واهم حاجه تعرف ان كليه صيدلة دي كلية قمة لها كامل الاحترام ولازم تحطها فوق دماغك علشان متدكاش فوق دماغك علي الاقل في اول سنه لغاية متفهم النظام
بمناسبة العام الدراسي الجديد وانتهاء الثانوية العامة واتعابها :
حبينا نهنىء الطلبة المستجدين في كلية الصيدلة
وحبينا نقدم بعض النصائح للطلبة المستجدين وذلك بمساعدة اعضاء المنتدى من الدفعات القديمة:
1/ كلية صيدلة كلية محترمة جدا ولازم تشكر ربنا على النعمة الكبيرة الذي اعطاك الله اياها
2/ كلية صيدلة كلية ليست سهلة وعايزة اجتهاد وبال رايق
3/ اجعل توكلك على الله واجعله معينك في تحمل اعباء الكلية وفي المذاكرة والامتحانات الكتيرة
4/اهم شيء في الكلية هو تحديد الهدف يعني اية؟؟؟؟؟؟؟
لازم تحدد هدفك انت عايز اية من الكلية دي بالضبط ، لازم تحدد هدف وتبدا تسعى للهدف دة منذ دخولك الكلية
أ) عايز لما تخلص تفتح صيدلة ؟؟؟؟ يبقى لازم وانت في الكلية تبدأ تدرب في صيدليات وتحاول تكتسب خبرات التعامل مع الجمهور من خلال اشتراكك في اتحاد الطلبة واشتراكك في اي انشطة داخل الكلية
ب) عايز تبقى معيد في الكلية ؟؟؟؟؟ يبقى لازم تجعل دراستك في الكلية عبارة عن 5سنوات ثانوية عامة ، لاتروح شمال ولاتروح يمين، وتخلي علاقتك محدودة مع الناس علشان تتفرغ للمذاكرة
ج) عايز تشتغل في شركات الادوية ؟؟؟؟ يبقى لازم تحاول تجيب تقدير كل سنة وتحاول تاخد كورسات في التسويق المبيعات وتحاول تتطور من نفسك
د) عايز تهاجر لما تخلص ؟؟؟؟ يبقى لازم تكون مجتهد في دراستك و وتحاول تكتسب معلومات من القراءة الكتيرة في الكتب الصيدلانية والطبية
ه) عايز تخلص تدخل في الاكاديمية ؟؟؟؟؟ يبقى لازم تركن على كوسة
بالنسببة لنظام الدراسة /
1/ يوجد في الكلية ثلاث متحانات العملي، والشفوي ، والنظري : اهمهم امتحان النظري طبعأ
2/ يوجد ترمين كل ترم مدتة 3 شهور : شهر دراسة و2 شهرين امتحانات؟؟؟؟؟؟
3/ حاول تكون دراجاتك في الترم الاول تكون مرتفعة علشان ترتاح الترم التاني ومتكنش مضغوط
4/ احذر من المواد المنتهية : لان المواد المنتهية لو شلتها في ترم يبقى خلاص لن تعوض تعتبر نفسك شلتها
### بالنسبة لطريقة المذاكرة///
1/ طبعا في مشكلة تواجه اي طالب طب او صيدلة وهي مشكلة الانجليزي /
ا)اوعي تخاف من الانجليزي مشكلة الانجليزي بتنتهي بعد شهر واحد من الدراسة
ب) حاول تنتظم جدا على حضور المحاضرات علشان تاخد النطق الصحيح من الدكاترة وطبعا الدكاترة بترجم كل كلمة لطلبة سنة اولى
ج) حذاري ثم حذاري من استخدام القواميس : لانك لو اتعودت علية من اولي هتفضل طول عمرك تستعمله (والقاموس طبعا بيخرب اللغة)
2/ نصيحتي ليك هي المذكرة اول باول ازاي؟؟؟؟؟ احضر المحاضرة وبعدين لما ترجع البيت حاول تبيض الي انت كتبته وكمل بالكتاب الي معاك
3/ سيبك من اللي يقعد يقول احنا بنذاكر اخر شهر او بنذكر ايام الامتحانات لان تلات اربعهم نصابين
4/لو في مادة صعبة عليك اوي وانت مش بتفهم من الدكتور بتاعها : متحضرش للدكتور ده وحاول تخلي واحد اكبر منك في الكلية يفهمك تذاكرها ازاي او خد فيها درس مش عيب ولا حرام
5/ قبل ما تبدأ تذاكر اي مادة من اول السنة اسال الي اكبر منك في الكلية المادة دي بتتذاكر ازاي وايه الي بيتحفظ فيها ؟؟؟؟ ونظام امتحانتها ايه ؟؟؟ ونظام الدكتور بتاعها ايه ؟؟؟
6/ ابتعد عن نظام التلخيص علشان لا تضيع وقت
بالنسبة للتعامل مع اعضاء هيئة التدريس والمعيدين///
1/ اول ما تدخل الكلية حاول تتعامل بادب و احترام مع المعيدين الي عندك في السكشن علشان بينفعوا ايام زنقة الامتحانات في الاسئله وتوضيح اجزاء خفية من امتحانات العملي 
2/ احترم اي دكتور عندك ومتخفش منه ولو عندك اي مشكلة في القسم بتاعه ادخل عليه مكتبه بكل جرائة واوعي تخاف وكون لبق في الكلام وانت بتسأله .
3/لو اتعرضت لاي اهانة من اي معيد في الكلية وده نادرا ما يحدث: اوعى تحتك بيه او تتخانق معاه ، وحاول تعالج الموضوع بشكل لائق . و عامة ده عمره ما هيحصل لو انت ملتزم بالتعليمات في السكاشن والمحاضرات وكل حاجتك مظبوطه 
4/بالنسبة لامتحان الشفوي /
أ) التوكل على الله اهم حاجة في الموضوع ده
ب)الجرائة واسلوب الرد والتعامل اهم حاجة باساليب راقيه مع الدكاتره اللي بتسال.
نصائح للسه داخلين السنه دي
نصائح لطلبة الكلية
