˚◦ღ♡♥ إذا تعددت الأقنعة... ما العلاج الذي يحطمها للأبد...؟؟؟!!! ஓ♥♡ღ◦˚°

[Dr nour]

(¯`·._.·سؤال يدور في رأسي؟؟·._.·°¯)

لماذا كل شخص له عدة وجوه أو بالأحرى عدةشخصيات ..
في البيت شخصية....
مع أمه وأبيه شخص...
مع أخوته وأخواته شخص..
مع زوجته شخص
مع أولاده شخص
مع الخادمة والسائق شخص

في العمل شخصية أخرى..
مع مديره شخص
مع زملاءه شخص
مع العمالة الأقل منه شخص

في الشارع شخصية ثالثة..
وهكـــــــــــــــــــذا.............
في كل مكان له شخصية مختلفة عن الأخرى
حتى مع نفسه شخص آخر.. يختلف عن كل الشخصيات السابقة

أتسأل في نفسي....... أين الخلل؟؟؟؟

ولا أجد إجابة سوى أننا بشر..
ولكل إنسان عيوبه...
قد يكون الخوف من مواجهة الآخرين سبب
أو قد يكون ضعف نفسه أو إيمانه...
أو قد يكون عدم قدرته في التواصل مع الآخرين
أو..
أو...
أو....
أو.....
و النتيجة واحدة..
تختلف الأسباب وتتعدد........ ولكن النتيجة واحدة...

لكــــــــــــــــــــــــــن....
السؤال الذي يدور في رأسي دائما والذي لم أجد له إجابة........
مــــــــــا الــــــــــــــــــــــــــــــعلاج...؟؟؟
إذا تعددت الأقنعة... ما العلاج الذي يحطمها للأبد...؟؟؟!!!

توجد مقولة كثيرا ما أقرأها:
[كلما رأيت وجها مبتسما..
سألت نفسي؟؟
أي دمعة..
أي حزن..
أي حكاية..
خلف هذا القناع...]

سؤالي
مــــــــــا الــــــــــــــــــــــــــــــعلاج...؟؟؟
فهل من جـــــــــــــــــــــــــــــــــــــواب!!!

===============================================



Gohary

[عبدالله عبدالرحمن]

مجددا اتشرف بأن اكون من اول من ردوا على موضوعك
بصراحة الموضوع غريب شوية
و فعلا الظاهرة دى موجودة فى مجتمعنا
ولكن مش كل الناس بأقنعة
ومش كلهم فى نفس الوقت انقياء وواضحين
وبما ان احنا صيادلة فالعلاج دائما يبدأ بمعرفة سبب المرض
لماذا يلجأ الناس لتغيير شخصياتهم من حين لأخر بل فى ثوان متعددة
انا نفسى اجده انه اسلوب دفاعى نفسى ينشأمن انسان ذو نفسية خائفة يشعر بالغربة
ويخشى ان ينتقد الناس شخصيه الأصلية أراءه واتجاهاته
فيعامل كل فئة بما يناسبها
وما يجعله متوافق معها
فرد الفعل خاصته ليس ثابتا ولكن يتغير بتغير الناس من حوله
حتى مع ثبوت الموقف
وهذا الأنسان يظن انه بذلك سيحافظ على مرتبته بين كل الناس ويحظى بحب كل الفئات

يعنى كل ما قام به الشخص ذو لقناع انه سار على مثل مشهور (اذا كنت فى روما فافعل كما يفعل الرومان)

اذا عرفنا السبب.........
طريقة التفكير هذه تنمى فى الشخص البعد عن المبادىء والقيم الثابتة
فطبيعته المتقلبة تمنعه من الثبات على موقف واحد

والعلاج يشمل مصلين
مصل للفرد
ويحتوى على المواد التالية
1-تنمية المبادىء فى الشخص منذ الصغر وتعليمه ان الثبات على الرأى والموقف السليم امر لا غنى عنه للشخص المحترم مهما كان هذا الرأى مغضب للغير او لا يتوافق مع رغباتهم(لا يخشى فى الحق لومة لائم)
2-الأعتراف بالحق فضيلةفالأنسان لا يمكن ان يبقى على صواب للأبد لذلك لا بأس من الأعتراف بالخظأ
لكن المشكلة ى الأصرار عليه

