همووووت من التعب(برجاء مشاركة من يستطيع من الطلبه وأعضاء هيئة التدريس

[Yearning]

النهارده كان أول سكشن عضوية ليا السنه دي كان من 2 : 6 بعد سكشن العقاقير
سكشن العقاقير للامانه مش متعب خصوصا وان في كراسي
يعني لما بنتعب من الوقفه ممكن نرتاح شويه
لكن سكشن العضويه وممكن نقول التحليليه كمان بجد متعب
يرضي مين إننا نفضل واقفين 4 ساعات
بجد ان كنت هموووووووووووت من التعب
ولنفرض اننا حرام نتعب باعتبار إننا اللي اخترنا اننا نكون طلبه في كلية الصيدله
احنا لما بنخلص sample بنحتاج نكتبها في الكتاب فيها إيه لو نكتب وإحنا قاعدين
انا لما جيت اكتب بصراحه قعدت على الارض قولت عادي جئنا من الأرض وإليها نعود ومش فكرت ان كده البرستيج هيطير
انا قولت يطير احسن ما اطير أنا
واحنا بجد صعبنا على المعيده بس زعقت وقالت لنا ممنوع تقعدوا ع الأرض ولما قولنا ليه مفيش كراسي زي باقي السكاشن قالت اطلبوا من العميد او وكيل الكليه
انا بجد نفسي الرغبه تبقى من جميع الطلاب وبجد عميد كليتنا معروف عنه انه متفاهم مع الطلاب
وياريت يلبي ندائي
وفي سؤال تاعبني بجد : لو كان الجلوس ممنوع في سكاشن الكيمياء ليه المعيدين بيقعدوا عادي
يمكن عشان احنا بنشتغل كتير لكن هما مش بيشتغلوا كتير زينا بس ده معناه اننا بنتعب اكتر يعني احنا كمان محتاجين نقعد
والرحمة حلوة ما احنا كمان بنكتب وقت طويل وكمان بنخلص بدري شويه أو شويتين يعني في وقت نرتاح فيه مش طول الوقت مع ال chemicals
ولو مش ممكن تجيبوا كراسي عشان ميزانية الكليه ياريت تسمحوا لنا نقعد في أي مكان ع الارض او ع البنش في وقت الكتابه انا عارفه ان ده تصرف غير حضاري بس مفيش كراسي عشان التصرف يبقى حضاري انا بحس اني ممكن افقد الوعي لو مش قعدت
ومش انا لوحدي اكتر زمايلنا حتى البنين بيقعدوا ع الأرض
ايه رأيكم
انتم معايا في طلب انهم يسمحوا لنا بالجلوس في اي مكان أو يجيبوا كراسي لو كان الجلوس ع الارض تصرف غير مقبول
يا ريت الكل يشارك - H

[Amira]

انا قعدت على الارض فى سكشنى وقولت لواحده واقفه لو الدكتوره جت قوليلى لانهم بيزعقو وبصراحه مكونتش قادره اقف على رجلى من التعب
انا معاكى يا ملك انهم يا اما يجيبوا كراسى او يسيبونا نقعد على الارض
اصل هم بيقعدوا على كراسى واحنا اللى بنقف

[قناع الذهب]

نفسى بس الايام تجرى كدة وتروحى تالتة وتفتكرى اولى وتقولى يااااااااااااااااااااااااه كانت ايام انا معاكى ان اللى بيحصل دا حرام ومحدش يقدر على كدة
انا النهاردة فى الشارع من 9 الصبح لحد 7ونص بليل فدة ابلغ رد على موضوعك
ربنا يعينك ويعيننا

[Mohamed Al Gohary]

اطمنى السنه الجايه هيتبدلوا .. العقاقير هتبقى خمس ساعات .. والعضوية ساعتين ونص ..

