:::: انــــــــــــــــــــا إنســــــــــــــــــــان فاشـــــــــــــــــــــــل ::::

[dano_90]

السلام عليكم ورحمة الله وبركاته

انــــــــــــــــــــا إنســـــــــــــــــــــــــــان فاشـــــــــــــــــــــــــــــل

كثيرا ما نسمع هذه العبارة عندما يقع أي إنسان في محنة نتيجة اخفاقه في شئ ما وبدلا من البحث عن اسباب

اخطاءه واصلاحها يستسلم لحالات الكآبه والحزن التي تنتابه ويصبح عاجز عن التصرف والتفكير ولا يبحث عن

حلول لمحنته وهذا يرجع لمدى قدرة كل فرد على ازالة العواقب التي تقابلة مهما كانت احجامها والأنسان الناجح

هو الذي يمضي في طريقة نحو هدفه لا يعيقه شئ ولا تؤثر عليه اي سقطات في حياته وأرى ان الأعتراف بالفشل

سر من أسرار النجاح ولكن بشرط الأستفادة من الأخطاء وعدم تكرارها لتكون دفعة قوية في تحقيق الذات والوصول الى الاهداف والامنيات التي
نحلم بها ونريد تحقيقها والأنسان الضعيف هو الذي يقف عائقا وراء فشله

حتى يصبح صديقه وظله ويختلف هذا عن ذاك بقوة الأيمان والتنشئة منذ الصغر وحسب تعود الأهل على اعطاءه الحرية الكامله في اتخاذ

القرارات اللازمة التي تخص أموره الشخصية مثلا عندما ينتقل من المرحلة الثانوية ويتعداها

وينتقل الى الجامعه نجد ان الأسرة تساعده في اختيار الكلية التي يريدها بدون اي ضغوط وبذلك تمنحه ثقته في نفسه ليكون قادر على تحمل

المسؤولية والأعتماد على نفسه ولذلك تراه اذا فشل يتحمل مسؤولية فشله بدون

هروب ويواجه محنته بكل ثبات حتى يصلح اخطاءه ويواصل مشواره للنجاح .

الأسئلة

ماذا تفعل عندما تفشل في شئ ما ؟

هل يمكن ان يؤدي الفشل إلى تدمير اي إنسان ؟

ماهي السبل لتحقيق النجاح والوصول للهدف ؟

مادور الأسرة في بناء شخصية الفرد القادر على تخطي المصائب والعقبات ؟

ماذا تنصح هؤلاء الذين يستسلمون للفشل ؟

[أمــ هـنـد ــة الله]

الأسئلة

ماذا تفعل عندما تفشل في شئ ما ؟

انا عموما بيجيلى احباط بصراحه بس بيكون وقتى

وببقى عارفه انى مقصره وانى لو شغلت دماغى هعطى احسن

واحسن بس مش عارفه يمكن لان ارادتى مش قويه اوى بس

بحاول اقويها عشان ابنى ذاتى ..

هل يمكن ان يؤدي الفشل إلى تدمير اي إنسان ؟

اكيد ممكن بس دا ف اللى حالته صعبه اوى يعنى فشل مرة

تلاقيه خلاص فقد الامل واحباط ما بعده احباط

ويارب مانكوش ف الموقف ده ابدا يارب

ماهي السبل لتحقيق النجاح والوصول للهدف ؟

الصبر ثم الصبر ثم الصبر

اصبر على نفسى واعطيها فرصه تانيه بعد الفشل

واحاول واحاول لحد ما اوصل

م الاخر عايز حد نفسه طوييييييييييل

مادور الأسرة في بناء شخصية الفرد القادر على تخطي المصائب والعقبات ؟

اعتقد ان دور الاسرة انهم مش يبقو لوامين

يعنى مش يقعدو يلوم الشخص اللى فشل ده وكل شويه

يقولوه كان لازم تعمل وتعمل

الاولى انهم يحاول يخلوه يتخطى المرحلة دى ويخلوه اكثر

تفاؤلا ...

ماذا تنصح هؤلاء الذين يستسلمون للفشل ؟

اقول لهم من منا لايفشل

والحياة مش هتقف على الحاجه اللى فشلنا فيها

واللى جاى احسن

وفشل يعقبه نجاااااااااااح

[dano_90]

شكرا يادكتوره على مرورك العطر

لكى تحياتى

وبالتوفيق والنجاح

[dr/samr]

ماذا تفعل عندما تفشل في شئ ما ؟

بصراحه كنت الاول بزعل واحبط وابعد عن محاولتي في تكرار الشئ دا تاني

بس دلوقتي حسيت اني ببقي لازم احاول تاني وتالت

وان كل مره بجرب فيها بتسفيد منها ف حاجه بتساعدني ف الوصول للحل الصحيح

هل يمكن ان يؤدي الفشل إلى تدمير اي إنسان ؟

لا مش اي انسان..

اعتقد لو لسه صغير ف العمر اكيد هتياثر عليه بالسلب

اما لو كبير وذو خبره يعني ...اكيد هيحاول يكتسب من فشله مهارات

ماهي السبل لتحقيق النجاح والوصول للهدف ؟

اولا وضع خطط للاهداف وتكون خطه معقوله

وف حدود الوقت المسموح والمجهودات والامكانيات المتاحه وطبعا الاستعانه بالصبر

والله هو ولي التوفيق

مادور الأسرة في بناء شخصية الفرد القادر على تخطي المصائب والعقبات ؟

طبعا الاسره دورها بناء من اول يوم للطفل

وخصوصا في شخصيته يعني لو الام والاب بيعودوا ابنهم م الاول انه يحل مشاكل

مش لازم مشكله معقده يعني... وانه يتحمل المسئوليه

يبقي اكيد هياثر عليه بالايجاب اما يكبر

ماذا تنصح هؤلاء الذين يستسلمون للفشل ؟

اقولهم طبعا ان الدنيا مش هتتهد اما تحاول فحاجه ومش تطلع نفس النتايج اللي انت عايزها

يمكن تكون التجربه دي اول طريق للنجاح بعد كده

واهم حاجه يقدروا يبعدوا الياس من حياتهم

توبك هايل.. واساله جميله
تسلمي يادانوو

[lost*soul]

مرسى ع التوبك دينا

انا شخصيا بحب ديما اقول

ربى لا تدعنى اصيب بالغرور اذا نجحت ولا بالياس اذا فشلت

[Mohamed Al Gohary]

كان فيه كلمه كنت مؤمن بيها اوى ..

failure teaches us more than success

شكرا على التوبيك ..

[dano_90]

شكرا دكاتره على مروركم الرائع

بارك الله فيكم