!! بــــنات مشــ بــــنات ،، و بناتـ نسيتــ، انها بناتــ !!

[dano_90]

السلام عليكم ورحمة الله وبركاته

!! بـ،ـناتــ ،، مشــ ،، بــ،ــناتـــ ،، !!


صباحو فل ع البشر الي داخله ومشرفه التويبك ..

طبعا الكل دلوقتي بيقول " دينا " ضد المراه

وان " دينا " من المناهضين ضد البنات

وان "دينا" مع حزب ( سي السيد )

وشويه وهيخلوا "دينا" عضوة في جماعة ارهاب

وممكن يكون هو الي نزل البرجين بتوع امريكا كمانــ

اصل "دينا" كده يعتبر لعبت بعداد عمرها

عشان اتكلم ع البنات

والي يتكلم ع البنات في الزمن ده يبقى اتلكم عن " تاريخ صلاحيته "

الله يرحم ايام ما كانت البنت تتكسف من صوابع ايديها لما تبصلها وتلاقيها مش مطغطيه

ندخل في الموضوع بقا ..

طبعا انا بتكلم عن " حرية المراه " او " حقوق المراه "

انا عارف ان الموضوع بايت في المطبخ من زمان وريحته فاحت وبقت على كل لسان

دلوقتي بقينا نشوف ع التلفزيون كل واحده ربنا مديها صوت

طالعه لينا ع القنوات " تطالب بحق المراه وحورات كتير كده مش بفهم الا نصها "

ولو كان نصها واضح كمان ..

قالوا في الاول

ليه الست متكشفش وشها !

وكشفت البنت وشها

وبعدين ليه البنت متشتغلش زي الراجل

والستات بقوا زي الرز في مجال العمل

وبعدين يقولوا ليه الست ميبقاش ليها مكانه في المجتمع

وبقا ليها مكانه في المجتمع

وبعدين انا دلوقتي بقول

ليه الست مطولش شنبها زي الراجل

والله تبقوا زي القمر

وبعدين يطلعوا يقولوا " فين حرية المراه "

ويطالبوا بانهم يتعروا تحت شعار

احنا لينا حقوق وفيه حاجه اسمها حريه زيك يا انت وهو وهو وهي

وبعدين يجيلك راجل من بتوع اليومين دول

او خلينا نقول " مان " عشان كلمة " راجل " دي عيب في حقه

وينادي بحقوق المراه

وطبعا البنات والستات" يفرحوا ويتنططوا "

ويحسوا ان ربنا باعت ليهم البني ادم ده عشان يعرفوا ينزلوا الشوارع

يا جدعان البنات بقت اكتر من ولاد ابو اسماعيل بذات نفسه

ومعدوش لاقين" لبس "وكلوا على "حسابنا" ..

هما "يقلعوا "و"يتحرروا" واحنا نشيل" ذنوب" لبكره الصبح بعد العشا كده

بجد حرام يا بشر

حرية ايه الي تخلي البني ادمين كده

والمشكله لما نلاقي ست عماله تقول " حرية المراه " و"حقوق المراه "وحورات كتير كده وبتاع

نيجي نقولها بقا " ترضي بنتك تمشي من غير حجاب تلبس المحزق والملزق ؟!

تقلك انت اتجننت يابني انت .!؟

ده على اساسا ان بنتها من غير" شنب" وبقيت بنات البشر كلهم" بشنب" يعني ولا ايه .!

بجد فيه تناقض غير طبيعي

كمية بنات منطوره في الشوارع اكتر من" عواميد النور "

وكل واحده انيل من التانيه

منهم

- بنت لابسه .. بس مش لابسه !

- بنت محجبه .. بس مش محجبه !

- بنت بتتكلم بصوت اعلى من الرجاله !

- بنت بتدلع في الشارع كانها في شارع بباها الباشا !

-بنت نسيت انها بنت !

لامته بقا يا بشر ؟!

احنا زهقنا حريه

احنا برده لينا نظر ولينا أخره هنتحاسب فيها عن حريتكم الي على حسابنا دي

عايز اعرف رايكم بقا في الحوار ده ..

قولي يا كبير ..

انت من مؤيدي حرية المراه ولا لأ .؟!

وانتي شايفه ان حرية المراه دي حاجه زي الفل

ولا شايفه انها مش مخليه في لبس مش مقطع ومفتوح من الجناب وكل حته فيها شباك .؟!

في رايكم ايه هو سبب انتشار الظاهره السيئه دي .! ؟

انت شايف ان سبب انتشار الحوار ده هو الــ ميلودي ولا لأ .؟!

[**tota**]

السلام عليكم ورحمه الله وبركاته
موضوع جميل
انا بايد وجهه نظر حضرتك فى ان البنات مبقتش بنات بجد
بقينا بنشوف حجات كتيره فى مجتمعنا غريبه عننا وعن دينا
اولا الاسلام نادى بحقوق المراه وكفل ليها كل حقوقها
بس كل الى بنشوفه دلوقت افكار دخيله علينا
وعلى مجتمعنا الشرقى
وبالطبع منها حب التقليد للاجانب
بس على العموم
ربنا يحفظنا ويحفظ بنات المسلمين
ويحمينا يارب فنحن فى زمن الممسك على دينه كالممسك على جمره من نار
وسورى لانى اطالت
وتقبل مرورى
بالتوفيق

[جمال الشافعي]