مصل للمجتمع
يجب على المجتمع ان يتقبل اراءه كل الأفراد وان يحترم وجهات النظر المختلفة دون ان ينصر رأى على اخر
حتى لو كان احد ألأراء يشكل أغلبية التفكير فأن هذا لا يعنى بالتبعية ان هذا الرأى هو الأصح
واحيانا يكون الرأى الضحل فى التأييد هو الأصح والأسلم

لذلك ارى ان المجتمع هو من صنع تلك الأقنعة وهو من عود ألأشخاص على الفرار وعدم الثبات على القيم والرأى
ان المجتمع ذو التيار الواحد مجتمع مصيره الغرق وراءالاف الأقنعة

لا تحبس اراءك ومشاعرك خلف جدران وأقنعة وفى نفس الوقت لا تطلقها فتصيب من حولك
كن ذكيا فى التعبير حتى لا تضطر يوما من الأيام ان تبقى خلف قناع طوال حياتك

اتمنى ان اكون عبرت عما اريد بدون قناع
واسف للأطالة
وشكرا على الموضوع فوق الرائع

[wh_kaboo]

شكرا نور على هذا الموضوع الحساس
هيا ظاهرة واضحة جدا فى مجتمعنا
وان كانت ظاهرة غير سلبية ....ده راى ....
الفرد بيعامل كل فئة على حسب الشخصية
يعنى التعامل مع الاباء بكل احترام وتقدير غير التعامل مع الصدقاء غير الاصحاب غير الزملاء
مثلا احنا كدكاترة لينا برستيج محدد ممكن نتخلى عن برستيجنا مع الاهل والاصدقاء بس مش مع كله يعنى مش مع فئة اقل مننا وده مش عيب ؟؟؟؟؟
ما فيش عيب ان الواحد يحافظ على شكله ومنظره وسط المجتمع انا عن نفسى عن تجربة فيه ناس لو اتمنظرت عليها تحترمك جدا مع انها شخصيات لا تطاق بس لازم انك تعمل كده علشان تحافظ على نفسك ...
مرة تانية شكرا على الموضوع

[dr/samr]

نور اعجابي بيكي بيزيد يوم عن يوم بجد..

التوبك فوق الرائع وموضوع فعلا كنت الفتره دي بساله لنفسي

ليه الناس بقت كلها باقنعه...حتي ولو صديق...ليه

وكلامك مظبوط ميه ميه ياد/دارك

فعلا دا ببقي نابع من الشخصيه... بس برده لو ركزنا اوي هنلاقيه موجود بس فالعالم العربي

كله بيحاول يلبس قناع حتي ولو قدام نفسه ولنفسه

والعلاج يشمل مصلين
مصل للفرد
ويحتوى على المواد التالية
1-تنمية المبادىء فى الشخص منذ الصغر وتعليمه ان الثبات على الرأى والموقف السليم امر لا غنى عنه للشخص المحترم مهما كان هذا الرأى مغضب للغير او لا يتوافق مع رغباتهم(لا يخشى فى الحق لومة لائم)
2-الأعتراف بالحق فضيلةفالأنسان لا يمكن ان يبقى على صواب للأبد لذلك لا بأس من الأعتراف بالخظأ
لكن المشكلة ى الأصرار عليه

احلي حلين...بس اصعب حلين فنفس الوقت...

لو دورنا حوالينا عمرنا ماهنلاقي حد يرضي ينفذ الحلين دول...

