:: ●【ツ】أنا انسان ........فهل من مدرك؟ .., !【ツ】● ::

[Dr nour]

أنا انسان .....................فهل من مدرك؟

أنا انسان ...................انسان كلمه مشتقه من انسانيه

وانسانيه يعنى مشاعر واحاسيس يعنى بحس وبشعر بحس باللى حواليا وبشعر بيهم يعنى براعيهم وبراعى مشاعرهم

دى كانت وشوشتى مع نفسى

الوشوشه اللى حبيت اتكلم وأخليها على العلن قبل مايصيبنى الجنون
كل شئ حوالينا بيثير الغضب والذعر والخوف والأهم الألم والحزن الحزن الشديد

للدرجه دى بيهون علينا الانسان ................الانسان اللى هو انت وأنا وغيرنا للدرجه دى بنجرح فى بعض وبندوس على بعض

اصل احنا عندنا انا ..............دى واضحه وقويه جدا بس بننسى الكلمه اللى جنبها اللى هى انسان

انا عارفه انى دوشتكم بكلام كتير يمكن يكون مش مفهوم ايه الغرض منه وايه اللى عاوزه أقوله

يمكن مذكرتش موضوعى ....................بس أعمل ايه أصل ده هو موضوعى

ياجماعه احنا معدناش بنخاف على بعض ولا على مشاعر بعض معدناش نتقبل ان حد ينقضنا ويقول رأيه بصراحه وبوضوح وياريت على كدا وبس لأ دا احنا بنستبيح حقوق الآخرين .........لمجرد تخاذلهم عنها ونقول عليها حقوقنا

ومنقبلش ان حد يقلنا لأ دا حقى ومش حق حد تانى وكل اللى عاوزين نسمعه كلمات اطراء وشكر على كل حاجه نعملها سواء تستحق الشكر ولا لأ

بقينا بنعمل الأشياء علشان نسمع كلمات الشكر وبس علشان نحس ذاتنا ونرضى غرورنا ونقول اننا نعمل مساعدات وخدمات للآخرين ..................

.ماشى دى طبيعه بشريه اننا نحب نسمع كلمات الشكر دى بس منكنش بنعمل الأشياء علشان نسمعها ولو محدش شكرنا نقول احنا بنعملكم كذا وكذا وحتى من غير كلمه شكر

كل شخص مننا لما بيعمل شئ فيه منفعه للآخرين بيخدم نفسه فى الأول وبيفيد نفسه أولا وقبل مايفيد أى شخص آخر لأنه بعمله ده حقق ذاته وامتلك شعور بالراحه جميل قوى وكفايه انه يحس انه شخص فعال ومفيد وكفايه يعرف أن جزاءه عند ربنا كبير قوى ....................هل فى منفعه فى الدنيا أحسن ولا أكرم من المنفعه دى

كمان احنا بشر بنغلط ليه بقى منتقلش النقد وان حد يقولنا انك غلطت ..............ليه مبنقبلش ساعتها النقد
حد يقولى .................هل احنا دائما على ثواب؟................هل احنا معصومين من الغلط؟

هل احنا منغلطش فى حق الآخرين؟...........................أكيد لأ

طب ليه بقى معدناش نعرف كلمه آسف ليه الشعور بالذنب انتهى من حياتنا ..................

بندوس على بعض من غير مانشعر ولو للحظه اننا مخطئين .............

كلمه آسف اتمحت من حياتنا ولو قلناها نقولها من غير صدق وبنقولها لمجرد اننا نريح دماغنا من الدوشه اللى حوالينا

كمان احنا متعلمين ,..................ده المفروض يعنى ...............وده اللى بنصنف على اساسه.................

