نقطة ومن أول السطر ....

[Mohamed Al Gohary]

السلام عليكم ورحمة الله وبركاته ..

ازيكم يا دكاترة المستقبل ..

ايه رايكم نحط نقطه ونبدا من اولا السطر ؟؟

ايه رايكم نشد خط نهاية فى الصفحة دى ونفتح صفحه جديدة بيضاء ؟؟

ايه رايكم نقفل المجلد ده .. ونفتح مجلد تانى جديد كله امل ؟؟

انا وبصفه رسميه من هنا .. ادعو جميع طلاب كلية صيدلة المنصورة لمتابعة الاتحاد والمشاركة فى الانشطه عن طريق الاسر الطلابيه .. وعن طريق الاتحاد ..

ايه رايكم نغير كل حاجه .. ونطور كل حاجه .. ونبدع ونعمل .. ونفيد ونستفيد ..

عاوزين نبدا من جديد .. بلاش الصوره السيئه السائدة عن الاتحاد اللى فى الكليه ..

هقولكم على حاجه جربوا السنه دى كده .. وشوفوا هيكون فيه شغل ولا لأ ..

كل مجلس الاتحاد منكم وهو انتم .. حاسس بيكم .. وعارف مشاكلكم .. وهيحلها لانها مشاكله هو برضه ..

بس مش هينفع نشتغل لواحدنا .. لازم الكل يبقى معانا .. يشارك معانا .. ويحمسنا وينشطنا .. ويقول لينا برافو .. ويقول لينا لا كده مش مظبوط ..

فى افكار كتير فى دماغنا عاوزين نعملها .. ونحققها .. بس هى ليكم وبيكم .. فلازم تكونوا معانا ..

هنستناكم .. والاتصال هيكون بكذا طريقه .. ممكن فى مقر الاتحاد الجديد فى المبنى أ بجوار الشئون الهندسية ..
او على المنتدى هنا .. من خلال القسم ده .. او مراسلة اى احد من اعضاء الاتحاد او مراسلتى انا ..

او عن طريق ايميل الاتحاد ..

[email protected]

اخيرا .. الكليه امانه فى ايدينا جميعا .. ولازم الكل يعرف كده .. ويشتغل عشان يخلى كليته احسن كليه .. ومننساش كلنا ان مشروع الـ CIQAP مسؤليتنا كلنا .. وكلنا مسئولين عن اعتماد الكلية ..


أمين مساعد الاتحاد / محمد السلاب
أمين الاتحاد / أحمد جبر

[Alaa_Resala]

أنا متفائلة ومستبشرة خير بالاتحاد الجديد

بس خليكو قريبين من الطلبة ...حسسوهم انكو موجودين ومنهم فعلا زي ما بتقول

حاولوا تسمعولهم وتكونوا المرآة اللي بتعكس نبضهم ومشاكلهم لإدارة الكلية

بالتوفيق ان شاء الله

[EverLasting]

ربنا يكون فى عون الإتحاد لإستعادة ثقة الطلاب بيه ونتمنى فعلا نشوف تغيير فى شغل الإتحاد

[NonY]

ان شاء الله نشاطهم هيثبت صحة الكلام دا
و هنحس بالتغيير اكيد قريب : )
thx alot

[MaHoRa]

بص يا جوهري لو انا مكنتش اعرفك شخصيا هقول بصراحه نفس كلام كل مره ومفيش جديد

بس علشان انا عارفك انا مستني وشغلكوا هو الي هيثبت ان شاء الله وبالتوفيق واحنا معاكو

[ماهيتاب]

شدوا حيلكم ياشباب
ربنا يوفقكم

[Mohamed Al Gohary]

أنا متفائلة ومستبشرة خير بالاتحاد الجديد

بس خليكو قريبين من الطلبة ...حسسوهم انكو موجودين ومنهم فعلا زي ما بتقول

حاولوا تسمعولهم وتكونوا المرآة اللي بتعكس نبضهم ومشاكلهم لإدارة الكلية

بالتوفيق ان شاء الله

وان شاء الله التفاؤل والاستبشار ده يكون فى محله .. وهنكون قريبين من الطلبه على قد ما نقدر .. بس برضه دى مسؤليه مشتركه معاكم .. مسئولوا الأسر الطلابية ليهم دور كبير جدا فى ده ..