الرد هيكون .. انه يقول لنفسه طب وانا مالي ..طب وكرامتي.. يعني برده هيلبس القناع فاجابته

وحكايه تنميه المبادئ اكييد ممكنه ... بس صعب ان ناس اتربت علي كده اصلا يربوا اولادهم علي غير كده

الحكايه معقده فعلا ... واصعب حاجه يانور انهم مش قناع واحد...الاف مؤلفه

ولاسباب مجهوله ووهميه..وغير حقيقه

انا معاكي نور نفسي اوصل لحل جذري..وحلول د/دارك جميله جداا ويارب نقدر نعمل بيها

تسلمي نور حبيبتي ودومتي متالقه

[lost*soul]

نور حياتى حمدلله ع سلامتك نور المنتدى برجوعك

نور الى تحكى عنه اسم النفاق

علاجه انه ينضف قلبه شويه بالقران

انا النت بيعاكسنى مش عارفه ابعت ردى الكامل

كفايه الكلمتين دول لوقت اخر

[Dr nour]

أنا متشكره جدا لدكتور دارك يامى على مشاركته اللى بجد اضافت كتير للموضوع

ينشأمن انسان ذو نفسية خائفة يشعر بالغربة
ويخشى ان ينتقد الناس شخصيه الأصلية أراءه واتجاهاته
فيعامل كل فئة بما يناسبها
وما يجعله متوافق معها

كلام صحيح جدا أنا بتفق مع حضرتك فيه
بس من رأيى انه مبيتفقش مع كل الشخصيات بدليل انك تلاقى اصحاب سلطه معينه واللى بقصده هنا بالسلطه هى احتياج أفراد معينين ليهم
يعنى مثلا سائق التاكسى أو الميكروباص بتلاقيه يعامل اللى بيركب معاه معامله سيئه جدا لأنك محتاجله وخصوصا فى أزمه المواصلات اللى بنلاقيها اليومين دول وتلاقيهم بيعاملوك كأنهم بيتكرموا عليك لما تركب معاهم وغيرها من معامله سيئه جدا كلنا عارفنها لكن لو بقى أخذ مخالفه تلاقيه نازل يستعطف ويتذلل للضابط ياسبحان الله اللى يشوفه من دقايق فاتم ميشفهوش دلوقتى
وده مثال بسيط جدا ممكن تقيس عليه بقى أمثله كتير باختلاف الأشخاص والوظيفه والمكان
مثال تانى شخص تلاقيه محترم جدا وده من تعامله معاك ومن مظهره بس الاحترام ده مصطنع لأن الشخص المحترم ده زى مابنقول عليه تعالوا نشوفه بيعامل أهله ازاى أو زوجته أو أولاده
وغيرها من الأمثله بجد بتلاحظ ناس كتير تحس انهم متناقضين جدا فى تصرفاتهم بتلاقيهم بيظهروا بمظهر معين بأسلوب للتفكير معين وده مع أناس معينين وتلاقى نفس الشخص آه هو هو فى مكان تانى مع ناس تانين ليه رأى مختلف عن اللى قاله قبل كدا يمكن يكون موضوع معين بس آرائه تتلون وتتغير من جلسه لأخرى على حسبب الاشخاص وآرائهم وعلى حسب المصلحه اللى هيجنيها من رأيه ده
____________________
آه احنا منقدرش نعامل كل اللى حوالينا بنفس الأسلوب لأن كل شخص وله طريقه معينه فى التفكير واحنا بنتعامل مع كل شخص بالأسلوب اللى نعرف نتواصل معاه بس المفروض القيم والمبادئ والأفكار متتغيرش الأسلوب اللى بنوصل بيه فكرنا ممكن نغيره بس علشان نوصل فكر ورأئ واحد وثابت
_________________
وزى ماحضرتك قلت اننا لازم نتقبل الرأى الآخر نتقبله بجد مش مجرد كلمات بنقولها لأننا ساعات بنلبس أقنعه على نفسنا ساعات بنخدع نفسنا ومبنظهرش بصورتنا الحقيقيه حتى قدام أنفسنا وده شئ صعب جدا

كن ذكيا فى التعبير حتى لا تضطر يوما من الأيام ان تبقى خلف قناع طوال حياتك

بجد الجمله دى جميله جدا وليها معانى أجمل
بس اللى عايزه اعرفه ومش فاهماه

بصراحة الموضوع غريب شوية

ايه وجه الغرابه فى الموضوع من وجهه نظرك يادكتور
_____________________________----
وبجد متشكره جدا على رد حضرتك

[Dr nour]

ميرسى سمر على ردك الجميل ده وعلى مرورك اللى اسعدنى جدا

لو دورنا حوالينا عمرنا ماهنلاقي حد يرضي ينفذ الحلين دول...