يعنى المفروض ان بينا أسلوب للتحاور والتخاطب أرقى من أى طبقه أخرى فى المجتمع ................ده المفروض يعنى

والمفروض اننا نكون اكثر تحكما فى غضبنا وقبل مانتكلم بكلمات تجرح الآخرين نكون مفكرين كويس جدا لأن سهم الكلام سريع جدا ولو أصاب شخص بيترك فيه جرح غائر لا يدوى ولا يمحى

اللى انا شايفاه ان اسلوب الحوار والتخاطبب انتهى من حياتنا ولو وجد بيبقى أسلوب متدنى جدا ..............أيوه متدنى جدا جدا

آه لو شخص قالك انك أخطأت فى فعل معين يبقى ده بقى من الحاقدين والمتآمرين عليك أصله عدو للنجاح وانا شخص ناجح طبعا وأكيد ده بيحقد عليا لأنه عدو لأى شخص ناجح ..................سيب اللى يتكلم يخبط دماغه فى أقرب حيطه ........................دا شخص ميهمنيش الكلام معاه

عبارات فى عبارات....................عبارات كتيره قوى بتجرح قوى وبنرددها كتير قوى قوى لأى شخص يحاول يقلنا بس اننا غلطانين
وكأن الخطأ ده شئ ملغى من حياتنا

فعلا فى اعداء للنجاح وفعلا الحقد موجود بس مش كل شخص بينقدنا بيحقد علينا ................امتى نعرف نفرق بين ده وده
امتى منطلقش لألسنتنا العنان ونخليها تتكلم بكلمات ماحه وغير مباحه

وأخيرا وانا عارفه انى طولت عليكم قوى بس اعذرونى بجد الحزن ملينى جدا

عاوزه أعرف ليه احنا وصلنا للدرجه دى

ليه اسلوب التحاور بينا وصل للمرحله دى

ليه معدناش نعرف ندافع عن حقوقنا بأسلوب محترم

ليه معدناش بنعرف نرد على النقد بأسلوب مهذب

ليه بقى بنسلب الناس حقوقها ومش بنقبل منهم مجرد كلمه يعبروا يبها عن غضبهم

ليه حقوق الناس بقت مباحه للسلب

ليه معدناش بنشعر بالذنب

دى اسألتى .....................فهل من مجيب؟

أنا نفسى أصرخ بصوت عالى وأقول

أنا انسان .........................فهل من مدرك؟

[بنت مصر]

أه منك انت يانور بتيجى على الجرح دايما
الموضوع طويل اوى وكبير
بالنسبه للحوار والنقاش تقريبا معظمنا مبقاش متعود على النقض ياما اللى بينقض بيجرح بكلامه ياما اللى بيتنقد مش بيتقبل ويجرح هو بكلامه وتقريبا النقاش بينا بقى مش بيوصلنا لحل بالعكس بقى بيكبر الموضوع ده واقع احنا عايشين فيه
اما الناس بتدوس على بعض ليه انا مش عارفه الانانيه بقت غالبه على ناس كتير وفى ناس كتير مش بتحترم ادميه الاخرين كل واحد بيقول يالا نفسى وكأن الباقى مش بشر
كل واحد فى منصب معين وفى ايده مصلحه حد لازم يطلع عينه علشان يعمله حاجه تحت اسم الروتين
فى ناس كتير بتعامل اللى اقل منها بعدم حترام انا مش عارفه ليه جايز علشان اللى عايشين فيه فكل واحد بيطلع غيظه فى اخوه الغلبان ماهو مش لاقى غيره قدامه احنا فعلا بقينا بنفقد اشياء كتير منها الرحمه والانسانيه
معلش انا طولت عليكى وممكن ارجع تانى اتكلم كفايه دلوقت
تسلم ايدك ياجميل على الموضوع

[Chimera]

الصورة ليست بهذا السواد
.,,

[Dr nour]

الصورة ليست بهذا السواد
.,,

مع احترامى لكلام حضرتك ورأيك بس فعلا الصوره أسود من كدا

كمان احنا متعلمين ,..................ده المفروض يعنى ...............وده اللى بنصنف على اساسه.................

