صور حفلة الأورام يوم الاحد 26/10/2008

[Alaa_Resala]

قامت الأسرة يوم الأحد 26/10 بزيارة وحفلة لمركز الأورام قسم الأطفال

رحنا الساعة 11 ونص صباحا وبدأنا تزويق الريسيبشن اللي عملنا فيه الحفلة:



وبعدين بدأنا أول فقراتنا وهي كالعادة طبعا : فقرة الكراسي الموسيقية:

وطبعا شباب صيدلة لا يفوتهم اللعبة دي:



وخناق على الكراسي:


التنافس الشرس بين الأطفال ...شايفين الشراسة ؟



ثم جينا لفقرة المسرحية:


والصورة دي طبعا بتوضح النقاش الدائر بين الأسد والحمار والفيل والنملة ومتسألونيش ليه النملة صفرا كده بس هي ظروفها جت كده: كانوا كلهم ضد الأسد وبيطالبوه بالاستقلال التام أو الموت الزوءام



وادي رد فعل الأطفال واندماجهم مع المسرحية:


وميفوتناش طبعا اختيار ملكة جمال الحفلة:


وبعدين لعبنا لعبة القطر :


وأخيرا فقرة كور البينج بونج:


في النهاية أحب أشكر كل اللي جم وساعدونا وأسعدوا الأطفال سواء من أعضاء الأسرة

او من أعضاء أسرة فيرونيكا و أخص بالذكر (الفيل) اللي شارك معانا في المسرحية

أو من أسرة صيدلي المستقبل

وأخيرا أسرة ريد لاين

وجزاكم الله كل خير

[dr/noony]

براااااااااااااااااااااااااااااااااااافو عليكم
ربنا يجزيكم كل خيييييييييييييييييييييييير
ويقدركم على اسعاد الناس

[SHEREIF]

جزاكم الله خيرا وجعله فى ميزان حسناتكم
بس كان نفسى اكون معاكم بس للاسف مكنتش اعرف
يارب يكون فى حاجة تانية علشان اروحها

[ماهيتاب]

جزاكم الله خيرآ ياآلاء
مشكورين وربنا يجعله فى ميزان حسناتكم يارب
وبالتوفيق دايمآ

[آيه محمد]

مجهود رائع بصراحه
في طريق الخير دايما
تحياتي

[Dr.Mohamed]

و أخص بالذكر (الفيل) اللي شارك معانا في المسرحية

أو من أسرة صيدلي المستقبل

وأخيرا أسرة ريد لاين

وجزاكم الله كل خير

أوك حظ الفيل بقى بس حقيقى كان دوره رائع وبارز من رأى كمان النمله كانت مجسده بطريقه مظبوطه دا غير سمسه وحلمها الزائف.........وانا كمان التعلب(المكار)..على العموم هوه كان يوم جميل أتمنى إنه يكرر تانى.
شكرا ليكى يا ألاء على الصور .....نحو مزيد من التقدم
كمان بشكر كل الأسر التانيه إلى ساعدتنا فى اليوم ده .

[ارجو الجنة]

جزاكم الله خيرا
كان نفسى اكون معاكم بس للاسف مكنتش اعرف
ياريت يكون فى اعلان فى المنتدى او فى الكلية عن الحفلات

[Dr.Mohamed]

جزاكم الله خيرا
كان نفسى اكون معاكم بس للاسف مكنتش اعرف
ياريت يكون فى اعلان فى المنتدى او فى الكلية عن الحفلات

إن شاء الله تكونى معانا المرات الجايه...... ونحاول يكون فيه إعلان

[Galal Magdy]

السلام عليكم
بجد جزاكم الله كل خير
ونفسى اشارك والله معاكم فى الانشطه الرائعه دى بس مش عارف ازاى ؟
لو ممكن حضراتكم تقوليلى ازاى ممكن اشترك معاكم فى الانشطه الخيريه الجميله دى
وكمان مره جزاكم الله خيرا

جلال

[Dr.Mohamed]

السلام عليكم
بجد جزاكم الله كل خير
ونفسى اشارك والله معاكم فى الانشطه الرائعه دى بس مش عارف ازاى ؟
لو ممكن حضراتكم تقوليلى ازاى ممكن اشترك معاكم فى الانشطه الخيريه الجميله دى
وكمان مره جزاكم الله خيرا

جلال

شكرا ليك يا دكتور....
حقيقى لو عايز تشارك معانا تشرف بجد... كلمنا على إيميل الاسره
[email protected]
[email protected]