الرد هيكون .. انه يقول لنفسه طب وانا مالي ..طب وكرامتي.. يعني برده هيلبس القناع فاجابته
وحكايه تنميه المبادئ اكييد ممكنه ... بس صعب ان ناس اتربت علي كده اصلا يربوا اولادهم علي غير كده

عندك حق سمر كلامك مظبوط صعب اننا نربى أولادنا على حاجه متربناش عليها
لأن فاقد الشئ لا يعطيه

____________________

نور حياتى حمدلله ع سلامتك نور المنتدى برجوعك

الله يسلمك زوزو والمنتدى منور بيكى وبكل الأعضاء الموجوده فيه

انا النت بيعاكسنى مش عارفه ابعت ردى الكامل

كفايه الكلمتين دول لوقت اخر

فى انتظار ردك زوزو متتأاخريش علينا

[Dr nour]

شكرا نور على هذا الموضوع الحساس
هيا ظاهرة واضحة جدا فى مجتمعنا
وان كانت ظاهرة غير سلبية ....ده راى ....
الفرد بيعامل كل فئة على حسب الشخصية
يعنى التعامل مع الاباء بكل احترام وتقدير غير التعامل مع الصدقاء غير الاصحاب غير الزملاء
مثلا احنا كدكاترة لينا برستيج محدد ممكن نتخلى عن برستيجنا مع الاهل والاصدقاء بس مش مع كله يعنى مش مع فئة اقل مننا وده مش عيب ؟؟؟؟؟
ما فيش عيب ان الواحد يحافظ على شكله ومنظره وسط المجتمع انا عن نفسى عن تجربة فيه ناس لو اتمنظرت عليها تحترمك جدا مع انها شخصيات لا تطاق بس لازم انك تعمل كده علشان تحافظ على نفسك ...
مرة تانية شكرا على الموضوع

