الكساد الاقتصادي العالمي

[drsherbiny]

الكساد الاقتصادي

طبعا كلنا سامعين وشايفين اللي بيحصل في الدنيا واللي مسمعش يفتح الجزيرة ويتفرج علي بيحصل

افلاس بنوك كبيرة في سويسرا وامريكا والليابان وروسيا وازمة ماليه كبيرة جدا


رئيس صندوق النقد الدولي توقع حدوث كساد اقتصادي كبير

مصر خسرت تمانين مليار دولار في البورصه

سعر البرميل بتاع البترول وصل لتمنين دولار بس بعد اما كان فوق الميه


بعد كل ده

رايك ايه في اللي بيحصل ؟؟؟؟؟

هل انته مهتم اساسا بالاقتصاد واخباره

يا تري سبب ده ايه ؟؟


هل ممكن تقلق من حاجة زي دي ولا مش في بالك ؟

ممكن كل واحد يقول رايه ايه في اللي بيحصل ده ؟؟؟؟؟؟

[قناع الذهب]

رايك ايه في اللي بيحصل ؟؟؟؟؟
والله يا دكتور اللى بيحصل دا وضع طبيعى جدا لان مفيش حد بيفضل على طول على القمة لازم يوم كدة ويوم كدة وانا بيتهيالى ان دى لعبة للفت الانظار كالعادة زى ما امريكا معودانا علطول ولو ان دا احتمال بعيد وحتى لو كانت حقيقية يبقى ربنا يستر علينا

هل انته مهتم اساسا بالاقتصاد واخباره ؟
الحقيقة لا انا عرفت الموضوع دا بالصدفة من التليفزيون اول امبارح بس

يا تري سبب ده ايه ؟؟
انا فى رايى انتقام من ربنا منهم بس الله اعلم الخساير من ورا الموضوع دا هتضرنا لحد فين كمان خصوصا ان كل الناس هتستغل الموضوع دا من الكبير للصغير كالعادة


هل ممكن تقلق من حاجة زي دي ولا مش في بالك ؟
لا هوا اكيد الموضوع دا هياثر على مصر وهياثر علينا وبكرة الموضوع يتضح اكتر والدول العربية كمان هتتاثر مش مصر بس

ممكن كل واحد يقول رايه ايه في اللي بيحصل ده ؟؟؟؟؟
موضوع مفيد وحلو

[Mohamed Al Gohary]

الحقيقه ان مش بفهم اوى فى الاقتصاد والبورصه بس عارف ان فيه كساد اقتصادى فى العالم كله ...

ربنا يستر

[drsherbiny]

قناع الذهب شكرا لردك بس عاوز ااقولك ان مش امريكا لواحدها ده كل العالم

[عبدالله عبدالرحمن]

وجهة نظرى المتواضعة ان موجة الكساد الأقتصادى دى نتيجة طبيعية ومتوقعة فى ظل سياسة بقاء الكيان الأقوى واستمرار التعاملات الربوية(الربا) لأن الله يمحق الربا مهما وصل لميارات المليارات
ولو نظرنا نظرة متعمقة هنلاقى ان فى ناس استفادوا كتير من الأزمة دى (زى مانتوا شايفين الحكومات من اوائل المستفدين بعد نجاح بعض حكومات اوروبا فى تأميم بنوك وحزم نقدية ذات قوة شرائية بقيمة عالية بأسعار متواضعة) ده سبب عام لكن السبب الخاص محتاج خبير اقتصادى

ثانيا :انا بعشق الأقتصاد ومن متابعيه كلما سنحت لى الفرصة

وبالنسبة للقلق :فانا قلقان فعلا لأنى مش عارف ان كانت الأزمة الأقتصادية دى هتأثر على سعر الدواء المستورد وسعر الدواء بشكل عام
والناس مش ناقصة زيادة اسعار
على الرغم ان كل المؤشرات كانت بتقول ان انخفاض سعر النفط والدولار سوف يؤدى الى انخفاض فى السلع الأساسية فى مصر الا ان ده محصلش مش عارف ليه
ويظهر ان الحاجة اللى بتعلى فى مصر عمرها ما بتنخفض

وفعلا ربنا يستر لأن دول كبيرة وذات اقتصاد راسخ زى اليابان قلقانة يبقل احنا ياللى اقتصادنا بيقول ياهادى
هنعمل ايه؟؟؟؟!!!!!
شكرا للموضوع الحيوى

[Amira]

انا مليش اوى فى حكايه الاقتصاد دى بس سمعت ان فى كساد اقتصادى فى امريكا علشان كده العقارات والمبانى والشقق رخصت فى مصر
بس بردو انا مش فاهمه اى حاجه فى الموضوع ده

[قناع الذهب]

انا مليش اوى فى حكايه الاقتصاد دى بس سمعت ان فى كساد اقتصادى فى امريكا علشان كده العقارات والمبانى والشقق رخصت فى مصر
بس بردو انا مش فاهمه اى حاجه فى الموضوع ده

رخصت مين يا بنتى ممكن تكون هترخص لكن رخصت لالالالالالالالالالالالالالا
اسالى اللى بيدور على شقة دلوقتى
ربنا يستر معانا بقة

[آيه محمد]

والله الموضوع مش يفرق كتير لاننا كشعب مصري بنعاني من الكساد الاقتصادي الداخلي من فتره طويله
فالموضوع مش هيأثر علينا
وبعدين ان شاء الله فتره والدنيا هترجع زي ما كانت
لان هو ده حال الدنيا والناس
تحياتي

[wh_kaboo]

ما تخافوش يا جماعة احنا مش هنتاثر بالكلام ده علشان احنا مش عايشين مع الناس دول واكبر دليل على كده ان الفترة اللى فاتت من عمر مصر والكساد والغلاء كان السبب انهيار الاتحاد السوفيتى
ههههههههه
حاجة غريبة بنتأثر بالحاجة بعد 20 او 30 سنة
ما تخافوش
اقتصادنا حديد ( على لسان رئيس الوزراء والوزراء المعنين)

[mano89]

انا شيفا ان دى حاجة طبعية .مفيش حاجة بدوم على حالها.وكل واحد ولوه يوم.وده اكيد اتقام من الله عز وجل .من كل طفل فلسطيني مات يكون بس سبب ان ربنا يخسف بيهم.ولازم كل واحد يكون مهتم باخبار الغيير علشان يفهم الدنيا مشيا ازاى.وده .ياثر علينا ازاى .ليه هيا الدنيا لسا حتخرب؟