ايه اللى خسرته وكسبته فى الاجازة؟

[amir]

ايه اللى خسرته وكسبته فى الاجازة؟

--------------------------------------------------------------------------------

اول ما الاجازة بتبدأ كلنا بنقعد نفكر هانعمل اية وازاى نستفاد منها وممكن نقعد نرتب حاجات كتير اوى نعملها لكن بعد ما الاجازة بتخلص وتقعد مع نفسك تلاقى انك معملتش اى حاجة من اللى انت رتبتها او معملتش كل اللى رتبت ليه
وكمان ممكن تكون مش استفدت خالص من الاجازة
يعنى بتكون خسرت وقت الاجازة
وممكن كمان بتكون مش عارف انت خسرتها فى اية

وانتم بقى
خسرتم اية فى الاجازة؟؟؟
واية اللى كسبتوة منها؟؟
وياترى اللى رتبتوة فى اول الاجازة علشان تعملوة فعلا عملتوة؟؟
واستفادتم ازاى منها؟؟؟

فى انتظار مشاركاتكم

[amir]

أنا الصراحة الأجازة دي كنت محضِر لها حاجات كتير وبصراحة معملتش حاجة منها
كل يوم كنت أقول بكره هاعمل اللي في دماغي وللأسف الأجازة عدت من غير معمل حاجة ربنا يسهل والأجازة الجاية تكون أفضل إن شاء الله
حكمة الأجازة دي بالنسبة لي
" لا تؤجل عمل اليوم إلي الغد "

[heba541]

الاجازه دى خسرت صديق وكسبت صديق.........الدنيا على ده وده .........

[lamiaa]

موضوع حلو وانا بقى الحمد لله فيه حاجات حققتها وحاجات لا
الحاجة بجد اللى كان نفسى اعملها هى حفظ اجزاء من القران الكريم هو صراحة
ما حفظتش كتير بس لحد ما حفظت جزء لا باس بيه والحمد لله.
فى حاجة بقى كان نفسى اعملها اوى وهى انى اتدرب فى صيدلية بس الظروف
ما سمحتش الاجازة دى يلا خير ان شا ءالله
وكمان فى الاجازة دى اتعرفت والحمد لله على اصدقا ءما شاء الله عليهم بجد نعم الصداقة
ارجو انى اكون ما تطولتش ومنتظرة مشاركات باقى الاعضاء.

[man utd]

انا كسبت انى كنت خلصت ثانوية عامة لكن كان نفسى ادرس رياضة 2 عشان اتوسع على الأقل فى الفيزياء اللى انا بموت فيهاااااااااااااااااااااااااااااا


وطبعا معملتش حاجة بس الحمدلله دخلنا صيدلة

[@Noh]

أنا اللى كسبته انى خسيت 8 كيلو أما اللى كسبته انى ارتحت شوية من بهدلة المواصلات

[Mohamed Al Gohary]

نزلت ترديب فى المستشفى وكملت تدريب الصيدليه وسافرت ..

معتقدش انى خسرت حاجه تذكر .. بل على العكس فيه حاجات كتير اتصلحت فى حياتى فى الاجازاه دى ..

[summer breeze]

كسبت في الاجازه الراحه النفسيه وان الواحد اعصابه ودماغه استريحت من الضغط العصبي اللي كان ايام الدراسه وكمان ان الواحد بقى يلاقي وقت اكبر للجلوس مع العيله والاجتماع بيهم
اما عن مشاريعي اللي لسه مكملتش اني عاوزه اكمل تدريب في رمضان كمان ونفسي انزل الجيم علشان الواحد مايزيدش في رمضان
Thanks ya dr.AMIRfor this nice topic and waiting for more

[Dr nour]

خسرتم اية فى الاجازة؟؟؟

خسرت فى الاجازه دى ............شئ واحد
أنى كنت متعوده أنى أحفظ القرآن فى الاجازه...............وللأسف دى كانت أول اجازه مقدرتش أحفظ فيها

واية اللى كسبتوة منها؟؟

كسبت حاجات كتيره قوى
أولا استعدت نشاطى .............وثقتى بنفسى
استغليت الاجازه فى اشياء مفيده جدا ..............بجد فادتنى وغيرت من تفكيرى جدا
حسيت انى فى حاجات كنت لازم أغيرها
زاد حبى للطاعه أكتر واقبالى على ربنا وارضاءه

وياترى اللى رتبتوة فى اول الاجازة علشان تعملوة فعلا عملتوة؟؟

بصراحه مرتبتش شئ للاجازه دى ..........لأن كانت عندى ظروف كنت عارفه انى مش هقدر أعمل شئ ولا أحقق شئ فى الاجازه ..............علشان كدا لم أخطط لشئ أعمله فى الاجازه
بس الحمد الله الظروف دى انتهت وقدرت أحقق شئ فى الاجازه...............يمكن تكون أحسن اجازه أقضيها فى حياتى

[wh_kaboo]

عالعادة ان الواحد يكون محضر برنامج للاجازة خطير سفريا وفسح وايه ...؟؟؟؟ بس عالعادة قليل قوى لما الواحد ينفذ كل اللى نفسه فيه
بالنسبة ليا انا زعلان ان الاجازة عدت من غير ما اطلع باستفادة حقيقية يعنى
اما على الجهة الاخرى انا فرحان ان ان قابلت زمايلى ما شوفتهم من اكتر من سنة وعيشنا اروع يومين فى الاجازة كلها