يعنى المفروض ان بينا أسلوب للتحاور والتخاطب أرقى من أى طبقه أخرى فى المجتمع ................ده المفروض يعنى

والمفروض اننا نكون اكثر تحكما فى غضبنا وقبل مانتكلم بكلمات تجرح الآخرين نكون مفكرين كويس جدا لأن سهم الكلام سريع جدا ولو أصاب شخص بيترك فيه جرح غائر لا يدوى ولا يمحى

انا عامله الموضوع كله علشان الجزئيه دى وعلى فكره فى مثال واقعى بينا احنا كطلبه صيدله واسلوبنا فى التحاور مع بعض اللى بقى بجد أسلوب غريب قوى وهو موجود على المنتدى وممكن حضرتك أثناء تصفحك فى المنتدى تعثر عليه ساعتها هتجد الصوره أسود من كدا بكتير
____________
انا متشكره جدا لمرور حضرتك وطبعا بشكر بنت مصر وبعتذر لو كان الموضوع طويل بجد كنت غضبانه جدا وحزينه على الحال اللى وصلناله ومقدرتش امنع نفسى من الكتابه

[Chimera]

كن جميلاً ترى الوجود جميلا ..
الحياة فيها حاجات جميلة تستحق إننا نستمتع بيها
ممكن انتي تكوني بتبصي للموضوع من الجهه المظلمة .. او شفتي حورا بطريقة مش بتعجبك
ده وضع طبيعي .. عشان الإختلاف إللي موجود في طباع البشر
ع العموم دي وجهة نظرك و انا بحترمها .. جايز تكوني شايفه حاجه انا مش شايفها ..!!!
في امان الله
.,,

[Dr nour]

كن جميلاً ترى الوجود جميلا ..
الحياة فيها حاجات جميلة تستحق إننا نستمتع بيها
ممكن انتي تكوني بتبصي للموضوع من الجهه المظلمة .. او شفتي حورا بطريقة مش بتعجبك
ده وضع طبيعي .. عشان الإختلاف إللي موجود في طباع البشر
.,,

عندك حق ياد Chimera فى الكلام اللى اتقال بس بجد فى ساعات مبنقدرش نشوف الدنيا الوجهه المتفاءل ساعات بنشوف حاجات تثير الغضب والألم جوانا
على العموم هحاول استفيد من النصيحه

كن جميلاً ترى الوجود جميلا

[Mohamed Al Gohary]

والله زمان يا نور .. وحشتنا مواضيعك الجميله ما تغيبيش عننا تانى كده ..

بالنسبه للموضوع .. فالانسان فعلا بقى كائن غريب .. قلبه انتزع منه الرحمه .. وعقله بقى من غير تفكير .. وشخصه بقى بلا ضمير ..

اتملى جشع .. وانايه .. وحب المصلحه الذاتيه ..

بس برضه الخير فى امتى الى يوم القيامه ..

وزى ما فيه شر فيه خير ..

تحياتى وليا عوده ان شاء الله ..

[قناع الذهب]

نور بعد ما كتبت الرد على الموضوع وكان جميل جدا اخويا جة مسحلى كل اللى كتبتة

قوليلى بقة اسلوب حوار مع دا يبقى ازااااااااااااااااااااااااااااااااااااااااى

حرام والله العظيم

هرد عليكى تانى

[Dr nour]

والله زمان يا نور .. وحشتنا مواضيعك الجميله ما تغيبيش عننا تانى كده ..

بالنسبه للموضوع .. فالانسان فعلا بقى كائن غريب .. قلبه انتزع منه الرحمه .. وعقله بقى من غير تفكير .. وشخصه بقى بلا ضمير ..

اتملى جشع .. وانايه .. وحب المصلحه الذاتيه ..

بس برضه الخير فى امتى الى يوم القيامه ..

وزى ما فيه شر فيه خير ..

تحياتى وليا عوده ان شاء الله ..

