اسف مستوى الصيادله سئ للغايه بقلم د/خالد العيوطى

[pharma princiss]

بسم الله الرحمن الرحيم

في الفترة السابقة أتيحت لي الفرصة للتعامل مع فئة كبيرة من خريجي كلية صيدلة

وللاسف الشديد وجدت المستوى العلمي والعملي لهم سيء للغاية..!!

ربما هناك ملابسات كثيرة تحيط بهذا الأمر

فهناك أسباب معروفة وأخرى غير معروفة

أدرك بداية أن عدم التزام طلبة الصيدلة بفترة التدريب المطلوبة أثناء الدراسة شيء شائع جدا

واصبح موضوع امضاء ورقة التدريب من أي صيدلية دون حضور فترة حقيقية للتدريب أمرا روتينيا

ليتخرج الطالب وهو لا يفقه شيء عن الصيدلية ونظام العمل بها وكل ما تحتوي من أدوية أو مستلزمات أو مستحضرات ...!!

لذا كان لضعف المستوى العملي لخريجي الصيدلة أمر يبرره مع استيائنا طبعا من هذا الحال...!!

فوقوف صيدلي عديم الخبرة ياي صيدلية يهز جيدا من سمعة تلك الصيدلية بل ومن سمعة الصيادلة عموما

بل للأسف الشديد هناك من الصيادلة من لا يجيد قراءة الانجليزية...!!!

وتجد مساعدي الصيادلة من الحاصلين على دبلوم يتفوقون عليهم في ذلك...!!!

أما عن الطامة الكبرى فهو المستوى العلمي لغالبية الخريجين

والذي يعلو عن الصفر بقليل

فلا تجد لديهم أي خبرة في تحضير أي تركيبة

وقليلا منهم من تجد لديه معلومة فارماكولوجية وان وجدت فقليلا ما تكون سليمة..!!


على الجانب الآخر ..

نجد نفس هؤلاء الصيادلة يتذمرون مثلا من ضعف رواتبهم

مع العلم بأنه ربما حتى هذا المرتب الضعيف لا يستحقه الصيدلي في مثل تلك الحالات

فهو لا يضيف للمكان شيئا

بل ربما استقدام عامل أو بيطري أو علوم أو أي خريج وتدريبه للقيام بأعمال الصيدلية يصبح أفضل انجازا وتحقيقا لطموح صاحب الصيدلية

ولقد سمعت بأذني نصائح كثيرة لصيادلة كبار بعدم استقدام الصيادلة للعمل في اي مكان لأنه وعمليا وواقعيا لن يفيد المكان في شيء..!!

ولغيرتي على تلك المهنة الكريمة أتألم كثيرا من هذا الأمر

وهذا الألم هو الذي دفعني لكتابة هذا الموضوع

فهل لديكم مبرر لما يحدث..؟!!

.وان كان المبرر موجودا...

فما الحل لتلك المشكلة التي ان تغاضينا عنها فنحن ندفن رؤوسنا في التراب؟!!

وعار علينا أن نطالب غيرنا بالاصلاح ونحن مخطئون في حق أنفسنا وحق مهنتنا

الموضوع منقول

كاتب الموضوع

د/خالد العيوطى
امين عام جمعيه صيدلى المستقبل

[Dr nour]

قرأت الموضوع ده قبل كدا ولكن لم تتيح لى فرصه الرد عليه علشان كدا فرحت لما وجدته معروض فى المنتدى هنا
والله كل الكلام اللى ذكره دكتور خالد مظبوط تماما ويفتح أعيننا على حقيقه مؤلمه جدا بس والله محدش بيبقى عاوز يكون مستواه يكون كدا كل شخص بيتمنى أنه يحسن من مستواه العلمى بس هى منظومه كامله الكل فيها متحمل المسئوليه نظام التعليم بتعنا بجد ودى حقيقه بأسف جدا وأنا قولها نظام فاشل واتعودنا عليه من مراحل التعليم الأولى اتعودنا ان المعلومه نحصل عليها بسهوله وتكون لمجرد الامتحان فقط يعنى مفيش تسلسل فى المعلومات بعد الامتحان بنعمل delete لكل شئ وكمان يقابل التعليم اللى بيكون بهذه المساوئ عدم رغبه مننا فى بذل الجهد للتعلم والابتكار

أدرك بداية أن عدم التزام طلبة الصيدلة بفترة التدريب المطلوبة أثناء الدراسة شيء شائع جدا

واصبح موضوع امضاء ورقة التدريب من أي صيدلية دون حضور فترة حقيقية للتدريب أمرا روتينيا

ليتخرج الطالب وهو لا يفقه شيء عن الصيدلية ونظام العمل بها وكل ما تحتوي من أدوية أو مستلزمات أو مستحضرات ...!!

ممكن نضيف على ده عدم وجود صيدلى فى الصيدليه اللى بيتدرب فيها الطلبه
يعنى نظام التدريب فى الصيدليه فى ظل غياب الصيدلى المسئول بيقى ملهوش أى لزمه لأن الصيدلى هيجيب المعلومات اللى عاوز يستفسر عنها منين من اللى واقفين فى الصيدليه وهما مش صيادله ولو سألهم وأجابوا على استفساراته بيقولوا ان ده بيقلل من قيمه الصيدلى انا يأخذ معلومه من غير متخصص
_____________
والله الموضوع ده شائك ومتداخل المسئوليه زى ماقلت أشخاص كتيره مسئوله عن ده ولكن الشخص الأكر مسئوليه هو الصيدلى
وميرسى pharma princiss على الموضوع المهم ده

[pharma princiss]

Dr nour

ماشاء الله انتى جيتى على الجرح
حكايه ان اللى بيقف فى الصيدليه مش صيدلى وده اللى بنحاول نشتغل عليها فى الجمعيه
بس المشكله ان هى مش كله تدريب فى الصيدليه
ولا ايه راي دكاترتنا الاعزاء؟
احنا فى انتظار الرد
ده كان راي الناس اللى فى سوق العمل وشايفين العيب فى الكليه
يا ترى الكليه هتقدر تساعدنا اننا نغير الفكره دى
وللاسف هي صحيحه؟؟؟؟؟

[Dr.Mohamed]

حكايه ان اللى بيقف فى الصيدليه مش صيدلى وده اللى بنحاول نشتغل عليها فى الجمعيه
ولا ايه راي دكاترتنا الاعزاء؟
احنا فى انتظار الرد
ده كان راي الناس اللى فى سوق العمل وشايفين العيب فى الكليه
يا ترى الكليه هتقدر تساعدنا اننا نغير الفكره دى
وللاسف هي صحيحه؟؟؟؟؟

السلام عليكم ورحمة الله وبركاته
أشكرك جداً على طرح الموضوع الشائك ده للنقاش .......
أحب أقول إن مهنة الصيدله دى من أولى المهن المنتهكه فى مصر
والسبب فى المسؤلين عنهاوالنقابه.....إلخ
حقيقى صيدليات كتير مش فيها ولا حتى نص دكتور بل كلهم إما دبلومات أو ذى ما بيقولوا خبره!!!
لكم بيشوف شكل العلبه ويعرفها ويجيبها من على الرف أوك دا كويس لكن إلى بيفرق الدوكتور عنه هو Otc ولكن انا من رأى إنها عادت حاجه عاديه إنه يعرف يشخص اى حاجه مهو خبرررررررررررره ولا عندكو مانع..
إنهارده كنت واقف قدام المدرج مع العامل و حارس الامن ولقيته عايز يقول نكته واتفاجئت إنها تخص الصيادله نفسهم وفى نفس ذات الوقت قالى بص يا دكتور من الاخر إنت لما تخلص يإما انك تسافر أو تفتح صيدليه وتبقى بقال والله دا حقيقى على لسان العامل.......

كمان كنا فى شركة إيبيكو يوم الخميس الماضى واتكلمت مع الدكتور محمد مسءل الفرع فى المنصوره وهو دكتور صيدلى محترم ومرح جدا....... لقين نسبة العماله فى الشركه عاليه جدا تتجاوز 15.000 عامل
وقالى لو فيه 15.000 دول منهم 15 صيدلى...هههه عدد كبير مش صح.. على العموم أنا استغربت إذاى شركة ادويه ومش فيها صيادله كتير
قالى يا حماده دول 75% منهم علوم كيمياء إيه رأيك....

ولما سألت الدكتوره ثناء فى اللقاء الطلابى ردت عليا كده من غير نفس وقالتليلى والله يا حبيبى هما بيحاولوا يقضو على المهنه نهائيا أظن مفيش بعد كده.... وانا من ساعة الرد ده فى حالة يأس لكن بنقول يلا كلوا ماشى
أنا كنت رزل حقيقى الرد طويل أوى لكن حبيت اوضح لأن دا حصل معايا بالفعل

[Dr/HULK]

السلام عليكم ورحمة الله وبركاته
أشكرك جداً على طرح الموضوع الشائك ده للنقاش .......
أحب أقول إن مهنة الصيدله دى من أولى المهن المنتهكه فى مصر
والسبب فى المسؤلين عنهاوالنقابه.....إلخ

انا فعلا مع حضرتك فى النقطة دى لان لنا تيجى تشوف مثلا
لما الصيدلى يقرر يفتح معمل تحاليل (واللى طبعا هو انسب واحد للمهنة دى)شوف الشروط اللى وضعاها وزارة الصحة للمتقدمين
وعلى العكس تماما لما الطبيب يفكر يعمل نفس الحكاية (مع انه ماشتغلش لا تحليلية ولا فارما عملى)

الحكاية بقت صعبة فى المجال ده ومفيش فرصة غير ان الصيدلى يشوف اى صيدلية يشتغل فيها لاما يسافر فى اى مكان يجيب منه فلوس
لاما يتساوى بخريجى المعاهد وكليات التجارة واداب ويشتغل مندوب دعاية

[Dr. Baher]

السلام عليكم

هذا الموضوع بسيط جدا لمن يملك نظرة ليست بالضيقة و انما دعونا نوسع منظور رئينا و اني هنا لا لاجادل في مسئلة اريد فيها ان يرفع بها رائيي و لكني اعرضه لكم ............. و قد يكون خطاء

قبل ان نتكلم .............. دعونا نعترف و نقول " كلنا هذا الرجل " من منا من يؤدي واجبه علي اكمل ما يكون وهنا تراودني مقولة للدكتور طه حسين " لو ادي كل منا واجبه لوصل لكل منا حقه "

اذا كان ما حدث قد حدث بهذا السوؤ ........... فنحن ما صنعناه

كيف؟

بداءا من البيت الي المدرسة الي الجامعة الي الحياة الي المرضي الي الاطباء و ينتهي بنا بالطبع حيث انا موضوع المشكلة ................. فنجد هذا

1- زيادة قيمة الاشياء المادية في قلوبنا .......... و ارتفاع الكماليات علي حساب الاساسيات

2- انخفاض قيمة العلم منذ الصغر ............. فنجد اننا نتشبس بالمعلومة الصغيرة التي تعبر بك من خندق الامتحان العابر بدون ترك ادني قيمة علمية في عقل كل منا

3- مع انعدام قيمة العلم فغاب التخصص و اصبح كا منا يحتل مكان الاخر فاصبح كل واحد فينا يعرف شئ عن كل شئ و لا يعرف كل شئ عن شئ

4- تاه الضمير و اصبحنا مقلدين ............ ساخرين ............. شامتين عندما نشاهد اخ لنا يخطئ فاصبحت لدينا عقيدة ان صاحب الدبلوم افضل من الصيدلي هذا من جانب و علي الجانب الاخر ارتضي الصيادلة المترفعين عن الثبات علي مكانتهم و الدفاع عنها بدون ثمن و هذا الثمن الذي لا نمتلكه الا و هو العلم لاننا ببساطة كما قلت في حياتنا كلها ليس في الكلية فقط ارتضينا بالقليل من القيم و نهمنا بالكثير من المادة فطغت المادة علينا و غرقنا في طريق لا نعرف اوله من اخره حتي اذا سئلت اي فرد منا من انت؟ ما هي قيمتك؟ ماذا يوجد في عقلك؟ ................. لا يوجد

5- اصبح هناك منافسة ليس لها اساس بين طبيب و صيدلي و ضاع فيها المريض .......

6- اصبح الناس ايضا يرضون بالقليل السئ بان يتعملوا مع اي انسان غير متخصص و ليسوا اخذين في الاعتبار العلم .................. كما قلت فاصبح المصدر لا يهم احد .............. اسال السؤال و لا يهمني من سيجاوبني ..................... افرد متخصص ام من الباعة الجائلين مادامت الاجابة تستهويني .................. بدون اعتبار او تدبر

نحن من صنعنا هذا الانسان ................ لا نريد الصواب ................ لاننا لو اردناه اني متاكد ستتغير الصورة بالتاكيد ، الحكاية ليست كتب او مناهج ستتغير

الموضوع كلاتي

1- ان تتغير القيم عندنا للافضل ............ يذيد فينا قيم العلم والتعلم و يقل فينا التعلق بالمادة و نبتعد عن مسميات و ادوات اصبحت فينا مثل " اللي تغلبه العبه" ، " يا عم ما هوة كله كدة " ، " انا و من ورائي الطوفان"

2- ان نغير من انفسنا بان نجعلها تري الجميل و لا تري القبيح ..........

3- نعود الي الله كما اراد و ليس كما نحن نريد

لا يغير الله ما بقوم حتي يغيروا ما بانفسهم

[Dr nour]

شكرا دكتور باهر على رد حضرتك اللى بجد شمل الموضوع ونبهنا الى وجه آخر للموضوع
بس ياريت حضرتك تسمحلى اعقب على شئ

3- مع انعدام قيمة العلم فغاب التخصص و اصبح كا منا يحتل مكان الاخر فاصبح كل واحد فينا يعرف شئ عن كل شئ و لا يعرف كل شئ عن شئ

التخصص له مساوئ أيضا والمفروض اننا نعرف شئ عن كل شئ حتى نكون على الأقل مدركين نسبيا لكل شئ يحيط بينا بس من المهم مع معرفه شئ عن كل شئ اننا نعرف كل شئ عن تخصصنا وده شئ صعب جدا بل من المستحيل اننا نعرف كل شئ فى تخصصنا لأن كل يوم بيظهر جديد بس من المفروض نحاول جاهدين على قد مانقدر اننا نطور من أنفسنا ونسعى دائما للالمام بكل ماهو جديد

[Dr. Baher]

عفوا لم اكن اقصد ذلك

انا قصدت اننا لابد ان نعرف شئ عن كل شئ و نعرف ايضا كل شئ عن شئ و لكن ما قصدته اننا نفعل العكس نعرف ما يكفينا فقط دون النظر الي الاعماق فاحيانا نضل و نضل اناس معنا ............ و هنا تاتي الفوضي

[pharma princiss]

فى البدايه انا اسفه على التأخير فى الر بس نعمل ايه صيدله
المهم ماشاء الله فىناس فى كليتنا بتفكر فى التغيير مش بس خلاص عرفنا اننا بقينا مش كويسين والكل بيغلط فينا وبس واحنا ساكتين

Dr.Mohamed
بص بقى يا دكتور حكايه النكته بتاعه العامل فالراجل ماغلطش يعنى هو شايفنا واقفين فى المعمل ازاى اللى قاعد على الارض واللى حطه الفلاسك على النار وسايباه زي ماتكون سايبه شويه بطاطس على النار وبعدين ييجى يتفرج علينا فى الامتحان واحنا محتاسين وهو اللى بيساعدنا
انا اسفه بس احنا اللى عملنا فى نفسنا كده واحنا اتفقنا نتغير
اما حكايه الشركه فانا خدت نفس الصدمه وانا فى اولى بس الصيدلى اللى كان معانا قالن السبب
قال اتا باخد الصيدلى ادربه عشان يشتغل وطبعا بياخد وفت ومجهود وفلوس وبعدين اول اما يكون صيدلى خبره ياخد نفسه وصاروخ ارض جو على بره ده على حد تعبيرهم
اما بتاع بيطرى الغلبان اللى لا بيقول عايز مرتب كذا ولا كذا قاعد ما بيصدق يلاقى الشغل بيلزق فيه مع احترامى للناس البيطريين اللى دلوقتى على قمم شركات الادويه دلوقت وبالتالى مش هايجى يشغل صيدلى يتنطط عليه ذى ما بيقولوا
فاحنا اللى عملنا فى نفسنا كده ولاعزاء لينا
Dr/HULK
شكرا لراي حضرتك بس هو حضرتك شايف اننا بمستوانا ده نقدر نشتعل فى التحاليل
لازم الدبلومه يا دكتور ولا ايه
عشان ماحدش يقول الصيادله دخلوا فيها خربوها
وده مجرد راي
مع خالص تحياتى

[pharma princiss]

Dr. Baher
شكرا لمشاركه حضرتك اللى بجد اثرت الموضوع كعاده حضرتك دايما وماشاء الله حلول عمليه بس عايزه متابعه فى التنفيذ مننا ومن اداره الكليه
هوصحيح اننا مش هنقدر نغير كل واحد بس لو فى مجموعه بدات تتغير اكيد الكل هايغير منها وهايحاول يتغير هو كمان
والحمدلله بوادر التغيير بدأت تظهر فى الكليه ولازم الكل يساعدها عشان تنجح
الدليل اسره رساله عامله فكره مكتبه هايله ياريت كلنا نشارك فى نجاح الموضوع ده
Dr nour
متابعتى العزيزه
الف شكر كل رد ليكى بيزود قيمه جديده للموضوع واتفق معاكى فى موضوع التخصص