[zebina]

لو عايزة نصيحة : الكلية مش هتعملك حاجة ولما تتعبي شوفي اى كرسي ولو ملقتيش اقعدي على الارض ولو محبتيش قوللى للمعيد اللى عليكي هنزل اصلى او هجيب فلسك عشان اتكسر منى وانزل اقعدى وروحي السنتر كمان ولما يجيلك مزاج تطلعي السكشن اطلعي وخدي الغياب

[قناع الذهب]

لو عايزة نصيحة : الكلية مش هتعملك حاجة ولما تتعبي شوفي اى كرسي ولو ملقتيش اقعدي على الارض ولو محبتيش قوللى للمعيد اللى عليكي هنزل اصلى او هجيب فلسك عشان اتكسر منى وانزل اقعدى وروحي السنتر كمان ولما يجيلك مزاج تطلعي السكشن اطلعي وخدي الغياب

ياسلااااااااااااااااااااااام هوا دا الكلام والله برافو عليكى

[Yearning]

يا نهااااااااااااااار ملوش لون يعني حتى السكشن اللي حبيته هيطول بعد كده شكرا للجميع على المشاركه

[بنت مصر]

السلام عليكم
ازيك مللك بجد موضوعك مهم انا فاكره السنه اللى فاتت اما صعبنا عليهم جابوا تقريبا كرسى لكل بنش فى المعمل يعنى كرسى واحد ل8طلبه واللى يلحق
قولنا ارحم من الوقفه وكنا بنقعد عليه بالتبادل وممكن حد يخده لوحده بس بعد فتره الكرسى اختفى فى ظروف غامضه والمطلوب الوقوف طول السكشن ازاى
طبعا لازم نقعد على الارض ولا مظهر حضارى ولا بتاع يعنى لما يغمى على وابقى على الارض هيبقى مظهر حضارى او مظهر ادمى
ان شاء الله هيسمحولكم تقعدوا على الارض انا عن نفسى مش بستحمل الوقفه كتير فلازم اقعد من وقت للتانى خصوصا ان المعمل مش بيبقى كله شغل
بس بقى لو يحسوا بينا ويجيبوا كراسى يبقى ياسلام كتر خيرهم والله مش لازم كل واحد كرسى بس حاجه نريح عليها ده احنا برده بنبقى تعبانين وهلاكنين

وشكرا ملك لطرحك الموضوع

[عبدالله عبدالرحمن]

والله انا عن نفسى عمرى ما قعدت على الأرض
على الرغم ان انا كنت بموت من الوقفة
وبرضه عمرى ما قعدت على بنش
لأنى شايف ان ده غلط وبحس ان بعد ما قعد على الأرض
حد هيفتح ايدى ويدينى حاجة لله (ممكن sample)ولا حاجة
مينفعش نعمل كده ياجماعة
لكن فى نفس الوقت ممكن نعمل عريضة هنا فى المنتدى والكل يوقع عليها باسمه ورقمه
نطالب بوجود كراسى يعنى مثلا كل بنش 3كراسى هيبقى حلو قوى
عشان فى طلبة ممكن ماهيصدقوا يلاقو ا كراسى هيلزقوا ومش هيشتغلوا حاجة
ومع بعض كل محد يتعب يبدل مع التانى
وده أضعف الأيمان
وانا عن نفسى لما كنت ببقلى خلاص تعبان
كنت بقعد على كرسى المعيد ههههه
لغية مايجى طبعا
ربنا يعنا كلنا

[Yearning]

لو عايزة نصيحة : الكلية مش هتعملك حاجة ولما تتعبي شوفي اى كرسي ولو ملقتيش اقعدي على الارض ولو محبتيش قوللى للمعيد اللى عليكي هنزل اصلى او هجيب فلسك عشان اتكسر منى وانزل اقعدى وروحي السنتر كمان ولما يجيلك مزاج تطلعي السكشن اطلعي وخدي الغياب

انا عارفه اني ممكن اعمل كده وكتير بيعملوا كده بس انامحبيتش اتصرف كدهعلى الاقل لان كده هيفوتني حاجات وكمان حسيت ان اللي انا بطلبه حق جميع الطلبه
شكرا ع المشاركه
عموما لو مفيش حل اكيد هعمل كده