مشكلة الدواليب الطاحنه .. شارك برأيك

[اتحاد الطلاب]

طبعا كلنا عارفين موضوع الدواليب ومفيش داعي لذكر تفاصيل مشكله كلنا حافظينها

ياريت نشارك بعض ونتناقش لحد ما نوصل لحل جذري للمشكلة مش مجرد حل تصبيرى او عشان فرد معين مشكلته تتحل

احنا عاوزين حل جذرى ونهائى للمشكله دى

وان شاء الله الموضوع ده هيكون فى اهم اوليات مجلس اتحاد الطلبه فى هذا العام ان شاء الله

[pharmacist_s]

انا عايزة اسال بس سؤال مارقني بخصوص الدواليب دي..انا ناو في اولى وكان عندي دولاب من السنة اللي فاتت روحت اشوفو لاقيت حد لطيف واخدو كدا زي مايكون ملكيه عامة و كتبت ورقة قولت ياريت اخلاء الدولاب ..طبعا الشخصيه دي كانت في منتهى التعاون وماسابتش الدولاب . .المهم قررت فسخ الولاب . .وفي يوم من الايام رايحة علشان انفز مالقيتش الولاب اصلا........سؤالي : اين راحت الدولايب؟؟ وهو عادي كدا من غير احم ولا دستور تشيلوا الدولايب ..طب اللي عايز دولاب يعمل ايه ؟ انا بقيت بخرج و شايلة الادوات من البيت زي ماكون معزلة و لو قابلت حد اعرفو مفيش ايد فاضية اسلم بيها..نداء الى اتحاد الطلبة اعملوا دواليب تانية بليز و متنسوش تشيلوها السنة الجاية .. . احنا بنحب التجديد برضو

[Alaa_Resala]

أنا معتش عارفة أقول حاجة والله في مشكلة الدواليب دي

بعد ما أنصفتنا إدارة الكلية نصفا مبينا

حسبي الله ونعم الوكيل

موضوع محزن فعلا يا جماعة

أحب أشكر الاتحاد بس عشان استقطعوا من وقتهم وحاولوا يطلعوا للإدارة ويبينوا لهم وجهة نظر الطلبة الغلابة

عموما لو فكرت ولاقيت حل يرضينا من غير اللجوء للعنف هقوله

[Mohamed Al Gohary]

والله هو احنا فى الاتحاد بدانا فى الدواليب اللى اتسلمت السنه دى وبنسلمها بالكارنيه .. يعنى خلاص اللى خد دولاب معين بقى بتاعه .. ومحدش يقدر يجور عليه ..

وفى نفس الوقت اى حد بييجى لنا وبيشتكى ان حد خد دولابه وبنتاكد انه دولابه .. بنسلمه له وبسلم ادوات اللى خده له وبنحذره ..

بس السؤال : هل المشكله دى ممكن تتحل قبل ما الدواليب الجديده ما تيجى .. وهل اصلا الدواليب الجديده دى هتحل المشكله نهائى .. ولا هتتسبب فى مشكله تانيه اكبر ..

الموضوع مش سهل ابدا .. وعاوز تعاون بجد من الكل ..

[د///*مطحونة*\\\]

هو ليه عنوان الموضوع كدة
كل حاجة طحن طحن
كرهتونى فى اسمى

[MaHoRa]

بقولك ايه يا جوهري ليه متكلموش العميد البنجات بتاعه سكاشن الكليه الجديده تقفل من تحت والبنجات الي جنب الحيطه وتتعمل زي سكاشن الفارما والاساي فيها دواليب واعتقد هيبقي كبير وياخد اربع طلبه علي الاقل و يمكن اكتر ويبقي علي مستوي سكاشن الكليه وتبقي مخدتش مكان ولا حيز ووفرنا دواليب في نفس الوقت

[Mohamed Al Gohary]

طيب ماهو ده الاقتراح اللى كان مقدم من الاول خالص .. ان الادوات تبقى فى المعامل من ساعة مشكلة الادوات التى ليس لها صاحب ..

وبعدين ماهو معظم البنجات والجوانب فيها دواليب ومتقفله .. بس العمال مبيستولوا عليها .. وبيحطوا فيها حاجات معينه .. زى الادوات اللى بتطلب وبتبقى مش مع الطلاب .. وبيبعوها كده يعنى ..

عموما هو اقتراح كويس ...

شكرا على المرور

[do3a2_alganna]

فعلا انا اتمنى ان الادوات تبقى فالمعمل ومانشلهاش رايح جاى احنا اتبهدلنا بما فيه الكفاية وشبعنا تريقة من الناس.بجد لازم حل

[بيتر الحكيم]

يا جماعة الموضوع ان احنا اللى عاملين المشكلة دلوقت لاننا مش عايزين نرضى بالامر الواقع الدواليب اتكسرت و الموضوع انتهى و ربنا يعوض علينا............ هو المفروض الدواليب الجديدة اللى اتعملت كانت تتحط جوا الكلية و اعتقد انة كان افضل انها تكون حديد على الاقل اصحاب الدم الخفيف و الظرفاء مش حيمارسوا هوايتهم المحببة فى تكسير الدواليب

[Mohamed Al Gohary]

الدواليب الجديده اللى بتتعمل فى ورشة الجامعه هتكون الوميتال وهتكون جوه الكليه مش بره ..