ربنا يكون فى عون الإتحاد لإستعادة ثقة الطلاب بيه ونتمنى فعلا نشوف تغيير فى شغل الإتحاد

ثقة الطلاب فينا انا واثق انها هتكون موجوده ان شاء الله وهتزيد مع كل نشاط هنعمله ..

ان شاء الله نشاطهم هيثبت صحة الكلام دا
و هنحس بالتغيير اكيد قريب : )
thx alot

إن شاء الله .. وهنثبت لكم فى نهاية العام ان التوبيك ده مكنش كلام وخلاص ..

بص يا جوهري لو انا مكنتش اعرفك شخصيا هقول بصراحه نفس كلام كل مره ومفيش جديد

بس علشان انا عارفك انا مستني وشغلكوا هو الي هيثبت ان شاء الله وبالتوفيق واحنا معاكو

مش عشانى انا لواحدى .. لان كل مجلس الاتحاد السنه دى ناس كلهم بتوع شغل .. مستحيل انى اكون بقول الكلام ده على اساس نفسى بس .. لانى مقدرش اعمل كل حاجه .. ولو انى برضه بشكرك جدا على ثقتك دى يا ماهر ..

شدوا حيلكم ياشباب
ربنا يوفقكم

شكرا على المرور ..

[monosh]

_أهم حاجة فعلا ان يكون فى ناس عايزة تشتغل بجد.....


_وده فعلا هيفرق جدا فى مستوى الكلية ومستقبلها الجاى ان شاء الله.

_ واحنا معاكم عشان نوصل .....احنا كمان عندنا أراء وأفكار وكله طبعا عشان كليتنا (صيدلة المنصورة)

_وربنا يوفق الجميع

[ro7aem]

rbna m3ako ba mwdo3 keda feh nebst 3'lt fena ya gohary bs rbna ysm7k w t3mlolna 7ag kwysa wana mtf2al b gabr w el slab 2wy

[Mohamed Al Gohary]

_أهم حاجة فعلا ان يكون فى ناس عايزة تشتغل بجد.....

_وده فعلا هيفرق جدا فى مستوى الكلية ومستقبلها الجاى ان شاء الله.

_ واحنا معاكم عشان نوصل .....احنا كمان عندنا أراء وأفكار وكله طبعا عشان كليتنا (صيدلة المنصورة)

_وربنا يوفق الجميع

ماهو الناس اللى عاوزين يشتغلوا دول هما انتم .. يللا يا جمعه نحط ايدينا فى ايدين بعض ونشتغل .. والاتحاد كله مش ممانه اى شغل يحصل بس نلاقى اهتمام ومشاركه ده هساعدنا جدا ..

rbna m3ako ba mwdo3 keda feh nebst 3'lt fena ya gohary bs rbna ysm7k w t3mlolna 7ag kwysa wana mtf2al b gabr w el slab 2wy

لا والله يا رحيم وانتم اشتغلتم السنه اللى فاتت وعملتم اللى عليكوا .. بس مشاركة الطلاب هى اللى مكنتش قد كده .. انا والله ما قصدى عليكم خالص انا عامل التوبيك ده عشان الناس تشارك وتاخد الموضوع بايجابيه .. وعلى فكره يا جماعه رحيم كان امين لجنة الاسر السنه اللى فاتت ودعا الى عقد اجتماع لمقررى الاسر ومحدش جه ..


وده اللى انا مش عاوزه السنه دى .. عاوز المشاركه والايجابيه من الناس كلهم ..

واكيد بشكر مجلس الاتحاد السابق بقيادة ابراهيم اسامه ومصطفى امين ومحمد رحيم وايهاب عبدالمعطى ومحمد سعد وغيرهم وغيرهم ..