ليه لأ!!!

[عبدالله عبدالرحمن]

ازيكم ياصيادلة
عاملين ايه
بتبيعوا ولا بتعملوا حاجة تانية
انا جايب لكم موضوع انا واثق انه مهم لينا
ومش عارف ازاى متنقش فى المنتدي قبل كده


ايه رأيك فى عودة الصيدلى لعمل الدواء فى صيدليته مجددا
انا سامع واحد بيشتم
اسمعنى بس لغايىة الأخر وبعد كده كسر الكمبيوتر لو انت عايز
انتشرت الشكوى من المرضى من عدم فاعلية الدواء فى الفترة الأخيرة
وخصوصا الأدوية التى تحتاج لأن تكون freshly prepared
مثل المراهم والكريمات وبعض المستحضرات الجلدية
تقريبا مبتديش مفعولها بالشكل المطلوب
طريقة التخزين عملية النقل من المصنع الى الصيدلية تسبب فى خسارة هذه الأدوية لمعظم فاعلييتها
يبقى ليه الصيدلى ميرجعش يشتغل الحاجات دى
انا عارف ان فى ادوية صعب انها تتعمل فى اى صيدلية
بس معظم المستحضرات الجلدية الصيدلى ممكن يعملها دون مجهود كبير
والمريض فى نفس الوقت لما يشعر بالفرق هيبدأ يتخلى عن الدواء الpre faprecated
ويبدا يتعامل مع منتج الصيدللى نفسه
الموضوع هيكون صعب وغالى شوية بس مع الأستمرار واتقان المستحضرات دى من فقبل الصيدلى
هيخليه يضرب عصفورين بحجر
الأول هيزود موارده لاالمادية بعد فترة من افتتاح خط الأنتاج نفسه
لأن المصنع بيقتطع من مكسبه جزء كبير جدا
ثانيا هيستعيد الأحترام المفقود ويبدأ يرتقى بالمهنة تانى ويحطها فى وضعها الصحيح
انا عارف ان فى صيدليات مازالت بتعمل تحضيرات بسيطة لبعض الأمراض
لكن مش بالحجم اللى انا قاصده
ياريت الأخ اللى كان بيشتم يكون فهم قصدى
قولوالى رأيكم
وان شاء الله نطلع برأى ايجابي

[m_pharmacist89]

اقتراح جميل جدا يا دكتور دارك لكن المشكلة للاسف تتمثل فينا نحن الصيادلة

لان اغلب الصيادلة بعد التخرج وبعد ما ربنا بيكرمه ويفتح صيدلية بيكون متحمس فى البداية للشغل وبعد فترة بيزهق فبيسيب الصيدلية لاى حد سواء كان صيدلى اخر يعمل عنده او مساعد صيدلى وبيدا الصيدلى صاحب الصيدلية يتحول لتاجر كل همه الصيدلية جابت كام النهاردة وهجيب نواقص بكام وهعمل خصم بنسبة ايه بل من الصيادلة حتى بعد ما بيفتح الصيدلية بيروحها بس اخر الليل يلم الايراد وكأنها قهوة

فالمشكلة فى الصيدلى نفسه لو حابب انه يرتقى بمستوى المهنة هيقدر لكن ده لن يأتى من فراغ لابد ان يهتم فى البداية بدراسته احنا للاسف فى كتير من زملائنا بيحضروا المعامل للغياب وبس لكن مش عشان يشتغل ولو حد من زملائه اتكلم معاه يقولك يا عم اخر الترم هروح لفلان واحضر العملى واخد ورقتين منه وانتهى الامر ويفضل مستمر على الوضع ده لغاية ما يتخرج وبعد كده تطلب منه انه يركب دوا حتى لو كان مرهم وهو اصلا ميعرفش يعنى ايه fatty base ولا absorption base ؟؟؟؟؟

فى النهاية احب اشكرك على موضوعك ده ومستنى باقى ارآء الزملاء ولى عودة مرة اخرى

[summer breeze]

