العشر دقائق الراحة بين المحاضرات, هل هي مفعلة؟

[عامر إبراهيم]

السلام عليكم ورحمة الله وبركاته

إزيكم يا جماعة؟

طبعآ يارب يكون الجميع بكل خير يارب ....

بصراحة حصل تعديلات على الجدول وخايف بعد فترة ينزل جدول بنفس المواصفات القديمة

بغض النظر إن بعض السكاشن بقت بتبدأ 8 ونص عندنا فى أولى, وفى فرق تانية بقت بتبدأ 8

أعتقد معظم المحاضرات إن لم يكن جميعها مش بناخد فيها الـ 10 دقائق الراحة ...

بغض النظر عن إنه ممكن مش بيخلينا ناخد الراحة اللى عايزينها لكن ممكن إحنا حسينا إن ده بقى حق لينا و عايزين إحنا الطلبة اللى نستفيد بيه ...

يا ترى إنت رأيك إن إحنا ماعدناش مستفيدين من الـ 10 دقائق فعلآ أو حتى لو بنسبة صغيرة؟؟؟

وأتمنى إن اللى يقول آه أو لأ يكون فعلآ حاسس المشكلة ...وبيحضر المحاضرات وشايف بنفسه ...

[Dr/HULK]

العشر دقائق معظم الدكاترة بيستخدموها فى تكملة المحاضرة (ده ممكن المحاضرة تاخد جزء من المحاضرة اللى بعدها)

بس انا ممكن اسألك سؤال (هل الجدول اللى استلمناه بيفعل زى ماهو عشان نتكلم عن 10 دقايق بيفعلوا ولا لأ)


شكرا ليك على الموضوع

[lost*soul]

انا مش هقدر اصوت لانى بصراحه خلاص مش بحضر

بس اعتقد الدكتور هياخد العشر دقايق دى للمحاضرة وبالتالى هتتاخر مثلا ساعه عن ميعاد نهايه اليوم

يبقى راى بلاش منها

[dr..asma]

احنا يا اما يكون ما عندنا عشر دقايق مابين المحاضرات
يا اما نقعد 3 ساعات فاصل عشان ناخد المحاضرة اللي بتكون بعد السكشن بس برده فيه ضغط ف الجدول
وكمان العضوية بتكوت محاضرتين ورا بعض والتحليلة فبنركز ف اول واحدة وف التانية خلاص بنكون نمنا
والعقاقير محاضرتين ورا بعض بس نفسي هي دي اللي تتغير
والوقت اللي بين المحاضرات العشر دقايق حلوين بس لو حد يسيبهم لنا انما مش بيحصل

وشكرا

[B@Ssma]

هما فين العشر دقايق دوول .... والله انا لحد دلوقتى ما حسيت اساسا انى خدت راحه مابين المحاضرات
دكتور داخل ودكتور خارج ... الدكاترة كمان بيخرجوا بعض من المحاضرات
يعنى سلم واستلم ... انا كنت والله فرحت لما عرفت ان فيه ريست ما بين المحاضرات
بس الظاهر طلع كلام ع الورق وخلالاص

[د\بوسى ربيع]

بصراحه مش كل الدكاتره بيدولنا العشر دقايق دول بس فى الاول كنا بناخدها اكتر من دلوقتى

[قناع الذهب]

لا انا حاسة ان احنا بناخدها احيانا وبعدين كدة ولا كدة بندى لنفسنا رست بين المحاضرات
وهى احسن من مفيش حتى لو موجودة معنويا بس عشان يبقى اسمنا عندنا رست زى الناس

[Mohamed Al Gohary]

فى اللائحه الجديده اللى بتتعمل حاليا ان شاء الله المشاكل دى كلها هتراعى

[Pharmcist_girl]

لائحه ايه يا دكتور؟!!

[Pharmcist_girl]

لا انا حاسة ان احنا بناخدها احيانا وبعدين كدة ولا كدة بندى لنفسنا رست بين المحاضرات
وهى احسن من مفيش حتى لو موجودة معنويا بس عشان يبقى اسمنا عندنا رست زى الناس

انا متفقه معاكى يا دكتورة فيه دكاترة بيسبولناااااااااااا الرست ده ودكاترة بتدمجه ضمن المحاضرة