ميرسى جوهرى على ردك الجميل ده وفى انتظار عودتك للموضوع مره تانيه

نور بعد ما كتبت الرد على الموضوع وكان جميل جدا اخويا جة مسحلى كل اللى كتبتة

قوليلى بقة اسلوب حوار مع دا يبقى ازااااااااااااااااااااااااااااااااااااااااى

حرام والله العظيم

هرد عليكى تانى

ههههههههههه مش عارفه أخوكى ماله ومالك ياسمسمه ياحبيبتى مش كفايه الكليه علينا
فى انتظار ردك بس بعد لما أخوكى ينام أضمن

[قناع الذهب]

يمكن مذكرتش موضوعى ....................بس أعمل ايه أصل ده هو موضوعى
على دماغنا

كمان احنا بشر بنغلط ليه بقى منتقلش النقد وان حد يقولنا انك غلطت ..............ليه مبنقبلش ساعتها النقد
بصى يا نور فية ناس بتقبل النقد وفية ناس لا واحنا لازم نتحمل الطرفين لان الناس كلهم مش زى بعض
حد يقولى .................هل احنا دائما على ثواب؟................هل احنا معصومين من الغلط؟
لا طبعا محدش كامل الا سيدنا محمد عليه الصلاة والسلام ومحدش معصوم غيرة وكلنا بنغلط والمشكلة اننا نكون بنغلط من غير ما ناخد بالنا

هل احنا منغلطش فى حق الآخرين؟...........................أكيد لأ

طب ليه بقى معدناش نعرف كلمه آسف ليه الشعور بالذنب انتهى من حياتنا ..................
اقوللك على حاجة والله العظيم انا ساعة ما بحس انى زعلت حد ولو بكلمة بسيطة من غير ما اكون واخدة بالى مش هحلف تانى بس مابعرف انام وبستغرب بقة من الناس اللى تغلط وتلطش فى الناس بالكلام وعاااادى ولا كانها عملت حاجو مابتحسش بتانيب الضمير خالص

بندوس على بعض من غير مانشعر ولو للحظه اننا مخطئين .............

كلمه آسف اتمحت من حياتنا ولو قلناها نقولها من غير صدق وبنقولها لمجرد اننا نريح دماغنا من الدوشه اللى حوالينا
مع انها مهمة بس من الناس وللناس اللى بتحس بس

كمان احنا متعلمين ,..................ده المفروض يعنى ...............وده اللى بنصنف على اساسه.................
بغض النظر عن اننا متعلمين او مش متعلمين كلنا بنى ادمين زى بعض ولازم نتعامل مع بعض على الاساس دةومانحاولش نجرح بعض بغض النظر بقة عن اننا متعلمين او دكاترة ولو ان الموضوع دا المفروض يفرق فى طريقة التعامل زة ما قلتى

والتخاطبب انتهى من حياتنا ولو وجد بيبقى أسلوب متدنى جدا ..............أيوه متدنى جدا جدا
كل واحد وأصلة يا نور واسلوب الانسان بيدل على البيت اللى هو جاى منة

آه لو شخص قالك انك أخطأت فى فعل معين يبقى ده بقى من الحاقدين والمتآمرين عليك أصله عدو للنجاح وانا شخص ناجح طبعا وأكيد ده بيحقد عليا لأنه عدو لأى شخص ناجح ..................سيب اللى يتكلم يخبط دماغه فى أقرب حيطه ........................دا شخص ميهمنيش الكلام معاه
نصيحة اخوية منى ليكى يعنى اريحلك معدتيش توجهى النقد لحد لان معدش حد بيتقبل دا زى الاول واكيد هيفتكرك عدوة ومتامرة علية
وقليل قوى قوى اللى هيفهم وجهة نظرك

أنا انسان .........................فهل من مدرك؟

وانا عايزة اصرخ واقوللك موضوعك روعة
انا رديت اهوة بس من غير ما ينام اخويا ولا حاجة ربنا هداة بس