ما رأيك في الرجل الذي يبكى من اجل المراة

[AMERAL]

السلام عليكم ورحمه الله وبركاته ..





مارايكم بالرجل الذي يبكي من اجل الحب ...؟؟

الحب عاطفه جميله تجمع روحين .... تتجسد فيها معاني التضحيه

والثقه المتبادله بين الشخصين

ولاكن الان اختلف الحب في هذا الزمن واصبح عمله نادره

سؤالي للجميع

مارايكم بالرجل الذي يبكي من اجل الحب ؟؟؟

هل هو اذلال من قيمه الرجل ؟؟

او يرفع راسه للاعلى ليداري دموعه ؟؟

او يكتمها في نفسه ؟؟

هل هي انتقاص منه او دليل على نبل مشاعره ؟؟


في انتظاااااااار ارائكم ....

[قناع الذهب]

انا رايى ان الانسان هو اللى بيبكى بغض النظر عن كونة راجل او امراة لانة بيعبر عن اللى جواة وممكن تكون هيا دى الطريقة الوحيدة اللى بيعرف يعبر بيها
هو طبعا المعروف ان الرجل بيبقى اقوى من المراة والمفروض دوعة تكون اقل بس فية حالات البكاء فيها بيكون مريح جدا ولازم حتى لو راجل ودة ف نظرى مش بيقلل من قيمتة ابدا بالعكس دا كويس انة بيعرف يعبر عن اللى جواة
وشكرا على موضوعك الجميل دة

[عايشه لسه]

مش عيب انه يبكي بس مش كتير يعني تكون دموع غاليه في المواقف الصعبه ويكون مش قدام حد

[بنت مصر]

اولا شكرا على الموضوع
احنا كلنا بشر من حقنا نبكى سواء رجل او امراه
بس الرجل بيبقى اقوى ومش بيكى فى كل الاحيان ومش قدام اى حد
وبكاء الرجل فى اى موقف مش معناه الضعف لانه انسان ومن حفه يعبر عن اللى جواه
والاحوال اللى بتنقص من قدر الرجل عندما يبكى هى نفسها اللى بتنقص من قدر المراه
وممكن يكون الحب او اى شىء اخر يستاهل ان الواحد يبكى عليه
وتقبل مرورى

[Mohamed Al Gohary]

متزعلوش من رايى .. انا مش شايف ان فيه امراه تستحق ان يبكى عليها رجل .. او بمعنى اصح اننى لم اقابل امراه حتى الان تستحق ان ابكى عليها ..

طبعا غير امى واختى ..

شكرا على الموضوع ..

[d\omnya]

اكيد كل انسان بيمر بلحظات ضعف حتى ولو كان اقوى انسان فى الكون وبتنزل دموعة ولكن ليس هذا دليل على ضعفة ولكن انا ارى أن الرجل يجب ان يكون قويا لان المرآة تستمد منة قوتها .وزى ما جوهرى قال مافيش مرآة يتبكى عليها انا كمان بقول انى لسة بردة ماشوفتش راجل بجد يتبكى عشانة

[pharmacistina]

هههههه
ايه يا دكاترة .. بكرة تلاقوا شركاء ليكم تحسوا انهم أحب ليكم من نفسكم .. ان شاء الله
الفكرة مش ان في مرأة تستاهل ولا لأ و كذلك الرجل .. الفكرة حتى لو المرأة لا تستحق احساس الانسان بالحزن فقدان و جفاء شخص بيعزه بتكون صعبة و تستحق البكاء ..
ولكن في رأيي .. الرجل المفروض يخبي دموعه عن المرأة .. نصيحة أخت ..
اوعى البنت تشوف دموعك و ذلك .. لازم تبان قوي لأن مجرد ما تبكي يبقى هتاخد

اذا كانت المرأة اللي دموعها سهلة أنا مش بفضل انها تبكي .. و عن نفسي مش أنا اللي أبكي عشان رجل أبدااا يستاهل أو لأ .. ما عدا بابا طبعا لو زعلني بنقهر جداا و أخويا بزعل الى حد ما

[Mohamed Al Gohary]

اوعى البنت تشوف دموعك و ذلك

علم وجارى التنفيذ

[dr_chamommile]

بيتهيالي اي حد عنده احساس واكيد يبكي..... ممكن مش قدام حد
لوحده افضل

ولو كان ده هيريحه يبقي مفيش مشكلة ابدا ولا عيب انما ميظهرش ده لحد او يكون لحد قريب منه جدا

ومفيش فرق بقي انه يبكي علي امراه او رجل

انه يبكي علي انسان اثر فيه وترك جواه بصمة مش شرط امراه او لا

وايه المانع هي المراة مش بشر ؟

المراه هيا اختك امك زوجتك لو حد بيقول مفيش مراه يتبكي عليها يحط مكانها امه او اخته وبعدين يفكر

ومع احترامي للجميع امهاتنا واخواتنا كلهم غاليين علينا والعالم كله امهات واخوات ولا حد طلع كده سوري الهي من غير اب ولا ام

يبقي ليه نعمم

احنا بشر يا جماعة ومفيش داعي نتكبر علي الدموع

الدموع ربنا اديهالنا نعمة بس مش قدام حد زي ما قلت

وشكرا علي الموضوع

[Mohamed Al Gohary]

احنا مش بنكلم على البكاء بصفه عامه ..

قال رسول الله " اللهم إنى أعوذ بك من قلب لا يخشع ومن علم لا ينفع ومن عين لا تدمع ومن دعوة لا يستجاب لها " أو كما قال ..