إستفتاء إدخال كراسى لسكاشن الكيمياء ومعامل المبانى الجديدة

[عامر إبراهيم]

السلام عليكم ورحمة الله وبركاته

إزيكم يا جماعة؟؟؟

بصراحة أنا من أحد المتضررين من حكاية إن مافيش كراسى فى سكاشن المبانى الجديدة

وموضوعى ده على كلامنا اللى فى الموضوع

همووت من التعب:
http://www.pharma-board.com/board/...ead.php?t=6821

ها رأيك إيه ???

[بنت مصر]

السلام عليكم
شكرا عامر على الاستفتاء بس يارب يجيب نتيجه لان كلنا اكيد عاوزين كراسى نقعد عليها فى المعمل وده من اقل حقوقنا كبشر بيتعبوا من كتر الوقفه وخصوصا مش طول المعمل بييقى شغل
والله احنا لما بتعب بيأثر على شغلنا ومش بنشتغل كويس
ولازم تكون الكراسى كافيه يعنى مش كل عشره طلبه كرسى ومش كل طالب برده كرسى يعنى يوفروا لينا اعداد مقبوله من الكراسى

[قناع الذهب]

لا طبعا ياريت يبقى فية كراسى لان الانسان المجهد او التعبان دا استحاله يركز فى الشرح اللى بيتشرحلة وبيكون الدكتور فى وادى وهو فى وادى تانى انو تعبان وعايز يقعد وعايز السكشن يخلص وكدة

[:HOPE:]

طبعا مفيش حد يرفض ان توضع كراسي في المعامل
لكن المشكلة احنا فعلا عملنا كده السنة الي فاتت ووضعنا بكل معمل عدد من الكراسي كتجربة لكن ظهرت مشكلة هي ان المسافات بين البنشات ضيقة وحركة الطلاب في معامل الكيمياء كتيرة بخلاف المعامل الاخرى فحدث نتيجة لذلك أن الكراسي كانت تعيق حركة الطلاب بشكل ملحوظ وتسبب كثير من الاصابات.
فيا ريت لو حد عنده أفكار لحل هذه المشكلة يقولها وان شاء الله ستنفذ

[بنت مصر]

معلش يادكتور بس المفروض فى عمل المعامل يراعوا المسافات دى ويوسعوها
وفعلا السنه اللى فاتت ظهر كرسى واحد لكل بنش يعنى كل8طلبه كرسى واحد وحضرتك بتقول انها عملت اعاقه للحركه ولاحظنا ان الكراسى بعد فتره بدأت تختفى
لو يادكتور الكليه مش وفرت كراسى للاسف هنعد على الارض مش بمزاجنا بس غصب عننا
والارض دى بيبقى واقع عليهاchemicalsوهدومنا بتتبهدل بس هنعمل ايه بنتعب بجد خالص
ولازم الكراسى تكون بعدد معقول زى ما قولت مش كل عشره كرسى علشان المشكله تتحل وشكرا

[Yearning]

شكرا على الاستفتاء انا كنت ناويه اعمله لكن يا ريت يجيب نتيجه

[Dr Deya]

انا راي معروف وزيه زي اي طالب جار عليه الزمن وحضر سكشن العضويه وخصوصا اني عملت استفتاء في الاكلام ده بس طلع مكرر والحمد لله ان طلع كده وده معناه ان مش لوحدي اللي عانيت وشكرا

[Alaa_Resala]

الموضوع فعلا مهم

انا من الناس اللي مش بحس بأهمية الكرسي لأني لما بحب أريح بريح على المنصة من تحت لأني قريبة منها دايما

لكن فعلا الناس بتبقى تعبانة طول اليوم غير شغل السكشن

ما بنبقاش قادرين نقف وفي النهاية الناس بتقعد على الأرض..منظر لا حضاري على الإطلاق ...بس هنعمل ايه؟؟

موضوع ان الكراسي بتعمل عائق للشغل

ممكن تتحط عند الشبابيك بحيث انها متعملش ازدحام في المكان على البنشات...ويكون عددها محدود نسبيا بحيث اننا نريح عليها بالتباوب وحسب شغل الطلبة

اللي سمعته من دكاترة المديسنال ان طلبة سنة رابعة السنة اللي فاتت قدموا طلب لوجود كراسي بالمعمل لأن المعمل مدته 5 ساعات و بالفعل تمت اجابة رغباتهم

[wh_kaboo]

ياريت فعلا دى هتبقى حاجة اكثر من ممتازة
ولو ما فيش فلوس ممكن يبيعوا جهاز من بتوع التشويش !!!!!

[wh_kaboo]

ياريت فعلا دى هتبقى حاجة اكثر من ممتازة
ولو ما فيش فلوس ممكن يبيعوا جهاز من بتوع التشويش !!!!!