هام جدا : آآآآخر موعد لتسليم الدواليب

[Mohamed Al Gohary]

بسم الله الرحمن الرحيم ..

ان شاء الله سيتم تسليم باقى الدواليب التى تم حجزها فى بداية العام الدراسي الحالى .. ابتداءا من يوم الاثنين 3-11 .. المكان عند مكان الدواليب الجديده خلف الكليه .. عند الباب الخلفى امام مدرج الفرقه الاولى .. قبل بوابة مدينة الزهراء الجامعيه للبنات ..

برجاء احضار صورة الكارنيه .. وشكرا ..

[د///*مطحونة*\\\]

طيب بعد اذنك يا دكتور

لو فى اى دواليب لسة موجودة
ياريت تعلن عنها وعن عددها
عشان فى ناس عايزين دواليب
ومالحقوش يحجزوا اول السنة
وكمان يا ريت تقول ازاى نوصلكم عشان الموضوع دة

[Mohamed Al Gohary]

ان شاء الله .. والتواصل من خلال مقر الاتحاد .. او القسم هنا او ايميل الاتحاد ..

او عن طريق اى فرد من مجلس الاتحاد ..

[Mohamed Al Gohary]

اخر موعد لتسليم الدواليب .. من اليوم الأحد 16-11 وحتى يوم الأربعاء 19-11 ..

والمكان عند الدواليب الجديده ..

[أمــ هـنـد ــة الله]

انا حاسه ان الاتحاد ده زهق منى من كتر ما بروح عشان الدولاب وف الاخر مش بعرف استلمه

وبروح عند مكان الدولايب ومش بلاقى حد ...ولما حد يحددلى معاد للتسليم الاقيه بيتغير

ارجو الاهتمام بالموضوع ده شويه لاننا فعلا محتاجين الدولايب ...والله الناس ف كل مكان بتشفق علينا لما

تلاقينا ماسكين كل الادوات دى ف ادينا ومحتسين بيها

[Mohamed Al Gohary]

د/ hanoda

انا سالت محمد رحيم عنك وهو قال لى انك بعتى له رساله على المنتدى انك عاوزه دولاب وهو قالت تعالى واحجزى وحضرتك افتكرتى انك كده حجزتى دولاب ..

فبالتالى اسمك مش مكتوب فى كشف الاسماء .. بس لو فيه اى دواليب فتتبقى هنقول للكل ان شاء الله ..

واللى عاوز يستلم يا جماعه ممكن ييجى اوضة الاتحاد مش شرط يروح لمكان الدواليب ورا ..

[Mohamed Al Gohary]

اللى اعرفه من محمد رحيم انك محجزتيش .. عموما الكشوفات موجوده .. وممكن تيجى اوضة الاتحاد بكره الساعه 2.30 انا نفسي هكون موجود وهنشوف ان شاء الله ..

[أمــ هـنـد ــة الله]

مفيش مشكلة يا دكتور قولوليى على معاد وانا اجى استلم طيب

عشان المشكلة دى حصلت لى قبل كده السنة اللى فاتت دفعت فلوس دولاب وعلقو اسمى ضمن كشف

انى اروح استلم ف معاد محدد وبروح ومش بلاقى تسليم وكتييييييييييييييييير غيرى بيعانو من نفس

المشكلة ...

انا بس كل طلبى حددو معاد لتسليم الولايب بس تصدقو فيه وانا لو عليا سيكشن ف المعاد نفسه

والله هسيب السيكشن واجى استلم ....انا عارفه ان حضرتك مش مختص ف موضوع الدولايب ده

بس ارجو من اللى من شانهم هذا انهم ينجزو شويه احنا بقينا اخر الترم...

بس ملحوظة يا جماعه هوا ان شاء الله اللى حجز السنة دى ودفع فلوس برده ومش عرف يستلم

هيجى السنه الجاية ويقول للاتحاد الجديد انا كنت حاجز من الاتحاد السنة اللى فاتت

هيقولو احنااااا اتحااااااد جديد وملناش دعوة بالقديم ...ولا ياترى ايه اللى هيحصل

وليه اصلا بيحصل كده ...انا عشان مكنتش حابه اعمل مشكلة عشان دولابى اللى مش استلمته

قولت خلاص مش عايزة اشتكى حد وكنت مسالمة جدا بس الظاهر ان المشكلة هتكرر وتتكرر

وانتو ف الاخر اتحاد الطلبة لاحد يقول جديد ولا قديم

[Mohamed Al Gohary]

يا دكتوره .. كل اللى حجزوا دواليب لهم استلموها .. ولو حصل ان حد ما استلمش اكيد مش غلط مننا ..

طيب هو انتى بس اللى مستلمتيش ؟؟ ما 99% اهم استلموا .. دول استلموا ازاى !!

وبعدين حضرتك قلتى انك روحتى ودوروا فى الكشف ملقوش اسمك يعنى لقيتى بتوع الاتحاد اهه .. واحنا برضه طلبه زينا زيكم عندنا سكاشن ومحاضرات وكل حاجه ..

اما موضوع دواليب السنه اللى فاتت بقى .. فاكيد ده غلط منك انك سيبتى حقك .. لان كل سنه بيبقى فيه كشوفات جديده وناس تانيه ماسكه الاتحاد ..

مينفعش نسكت سنه كامله .. وبعدين نيجى نقول فين الدولاب ..

هتقولى جيت ومسكتش ودورت وعملت .. هقولك طيب الباقيين استلموا ازاى ..

انا بنفسي السنه اللى قبل اللى فاتت كان فيه ناس مستلموش علقت اعلانات بالاسماء .. وقلت فى المدرجات .. الناس تيجى تستلم .. مجاش غير عدد قليل ..

يا جماعه مش كل حاجه نهاجم الاتحاد ..

[أمــ هـنـد ــة الله]

دكتور انا مش بهاجم الاتحاد ولا حاجه احنا بنتكلم بصراحه

وبعدين حكاية انى لقيت حد من اتحاد الطلبة وخليته يدورلى على اسمى تعرف انى لقيته ف الشارع

وبالصدفه وشبهت عليه لما كان متواجد ادام مدرحنا وعرفت انه من الاتحاد

يعنى ما روحتش لمقر الاتحاد ولقيته

وبعدين انا كنت لما حجزت والله والله يوميا كنت بروح مقر الاتحاد ومش بلاقى حد

معقول يعنى هفضل قاعده ادام الاوضه طول النهار عما يجو ويفتحو لا كنت بمشى

ومرة اروح لهم يقولو اصل الكشف مش موجود ...ومرة اصل مش عارفه اللى بيسلم راح فين

وف يوم عقلو كشف باسماء اللى ليهم دولايب وانا كنت منهم وروحت ف المعاد ومش لقيت حد

تقريبا كانو سلمو بدرى

ولما زهقت بقى من اللف على بتوع الاتحاد

قولت بلاها الدولاب اللى هيبهدلنى ده

عموما ف شئون الطلبة روحت ليهم برده وعرفتهم الموضوع وقالى ليكى دولاب ولاحد قال اتحاد جديد ولا

قديم ...وخلاص يا دكتور انا مش هفرط ف الدولاب وانا ليا دولاب ف الكلية وملزوم من الاتحاد مش انا دافعه

تمنه ...