أولا أحب اشكرك وليد على تواصلك والرد والتعبير عن وجهه نظرك
فعلا اللى ذكرته شئ صحيح كلنا بنعامل كل فئه على حسب الشخصيه واللى ذكرته شئ عادى كلنا بنعمله اكيد تعاملنا مع ابائنا غير تعاملنا مع أصحابنا وده مش اقنعه
اللى اقصده اننا بنتلون فى التفكير والتعير يعنى ممكن نكون وسط أصحانبا نوعظهم ببر الوالدين وأنا بعامل والدى بكل احترام وأكون امام اصحابى ياه انسان هادى مؤدب محترم متدين وأنا فى الأصل شخصيه مختلفه عن كل ده
يعنى ممكن أشوف واحد يعامل والده بأسلوب وحش جدا وأقعد أقول ربنا يهديه وأنصحه وانا بعمل أكتر منه فى والدى
ممكن أظهر قدام الناس شخص ملاك بتكلم بأسلوب مهذب محترم صوتى منخفض جدا علشان اللى يشوفنى يقول يااااااااه ايه الاحترام ده وأكون بهاجم الرجل اللى بيضرب زوجته وبدافع عن المرأه وانا فى البيت بعامل زوجتى أوحش معامله ممكن حد يتخيلها
ممكن أكون انسان متدين ظاهريا ملتحى وكل كلامى قال الله وقال الرسول واللى يشوفنى يقول يااااه ايه التدين الجميل ده بهاجم المتبرجين بهاجم لبس البنات الخليع بهاجم وبهاجم وبهاجم وده ظاهريا
تيجى تشوفوه فى بيته كانت بنته لابسه خمار قالها اقلعيه والبسى طرحه طويله اصل الخمار مكبرك وببعد الطرحه ماكانت طويله بقت قصيره وبعد اللبس الواسع بدء يضيق شويه شويه لحد لما الجيبه بقت بنطلون وبدل البلوزه بدى والميكب الصاخب
لما تلاقى الشخص ده متناقض بالطريقه دى وتلاقيه بيقول شئ وبيفعل شئ تانى خالص
تلاقيه بيظهر بصوره وهو عنده 100 صوره أخرى
تلاقيه يقول لازم أمشى على السنه ولازم أسمع كلام الرسول عليه الصلاه والسلام وأزوج ابنتى للرجل متدين ذو خلق وتلاقيه يرفض المتدين اللى صاحب الخلق علشان امكانياته الماديه (مع العلم انها تسمح فتح بيت)بس مهواش ثرى ثراء فاحش وتلاقيه يزوج ابنته لشخص بعيد كل البعد عن التدين شخص مدمن بس ثرى ثراء فاحش
________________
وبرضه مفيش عيب ان الواحد يحافظ على مظهره امام الآخرين .................بتفق معاك فى ده بس منظهرش بصوره مش صورتنا منظهرش بنمط للتفكير مش نمطنا ولا تفكيرنا
ماشى نحافظ على بريستجينا زى مابتقول بس مندس على اللى أقل مننا أو اللى محتاجلنا
منقلش احنا دكاتره ولازم نحافظ على المريض ولازم المريض يهمنا فى المقام الأول احنا مش تجار ومع كل كلامنا ده فعلا احنا تجار ممكن نبيع حبوب مخدره علشان المكسب
كنت تدرب فى صيدليه لدكتور متدين الناس بتحبه وبتحترمه وبيقولوا عليه كلام حلو قوى
ومع ذلك كان فى مريض واخد أدويه من الصيدليه ولسه باقى 4 جنيه من تمن الأدويه دى
والمريض اللى كان الدكتور عارفه قال للدكتور هبعتهملك بكره مع بنتى عارفين الدكتور عمل ايه رمى الفلوس فى وش المريض وقاله لما يكون معاك الفلوس تعالى خد الدوا اصلك مش هتموت يعنى لو مخدتش الدوا ده النهارده
4 جنيه عمل كل ده مع العلم ان الدكتور ده تانى يوم صرف أكتر من 300 جنيه فى شئ مستفدش منه بشئ
الدكتور اللى معروف بالخلق امام الناس بيبيع أدويه مخدره
_______________________
كل الشخصيات اللى اتكلمت عنها شخصيات واقعيه عاصرتها بنفسى
من وجهه نظركم دى مش اقنعه مختلفه لشخص واحد
دى مش اقنعه بنظهر بمظهر واحنا من جوانا شخصيه مختلفه خالص
_____________________
متأسفه انى طولت عليكم بس بجد جوايا حاجات كتير نفسى أقولها
وفى النهايه بشكر كل اللى شارك معايا برأيه

[عبدالله عبدالرحمن]

غرابته فى انه فلسفى قوى ومكنتش متوقع ان حد بيحاول يفكر فى الموضوعات دى بتمعن
بس انا فرحت لما شفته هنا فى المنتدى
عامة الف شكر على الموضوع مرة تانية
وكان نفسى الأعضاء يشاركوا فيه بقوة اكثر

[Mohamed Al Gohary]

على فكره مش شرط سبب التغير ده يكون نفاق او رياء .. او بشكل عام سبب وحش .. ممكن تكون دى فلسفة تعامل او ذكاء تعامل .. فيه ناس بتعامل كل شخصيه حسب شخصيتها هى بمعنى ان انا مثلا بقدر اعامل كل شخصيه على حسب الشخصيه اللى هى بتحبها ..

يعنى الشخص اللى قدامى ده بيحب الشخصيه الفلانيه انا بقدر اعرف صفات الشخصيه دى وابقى زييها ..

وشكرا نور على الموضوع الرائع ..