قلم و انكسر

[zerocool]

قلم انكسر وقلب من الهم انفطر

نحلم بايه

خلاص زمن الاحلام جبر

مع انها احلام بسيطة كلها

مش ثروة وقصور وعمارات

ولا حتى قصة حب

تغلب قيس وليلي

يتحاكي عنها الزمان

بس احساس بالامان

وايد تطبطب

تمسح الدمع الي مالي العين

قلب مليان بالحنان

لا انا يائس ولا حاس الزمن قاسي

خايف بس الحلم مايجيش الا بعد

مايفوت الاوان

وارجع افوق وارمي حملي ع الخالق

واملا قلبي بالايمان

يتولد تاني الامل

طول مافي بكرة

لسه فيه في الدنيا خير

ايه يعني قلم انكسر

ينصلح اوييجي غيره

قلب انفطر

بكرة تهدى جراحه والزمن يداويه

وحارجع احلم

وارسم البسمة على وشي

خلاص

زمن الاحزان جبر

[بنت مصر]

شكرا يادكتور على القصيده الجميله دى
بجد روعه

[Dr.Mohamed]

So NIce Thankes

[dr.sasso]

قلمي وانكسر ... بس هجيب قلم تاني
هكتب واكتب واتحدى بيه زماني
اليأس مش هيملكني .. مش هعاني
هخلي الاحلام حقيقه هوصل للأماني
حتى لو الزمان عاندني وكان عليا جاني
وكسر قلمي وكتم صوتي واتحداني
واثق في ربي .. هيقويني بإيماني
وأرجع وأقف من جديد وأجيب قلم تاني
***

zerocool

قلم انكسر وقلب من الهم انفطر

نحلم بايه

خلاص زمن الاحلام جبر

بدايه موفقه جدا بدأت باليأس وانتهيت بالامل والتحدي زي قصه بتبدأ بالعقده وتنتهي بالحل

ولا حتى قصة حب

تغلب قيس وليلي

يتحاكي عنها الزمان

بس احساس بالامان

وايد تطبطب

تمسح الدمع الي مالي العين

قلب مليان بالحنان

الموسيقى في الجزء ده جميله جدا وكلماتها معبره فيها تعجب من حال الزمان رغم بساطه الاحلام الا انه رفض يحققها بس انت ختمتها بثقه في الله سبحانه وتعالى وده بجد شئ جميل جدا ومريح للنفس
الانسان لازم يعمل اللي عليه ويتوكل على الله ويحط ثقته كلها في حكم ربنا سبحانه وتعالى
بجد كلامك مميز جدا

اتمنالك التوفيق

[شاعره البحر الصغير]

خلاص زمن الاحلام جبر

مع انها احلام بسيطة كلها

مش ثروة وقصور وعمارات

ولا حتى قصة حب

تغلب قيس وليلي

يتحاكي عنها الزمان

بس احساس بالامان

وايد تطبطب

تمسح الدمع الي مالي العين

قلب مليان بالحنان

لا انا يائس ولا حاس الزمن قاسي

خايف بس الحلم مايجيش الا بعد

مايفوت الاوان

لا ماتخافش ان شاء الله الحلم يتحقق
وقبل الاوان باوان
حلوة اووووووووى الكلمات والاسلوب
تسلم الايادى

[zerocool]

اتمنى انها تكون عجبتكم و اوعدكم ان شاء الله بالمزيد