هل كلمه اسف تمحى الجروح
في هذه الحياه ومع احداث العصر وتجمد المشاعر
احيانا نتعرض لمواقف مؤلمه
ومن اعز الناس وهذه المواقف
تكون بمثابه الجرح
الذي كلما تذكرت هذا الموقف تالمت من جديد
ولكن ؟؟؟؟
حينما يأتي هذا الانسان العزيز الغالي
ومن تسبب بجراحك بندم وحرقه ولهفه من
اجلك . وتحس بمصداقية مشاعره
لكنه سبب ما يكفي من الالم النفسي
حينها يكون هنا السؤال
هل كلمة اَسف تمحي الجرح ؟؟؟؟
مستنيه ارائكم وردودكم
،
معايا اها بتكفى
انا عصبيه وبزعل بسرعه بس حتى بدون اسف بروق لوحدى وانسى
مش هنقف ع غلطه احنا ادميين بالاول ولاخير مش خلقانين لخناق وزعل بس ده لو حصل احلى لو نتصافى
بسرعه
انا ببان اني عادي وخلاص مش زعلانه بس انا عقلي صغير او حساسه او من الآخر قلبي اسود مش بقدر انسي اي جرح حتي لو من حد قريب مني اوي
اعتقد على حسب درجة الجرح فى جروح ممكن تتعالج بتطهيرها بس هى دى اللى اسف ممكن تمحيها
وفى جروح مالهاش حل غير الخياطة ودى بنسبها للزمن
اما فى جروح بيكون حلها الوحيد البتر
أنا جرحى عايز الحرق
منه لله اللى كان السبب
ربنا مابيضيعش حق حد
مهما كان الجرح
صدق ا_ عمرو خالد لاما قال مش غلطه واحده تنهى انسان ف حياتك ولازم نتسامح
كلمه اسف دي بالنسبالي كلمه كبيره اووي اووي ولو الغلطه بجد تمحي جرحها كلمه الاسف يبقي طبعا اغفر واسامح انما في جرووح منقدرش نقول فيها اصلا كلمه الاسف دي...لانها بتبقي اكبر من الاسف.. وساعتها محيش اني اسمع الكلمه دي لاني اصلا مش هفكر اني اسامح...
يعني علي حسب الغلطه...
تسلمي يا هبه توبك هايلوعرض لفكره تجنن بجد
وقلبتي المواجع ياقمر
انا رأيى من رأى د/lost*soul
فعلا غلطه مش هتنهى كل شئ لازم يكون ف تسامح عشان يبقى فيه خير
و كلمه اسف كفايه مادام بصدق......
بس في مواقف مينفعش فيها كلمه اسف ولا حتي اعتذار
وفي ناس بتفهم الاعتذار بالطيبه والغلطه هتتكرر مره واتنين
كلمه الاسف مقبوله بس مش ف كل المواقف
فى أغلب الأحيان تمحى الجرحهل كلمة اَسف تمحي الجرح ؟؟؟؟
بس ده متوقف على نوع الجرح
وكمان انى احس فعلا انه متأسف ..............مش مجرد كلمه يقولها
اما نتجرح من شخص عزيز بيبقى الجرح عميق جدا ...................وفى جروح عمرنا مبنقدر ننساها لأنها جروح عمرها ماتطيب...............وخصوصا لو كان الجرح مش جرح واحد .............لو كان جروح عديده وغائره وفى مكان واحد تبقى صعب التئامها
____________________________
يااااه فى اشخاص بتكون عزيزه عليك قوى بس انتى تكون هين عليها قوىحينما يأتي هذا الانسان العزيز الغالي
ومن تسبب بجراحك بندم وحرقه ولهفه من
اجلك . وتحس بمصداقية مشاعره
لكنه سبب ما يكفي من الالم النفسي
وفى اشخاص تتفوق فى جرح الآخرين ...................ومنتهى الامبالاه ومتحسش بالندم ولما تحس بيه بيكون جرحت الشخص الآخر جروح عديده وسابت فيه ذكريات مؤلمه وأحاث تتجدد كلما نظر هذا الشخص لمن جرحه
___________________________
أظن لو فى انسان عزيز عليك قوى عمرك مهتقدر تجرحه جامد قوى ويصل الجرح لدرجه صعب فيها انه يطيب
ولو جرحته لازم يكون بغير قصد
_______________________
الزمن كفيل انه ينسى كل شئاحيانا نتعرض لمواقف مؤلمه
ومن اعز الناس وهذه المواقف
تكون بمثابه الجرح
الذي كلما تذكرت هذا الموقف تالمت من جديد
ومع مرور الوقت ممكن تنسى أو تقدر تتعايش مع الجرح ده................بس ده محتاج وقت كبير قوى
________________________________
ميرسى يابنت مصر على التوبيك الجميل ده.................ومتأسفه على الاطاله
ضوابط المشاركة
رد مع اقتباس