مفاجأه صيدلى المستقبل لاعدادى السنه دى

[dr_Eucalyptus]

أسرة صيدلى المستقبل ترحب بكم في كلية الصيدلة

دخلت كلية الصيدلة

ألف مبروك

تايه في الكلية و محتار و مش عارف تعمل إيه

المواد صعبة و تقيله تحليلية لا عقاقير و بيقولوا لا دا كمان فيه فيزياء و الترم التانى كمان عضوية
طب هعمل ايه
صيدلى المستقبل لقييت لك الحل
كلمتلك دكاتره من كل الأقسام هيقولوا لك المواد فيها ايه و لزمتها ايه و تتذاكر ازاى
*********
معادنا يوم الأربعاء 8/10

مدرج الفرقة الإعدادية الساعة2

هيكون معانا

د/منال عيد
م.م/باهر زاهر
م/أحمد عبد العزيز
من خلال محاضرة

(اعرف كليتك....... و ابدأ مستقبلك)

مع تمنيات أسرة صيدلى المستقبل للجميع بالنجاح و التفوق

رائد الأسرة:أ.د/ماجدة الشربينى

وكيل الكلية لشئون خدمة المجتمع و تنمية البيئة

هنستناكو اوعو ماتجوش..........

وده يا جماعه مش لاعدادى بس اللى فى اى فرقه ومش عارف ....ازاى يذاكر يحضر وان شاء الله هيستفيد ....

[WhiteBird]

مجهود مميز..جزاكم الله خيرا..

[dr_Eucalyptus]

شكـــــــــــــــرا whitebird على المرور

ومستنينك ان شاء الله

[dr queen]

ربنا يوفقكم ان شاء الله ،
وان شاء الله هتبقى ندوة جامده جدااااااا بالضيوف الهايلين
د/ منال ،
د/ باهر ،
د/ أحمد ..

بس احنا عندنا محاضرة عقاقير يارب تخلص بدرى عشان نحضر الندوة من أولها ..

و بالتــــــــــــــــــــــوفيــــــــــــــــــــق ان شاء الله ..

[dr_Eucalyptus]

شكــــــــــــــــــرا dr queen على المرور
وان شاء الله المحاضرة تخلص بدرى ........
وتحضرى معانا..... هتنورينا اكيد .
مستنياكى....... اوعى ماتجيش.

[Alaa_Resala]

بالتوفيق ان شاء الله
وجزاكم الله كل خير

[Dr.Mohamed]

جزاكم الله خيرا

[dr queen]

السلام عليكم ..
أنا حبيت بس أشكركم ع المحاضرة الجميله دى ،
وعلى كلام الدكاترة اللى أثر فينا جدا
وخصوصا كلام د/ منال ، ود/ باهر عن العلاقه بينا وبين الدكاترة ازاى نحسنها ،
وازاى نحاول نستفيد من المحاضرة ومن الدكاترة فى الكليه على قد ما نقدر ..

بصراحه انا بعد المحاضرة علاطول كنت رايحه أخد كورس ولاول مرة فى حياتى الجامعيه أعمل كده
وأنا كنت حاسه ان ده غلط وخصوصا بعد الهجوم والرفض من الدكاترة ومن الطلبه وأنا منهم على الدروس الخصوصيه ،
بس للأسف كنت حاسه ان مافيش حل غير كده ..
لكن بعد كلام الدكاترة فى المحاضرة دى شاورت عقلى انا واصحابى وقررنا اننا ما نأخدش كورسات .. والحمد لله .


ومن الحاجات اللى أثرت فيا جدا من كلام د/ منال وهى بتقول اننا بنخطأ فى حق المحاضر كتير
سواء كان بالعدد القليل للحضور واللى بيأثر ع الدكاترة فعلا ،
وحاجة تانيه وهى لما نيجى مثلا نمتحن شفوى ولا رايحين نسأل الدكتور فى حاجة
ونأخد معانا الورق اللى احنا شاريينه من المكتبات
( يعنى فعلا المفروض من الزوق حاجة زى كده ما نأخدهاش معانا للدكتور ) ..


ومن الحاجات اللى أثرت فيا برضو
كلام الدكاترة عن علاقة الطلبه ببعضهم
يعنى د/ منال قالت على أيامها كان طالب متفوق فى مادة او حاجة معينه كان بيساعد زملائه فيها وهكذا ،
ود / محمد الحسينى ذكر لنا الحكايه دى عنه قبل كده ،

احنا فعلا مفتقدين روح التعاون اللى كانت موجودة دى ،
لذلك بنروح ندور عليها بره سواء كان فى الورق اللى بنشتريه ولا الكورسات ..


معلش أنا طولت عليكم قوى ،
بس انا عارفه ان العدد كان قليل عشان الاعلان اتاخر وحبيت اوضح بعض اللى اتقال فى المحاضرة ..

وشكـــــــرا ..

[lost*soul]

ربنا يوفقهم ويقويهم وقدرو يخلصو

[dr_Eucalyptus]

شكــــــــــــــــــــرا
Alaa_Resala
Dr.Mohamed
lost*soul
على المرور ..و كنا نتمنى انكم تكونو معانا.



شكــــــــــــــــرا dr queen على الكلام الحلو ده ........ والأهم فعلا انك تكونى استفدى.
وبشكرك مرة تانيه على اهتمامك بنقل تفاصيل الموضوع لأصحابنا على المنتدى للافاده .....
جـــــــــزاك الله خيرا.