فكرة بفكر فيها ياترى ايه رأيكم فيها 2؟؟؟؟؟؟؟

[dr/noony]

السلام عليكم ورحمة الله وبركاته
بسم الله والصلاة والسلام على رسول الله
طبعا كلنا بنعانى من طول اليوم الدراسى
وبعد اليوم الطويل ده لا بنلاقى وقت نذاكر ولا حتى نرفه عن نفسنا
يدوب نروح نصلى ونأكل وكلمتين على الطاير ونام عشان نبدأ رحلة تانية فى اليوم اللى بعده
طب ايه الحل ؟؟؟؟؟؟؟؟؟؟
نعمل سكاشن كل يوم زى ما البعض بيقترح (مع احترامى الشديد ليهم)؟؟؟؟؟؟؟؟
ويبقى كأنك يأبو زيد ماغزيت
ولا ايه بالظبط؟؟؟؟؟؟؟؟؟؟؟؟؟
الفكرة اللى عندى كالتالى
اننا نلغى المحاضرات يعنى نعملها self education على رأى
د/عطا الله يعنى كل دكتور يدخلنا اول يوم او فى اول اسبوع
فى السنة ويدينا الافكار اللى بيدور حولها المنهج
واحنا نذاكر من الكتب(بس كتب كتب مش زى بعض الموجوده دلوقتى)
اللى بتنزل ولو فى حاجة مش فهمينها
يبقى فيه اسبوع من كل شهر فيه محاضرات بس
نسميه اسبوع المناقشة الحرة بين الطلبة والدكاترة يكون فى صورة اسئلة
من الطلبة للدكاترة والعكس على النقاط الصعبة
والمعيدين فى السكاشن بردوا يساعدونا لو فى حاجة مش فهمينها
وباقى الشهر يكون عبارة عن سكاشن بس
اعتقد ان بكده اليوم الدراسى هيبقى قصير ونوفر على نفسنا الوقت
ونستثمره فى المذاكرة والترفيه والشغل كمان لو حبينا
كلنا عارفين ان معظم الطلبة فى اوروبا بيدرسوا وبيشتغلوا فى نفس الوقت
ياريت تقولولى رأيكم فى الفكرة دى

[جمال الشافعي]

لو الكتب تتعدل بما يناسب طرق مذاكرتنا ومدي فهمنا واستيعابنا فانا من المؤيدين لفكرتك بس ما اعتقدش ان النظام دة هيتطبق في كليتنا بالذات

[بنت مصر]

انت مشكوره انك فكرتى فى فكره تريحنا
بس النظام ده صعب انه يطبق ليه بقى؟
فى ناس لازم تحضر المحاضرات وتسمع الدكتور علشان تستوعب الماده انا بشوف ناس لو محضرتش المحاضره صعب اوى تستوعبها
وكده ممكن نسيب الماده لحد يوم الامتحان من غير ما نفتحها او ممكن نطلع عليها كل فتره
كده ممكن مانفهمش اسلوب الدكتور واسلوب اسئلته
الدكاتره اساسا بيقولوا حاجات تفيدنا خارج المنهج واكيد بنستفيد من خبرتهم الكليه مش معلومات وبس
احنا كده ممكن نبعد عن الحياه الجامعيه اللى المفروض نعيشها
طبعا انا مؤيداكى فى حكايه اننا بنقضى اليوم ف محاضرات وسكاشن ومش بنلحق نعمل حاجه فى باقى اليوم بس هنعمل ايه
شكرا على طرحك للموضوع

[NonY]

حلوة الفكرة الجنونية دى
بس الأفكار اللى من النوع دا
مش سهل تحقيقها
لأنها تغيير و دمار شامل لكل اللى احنا ماشيين عليه حاليا
و دا معناه ان دراسة الفكرة دى هياخد وقت طويل
لأنه هيؤدى لتغيير حاجات كتير اوى

و كمان صعب ان كل الأطراف توافق عليها
و حتى لو الفكرة اتوافق عليها
أكيد هتتحقق بعد ما نكون اتخرجنا

:d

[dr/noony]

