها 2
    بواسطة ياسر عباس عبد المجيد في المنتدى التنمية البشرية وتطوير الذات
    مشاركات: 6
    آخر مشاركة: 25-02-2009, 07:15 AM
  4. كلمات لها وقع خاص...............
    بواسطة Hassan Sona في المنتدى المنتـدى العـام
    مشاركات: 8
    آخر مشاركة: 30-11-2008, 11:08 PM
  5. كلمات اعجبتنى ؟؟؟؟
    بواسطة wh_kaboo في المنتدى المنتـدى العـام
    مشاركات: 3
    آخر مشاركة: 23-09-2008, 04:46 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •