معرض للكتب....إفهم حياتك صح !!

[DoAa_RESALA]

السلام عليكم

ان شاء الله هنبدأ من بكرة أول نشاط للجنة الثقافية

معرض للكتب بعنوان ( إفهم حياتك صح!! )

يعني ايه معرض للكتب؟!!

يعني هننزل ان شاء الله من بكرة لحد يوم الاتنين الاسبوع اللي جاي....10/11 يعني نجمع الكتب من الطلبة اللي يحبوا يشاركوا معانا ...الطلبة اللي عندها كتب في أي مجال ... أدب...شعر...ثقافة....دين...علم... هنجمع منهم الكتب خلال الاسبوع ده
الأسبوع اللي جاي بعد انتهاء تجميع الكتب هننزل تلات أيام في الاسبوع هنحددهم لسه في مدخل المبنى ب ونفتح باب الاستعارة

كل المطلوب منك علشان تستعير كتاب انك تجيب الكارنيه بتاعك علشان ننقل منه بياناتك وبس
مدة الاستعارة بحد أقصى أسبوعين.....وانت مسئول عن الكتاب في الفترة دي ولو حصله حاجة بتكون مسئول عن تكلفته

فكرنا في الفكرة علشان نرفع مستوانا شوية.....نتبادل خبراتنا ونقرأ حاجات جديدة
هي خطوة صغيرة وربنا يسهل وبمساعدتكم ان شاء الله تنجح

في انتظار مشاركتكم معانا وفي انتظار اي استفسارات

[M.3esawy]

تمام .. فكرة كويسه
ان شاء الله نستفيد ..

جزاكم الله كل خير ...

تحياتي ,,,

[DoAa_RESALA]

وجزاكم الله مثله يا محمد

منتظرين تفاعلكم كلكم معانا بإذن الله

[* Esraa_resala *]

ازيك يادودو ايه الافكار الجباره ده

يارب الموضوع ان شاء الله ينجح وينفعنا بيه جميعااا

بس عايزة افهم منك حاجه الكتب طبعا الى هيجبها اى حد اكيد هتكون غاليه عليه يعنى زى مافهمت ان

الكتب هتفضل حسب مده المعرض بس وبعدين ترجع لصحابها فحكايه ناخد بيانات الكارنيه ده مش كفايه

لانك صعب توصلى لحد لو حصل ظروف وتاخر فى تسليم الكتاب يعنى انا بقول لازم يكون فيه حاجه تانيه

اضمن. يعنى على الاقل كتير يتشجعو ومايبخلوش بكتبهم عننا

وان شاء الله يارب الموضوع يكبر ويستمر وياريت كل الناس تشارك

[Dr.Mohamed]

So Nice Idea

[mr_toxic]

fkra gamela ya rab el kolya t3enkom 3la tanfezha

[NonY]

فكرة حلووووووووة : )

[DoAa_RESALA]

ازيك يادودو ايه الافكار الجباره ده

يارب الموضوع ان شاء الله ينجح وينفعنا بيه جميعااا

بس عايزة افهم منك حاجه الكتب طبعا الى هيجبها اى حد اكيد هتكون غاليه عليه يعنى زى مافهمت ان

الكتب هتفضل حسب مده المعرض بس وبعدين ترجع لصحابها فحكايه ناخد بيانات الكارنيه ده مش كفايه

لانك صعب توصلى لحد لو حصل ظروف وتاخر فى تسليم الكتاب يعنى انا بقول لازم يكون فيه حاجه تانيه

اضمن. يعنى على الاقل كتير يتشجعو ومايبخلوش بكتبهم عننا

وان شاء الله يارب الموضوع يكبر ويستمر وياريت كل الناس تشارك

إن شاء الله هيكون في إقرار الطالب اللي هياخد الكتاب هيمضي عليه
الإقرار ده بينص على ان مدة الاستعارة أسبوعين وانه مسئول عن الكتاب وعن تكلفته لو حصل أي تلف في الكتاب

[عامر إبراهيم]

جميلة جدآ الفكرة دى يا دكاترة, ربنا معاكم يارب و إن شاء الله أنا معاكم بشوية كتب كده على أدى إن شاء الله, وكويس حكاية الإقرار علشان الناس اللى هتجيب كتب تبقى مطمئنة ومش تخاف ....

[..::ciZar_Resala::..]

طب و ليه منخليش الفكرة دى فيها حسنات زيادة إن شاء الله



نعمل مقابل مادى بسيط .. و لو جنيه .. و نتبرع بيه لمستشفى 57357 سرطان الأطفال ؟؟؟


لو الفكرة عجبتكوا .. يا ريت تطبقوها .. فى ناس محتاجة بجد لكل مجهود و لو بسيط بنبذله