استفتاء ورقى فى المعامل .. المشاركة مهمه جدا

[Mohamed Al Gohary]

السلام عليكم ورحمة الله وبركاته

يتم الان عمل استبيان فى معامل الطلاب حول اسباب استشراء الدروس الخصوصية .. أرجو من الجميع المشاركه فيه بإيجابيه .. لأن نتائجه سيتم أخذها والاهتمام بها من قبل إدارة الكليه ..

وتم عمله اليوم فى سكاشن الميكرو .. لطلبة الفرقة الثانيه وتم أخذه بجدية ..

ويمكن للطالب ان لا يذكر اسمه .. ولا اى شىء يدل على شخصه .. المهم ان يبدى رايه بصراحه فى الاسئله الموجه اليه فى الورقه ..

وهذه صورة للنموذج

والله الموفق ..

[dr/samr]

ياريت فعلا كانت حاجه زي دي تحصل من زمان...
اكيد ان شاء الله هقول رايي وبكل صراحه ..بس يدوني الاستبيان دا بس..
شكرا د/جوهري ع التنويه... وقولوا رايكوا بصراحه ياجماعه..حتي ولو بيكون بالاسامي
لانهم مدام عملوا استبيان يبقي عايزين راينا... ومعتقدش انه حتي لو بالاسامي هيبقي فيها ضرر بالعكس...
اهو الواحد بيحاول يساعد الاجيال الجايه باي حاجه.. مش هلحق استفيد بيها فحاجه...

[:HOPE:]

شكرا د. Gohary على الموضوع وياريت فعلا الكل يقول رأيه بصراحه
وأحب أقول لكل طالب: ياريت تاخد الموضوع بجد لأن
رأيك شهادة
تحاسب عليها

[lost*soul]

ياخسارة الكليخ بدات تتحسن لما انا بتها

مرسى محمد ع التنيه تسلم الايادى

[queen]

شكرا دكتور محمد على التنيه وان شاء الله هقول رايى فى السكشن الاسبوع الجاى

[Mohamed Al Gohary]

على فكره انا كتبت اسمى فى الاستبيان .. لكن مش دى القضيه القضية الاهم اننا نهتم وناخد الموضوع بجدية فعلا ..

[Pharmcist_girl]

ان شاء الله هقول رايى بصراحه حتى لو الكليه هتتحسن بعد ما نخلص هتبقى برضه اثر كويس لينا

[M.elsa3ed]

والاستبيان ده هيبقى فى كل السكاشن ولا سكاشن معينه بس لانى بجد عاوز اقول رايى فى الموضوع ده

[:HOPE:]

والاستبيان ده هيبقى فى كل السكاشن ولا سكاشن معينه بس لانى بجد عاوز اقول رايى فى الموضوع ده

ان شاء الله الاستبيان هيعدي على جميع طلبة الكلية من الفرقة الأولى حتى الرابعة
وسيكون في أحد المعامل خلال هذا الأسبوع أو الأسبوع القادم

[Pharmcist_girl]

ان شاء الله هنقول رايناااااااااااااااااااا بكل صراحه