السلام عليكم ورحمه الله وبركاته
موضوع جميل
انا بايد وجهه نظر حضرتك فى ان البنات مبقتش بنات بجد
بقينا بنشوف حجات كتيره فى مجتمعنا غريبه عننا وعن دينا
اولا الاسلام نادى بحقوق المراه وكفل ليها كل حقوقها
بس كل الى بنشوفه دلوقت افكار دخيله علينا
وعلى مجتمعنا الشرقى
وبالطبع منها حب التقليد للاجانب
بس على العموم
ربنا يحفظنا ويحفظ بنات المسلمين
ويحمينا يارب فنحن فى زمن الممسك على دينه كالممسك على جمره من نار
وسورى لانى اطالت
وتقبل مرورى
بالتوفيق

انا مؤيد لو جهة نظرك بالظبط يا توتا فعلا الافكار الدخيله دي هي اللي مؤدية للي احنا بنشوفه من مهازل في مجتمعنا

[Ramy Saad]

موضوع جميل ومهم والأهم إن صاحبه بنت لأن لو ولد كان اتضرب وكان زمانه اتطرد من المنتدى

أكيد طبعا لو ديه الحرية فاحنا مش عاوزين الحرية اللي تودي لجنهم
الكلام كله تمام ربنا يجازيكم خير
ربنا يهدي شباب المسلمين


شوفوا كدة وتخيلوا

تخيل لو

[..::ciZar_Resala::..]

أحيى الدكتورة دينا على جرأتها .. فى وجه إخواتها

و لا تعليق .. مش أكتر من إن ل كل واحدة عرفت إن ربنا مطلع على كل شىء .. و عرفت إن كل ده هى هتتحاسب عليه بجد ..


بعد كده هتفكر مليون مرة .. قبل حتى .. متبص من الشباك من غير حجاب .. مش تنزل الجامعة !!

[dano_90]

شكرا يادكاترة على مروركم الجميل

وربنا يحفظنا احنا وكل بنات المسلمين

للجميع خالص تحيااااااااااااتى

دينا

[Dr nour]

بشكر دكتوره دينا على الموضوع المهم ده
بس فى الأول عاوزه أقول شئ بسيط الحريه دى شئ مطلوب يعنى مينفعش نرجع لأيام الجاهليه وميكنش لينا الحريات اللى دينا سمحلنا بيها
ومينفعش نرجع لزمن سى السيد ونكون معزولين تماما عن المجتمع وعن العالم الخارجى ومنعرفش ايه الأحداث اللى بتدور من حولنا ومنعرفش نواجه ازاى مشاكلنا وميكنش لينا فكر مستقل ورأى مش لازم ينفذ بس على الأقل يحترم ويتسمع
دى حريه لازم كلنا نكون متمتعين بيها ................والحريه دى لازم يكون ليها حدود وقواعد معينه نسير عليها
___________________
بس بالنسبه للى ذكرتيه فى الموضوع واللى أنا متفقه تماما معاه ده بقى مش حريه ده انفتاح وتقليد أعمى أو ممكن نقول حريه بلا قيود
اصل احنا استسهلنا كلمه حريه وبقينا نقول على كل شئ بنعمله دى حريه شخصيه
كل شخص لديه حريه شخصيه بس المفروض متأذيش الآخرين أو تسئ ليهم
احنا بننساق وراء الكلام اللى بيجى على هوانا فى ناس كتير بتحاول تدخلنا من منظور كلمه حريه فاباحت كل شئ وجعلته تحت لائحه الحريه المزعومه وتحت لائحه المساواه
فبعدنا كل البعد عن المفهوم الحقيقى للحريه ودخلنا فى مفاهيم أخرى تقال انها مفاهيم للحريه ولكنها بعيده كل البعد عنها
وللأسف كلنا بنتأثر بالمفاهيم دى سواء تأثر جزئى أوكلى أو بأى نسبه بنتأثر
فعشان كدا بنجد المظاهر الغريبه اللى بنشوفها
بس فى شئ عاوزه أقوله فى النهايه مش كل البنات مش بنات لأن فى بنات مازلت ملتزمه ومازلت فاهمه الحريه بمفهومها الصحيح لأنها اتربت تربيه صحيحه رسخت مبادئ ومفاهيم صعب انها تتلاشى بس فعلا فى بنات نست أنها بنات وهى مبسوطه بنسيانها الحقيقه دى

=============================



Gohary

[dano_90]

شكرا دكتوره نور على وجهة نظرك

بارك الله فيكى

تحياتى

[Pharmcist_girl]

شكرا ليكى دوك على موضوع بالغ الاهميه زى ده وكويس انه جه من بنت فعلا
وانا شايفه ان الاعتدال احسن حاجه الوسط ده الافضل يعنى البنت تاخد حريتها اه بس مش لدرجه (انت حر مالم تضر )المقوله اللى بقت على لسان الكتير اليومين دول ..لالاسف .....او ما تاخدهاش لدرجه انها ما تتعلمش او متخرجش من البيت خاللللص
البنات معدوش بنات لان البنت تساوى حياء لوراح خلاص متبقاش بنت وللاسف هو فعلا راح من اغلب البنات والله اعلم اذا كان هيعود تانى ولا لاااااا ياريت كل واحده تعرف ان الحجاب فرض عشان يصونها هى وتراعى ربنا فى لبسها وتكون بالذات نيتها خير وربنا يسترها ويكتر من اصحاب الحياء اللى بقى شححح اوى اليومين
وشكرااااااااااا للموضوع

[dr.noody]

طبعا اللى بيحصل ف مجتمعنا ده للاسف انحلال وخروج عن ديننا وتقاليدنا وانجذاب وتقليد اعمى للغرب
بس عموما ربنا يحفظ بنات وشباب المسلمين من شر هذه الفتن ويثبتنا ع الاسلام... آمين