انا محطتشي رايي في الاستفتاء لاني مش عارفه اختار ايه بس هقول اللي انا شايفاه كون ان الصيدلي يرجع يحضر الالدوا من تاني امر انا شخصيا برحب بيه بس الواقع اللي احنا عايشينه ان مش كل صيدلي يصلح لهذه المهمه كمان الموضوع فيه شق اقتصادي يعني ممكن واحد يقدر يحضر صح بس يسترخص ويجيب مواد مضروبه اضف الى ذلك ان الموضوع ممكن يفتح باب للحرب مع شركات الادويه اللي مبيعاتها هتتاثر لو الموضوع دا انتشر واخر حاجه انه فعلا مش كل الادويه تصلح للتصنيع في الصيدليه يعني الموضوع دا لو اتعمل هيبقى برضه في نطاق ضيق جدا جدا
شكرا يادكتور على الموضوع وفعلا فكره تستحق الوقوف امامها

[mano89]

ده موضوع يستحق التفكير بس هل ياترى حتتاوافر الموارد المالية.لو ده اتنفذ اكيد حيكون مكسب كبير

[wh_kaboo]

والله المفروض ان ده هوه الصح ولا ايه ؟؟؟
بس المشكلة فى المجتمع مش ممكن يتقبل الفكرة دى حتى لو اتقبلها هتلاقى مشاكل كتير التمويل المالى والدقة المطلوبة بس هتقبى احلى علشان التاثير الفعال للدواء على المرض هيبقى اكيد وان شاء الله نعيش ونشوف اللى هيحصل ؟؟؟؟

[Dr/HULK]

بالش ندمر صناعة الدواء فى مصر اكتر ماهى مدمرة

[lost*soul]

ياريت بجد والله

انا بحب التحضيرات اوى ويوم ما تيجى تحضرة الصيدليه بفرح بيها واسيب كل الى فايدى واروح اعملها او

اساعد الى هيعملها بحس انى بخرج برة دائرة البقالين شويه

ياريت بجد لو الاستفاء دة يلاقى نتيجه وترجع التحضيرات ع الاقل البسيطه بتاع زمان قابله للاضافه واحده واحده يعنى ويكون ف اهتمام بالصيدلى الخريج وتجديد معلوماته

[diamond]

انا اتمنى ان التحضيرات دي ترجع تتحضر في الصيدلية تاني
بس ياريت الناس ترجع تثق في الصيدلي تاني زي زمان
ومتقولش ان التركيبه بتاع المصنع ادق واحسن
على الاقل الواحد يحس انه بيطبق اللي اخده في الكليه عملي مش دراسه نظريه وخلاص

[Mohamed Al Gohary]

اتمنى ده .. شكرا على الموضوع

[عبدالله عبدالرحمن]

الف شكر لكل من رد على الموضوع
الحكاية كبيرة ياجماعة
ومش عادية
لازم نعرف ان احنا ومهنتنا على المحك
لازم نبدأ نتحرك
ونكون لوبى جهاز خاص بينا
عشان نطور المهنة
وننهض بيها
للأسف النقابة نايمة على ودنها
وشاغلة نفسها بأمور تانية
المهم خلينا نرجع للموضوع الأصلى
تقريبا كل الأراء اتفقت على ان الموضوع مهم
والكل ابدى رغبته فى تنفيذه
وتبقت عقبات
تمنع حدوث الموضوع بالسهولة المفروضة
وهى كما ذكرتم كالتالى
1-الموارد المالية(المشكلة التى تظهر كلما اقتربت من هذا الأمر)
2- خبرة الصيدلى وقدرته على القيام بمثل هذه المهمة
3-ثقة المواطن فى فاعلية التحضيرة الصيدلية
ايضا ذكر ان شركات الأدوية قد تحارب المنتج الصيدلى (ارى انها مشكلة مقدور عليها)

هنا مربط الفرس وموضع النقاش الحقيقى
الثلاث مشاكل اللى ذكرتهم
هما اللى هيوصلونا للنتيجة المرجوة
هترك لكم بداية المناقشة
وازاى نتغلب على المشكلات دى
وبعد كده هأقول رأيى
منتظر الردود