انا بشكركم جداااااااااااااااااااااااااااا على الردود
انا بقول لو الفكرة تتطبق بس بشروط
1-ان الكتاب يبقى فيه معلومات وافية (ممكن يكون ده صعب حاليا)لكن بالتطور المستمر هنوصل
وفى رأى مش مستحيل يعنى نوصل لكتاب يرضى جميع الاطراف
2- بالنسبة للناس اللى متعلقة بالمحاضرات انا مقلتش نلغى المحاضرات خالص
انا قلت ان هيبقى فيه اسبوع فيه محاضرات مناقشة حرة وكمان نقدر نستفيد من الدكاترة
انتو ناسين ان لينا منتدى والدكاترة ليهم ماكتب نقدر نزورهم فيها ونكلمهم على المنتدى
وكمان المعلومات دلوقتى متاحة من خلال وسائل كتيييييييييير منها النت اللى بقى
جزء من حياتنا
3-بالنسبة لحكاية اننا نسيب المنهج من غير مذاكرة لقبل الامتحان
طيب ما احنا بنعمل كده فعلا وحجتنا ان مفيش وقت ولولا الشيتات اللى فى النصف مش
هنذاكر ولا ايه ؟؟؟؟؟؟؟؟؟
وممكن عشان نتخلص من الحكاية دى نزود الشيتات فى السكاشن يعنى كل اسبوع شيت
فى جزء يتحدد كل سكشن
4- أخر حاجة عاوزة اقولها اننا عمرنا ماهننسى معلومة احنا اللى حصلنها وفهمناها لنفسنا
هى الفكرة فعلا مجنونة بس دكتور عطا الله علمنا حاجة ليه ديما عاوزين نمشى على المألوف
وبنخاف نخرج عنه بنخاف نفكر فى الجديد

[sa3dany20002002]

ma3lesh 3andy moshkela fel windows
mabektebsh 3araby

ana men ansar fekret saydala entesab

hanshof el fekra de
bas ba3d ma satab windows
salam

[summer breeze]

ازيك يانوني دايما افكارك مجنونه كده بصي ياستي الفكره دي انا بقى مش متفقه معاها خالص لان لازم يكون في محاضرات ويكون في دايركت كونتاكت مع الدكتور لان الدكتور مش بس محاضر لا هو حد خبرته اكبر منا كتير بيفيدنا من خبرته بيحكيلنا عن تجربه عاشها يعني مثلا دكتور حسن الراضي كنت بموت في محاضرته كلها قصص واحداث وقبض ع المجرمين كانت متعه بصراحه وقيسي على ذلك اما حكايه محاضره واحده دي عمرها ماهتوفر قدر كافي من الكمينيكاشن والكونتاكت بين الطالب والمحاضر لانها هتبقى محاضره لعدد كبير قوي وهيبقى صعب ان كل واحد عنده نقطه عاوز يستفسر فيها يسال لانها كده هتبقى محاضره لمده 10 ساعات ولا حاجه
دا رايي بصراحه بس الفكره جديده

[sa3dany20002002]

شفتوا الدكتورة ماجدة قالت ايه انهاردة الطلبة اللى فى اكلينيكال بيذاكروا من text book
يعنى نظام زمان اللى كنا بنسمع عنه ان الدكتور يديك الافكار وانت والtext book وهواك
طب مش الفكرة دى احسن بردو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعنى الناس دى احسن مننا فى ايه
طب يا جماعه كليتنا فى مرحله انتقاليه
والى عنده فكر للتقدم يتفضل بيه

والى كنا بنسمع عنه
جت لنا الفرصه اننا نحققه

[sa3dany20002002]

لو سمحتوا يا شباب
وانتوا كمان يا بنات

هنحاول مع بعض نحل المشاكل دى
بس حاجه حاجه
نحدد مشكله واحده
ونركز فى حلها

انا بدات بمشكله الدواليب
الموضوع هنا

http://www.pharma-board.com/board/...ead.php?t=6753
ياريت الكل يشارك

[dr/noony]

حلو اللقب ده......................صيدلة انتساب
وربنا يشفيلك الويندوز
منتظرة المزيد من الاراء