موال الفول و اللحمة - أحمد فؤاد نجم
بمانسبة المصاريف الدراسية الجميلة أحب أهدي الشعر ده لكل الناس
موال الفول و اللحمة
عن موضوع الفول واللحمة صرح مصدر قال مسئول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرقش فول
حيث الفول المصري عموما يجعل من البني ادم غول
تأكل فخده في ربع زكيبه والدكتور محسن مسئول
يديك طاقة وقوة غريبة تسمن جدا تبقى مهول
لحمة نباتي و لا فيه الحاتي , تاكل قِدره تعيش مسرور
ثم اضاف الدكتور محسن ان اللحمه دي سم أكيد
بتزود أوجاع المعدة وتعود على طولة الايد
وتنيم بني ادم وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث ان اننتو عقول العالم والعالم محتاج لعقول
مارأى جنابك وجنابهم فيه واحد مجنون بيقول
احنا سيبونا نموت باللحمة وانتو تعيشوا وتاكلوا الفول
مارأيك ياكابتن محسن مش بالذمة كلام معقول
رد مع اقتباس
