خبر الموسم

[drsherbiny]

خبر الموسم هوا الخبر ده

عاوزين يا جماعه كل واحد يقرا الموضوع كويس وبعدين كل واحد يقول رايه فيه ونتناقش سوا
نشوف الخبر الاول :

وزير العدل يعين أول مأذونة شرعية بـ مصر

قرر المستشار ممدوح مرعي وزير العدل، تعيين أمل سليمان عفيفي أول مأذونة شرعية في مصر، وذلك بناحية القنايات مركز الزقازيق محافظة الشرقية.

ونقلت صحيفة "المصرى اليوم" عن المستشار محمد منيع، مساعد الوزير لشئون المحاكم، أنه تم التصديق علي قرار محكمة الأسرة بالزقازيق بتعيين أمل "مأذوناً شرعياً"، فور تقديمها خطاباً من نقابة المحامين بنقلها إلي جدول غير المشتغلين، لأنه لايجوز الجمع بين وظيفة المأذون وأية وظيفة أخري.

وقال إن أمل سليمان تقدمت للتعيين مأذونة في 25 فبراير 2008، وصدر قرار من محكمة الأسرة بالزقازيق بتعيينها، لكونها الأعلي مؤهلاً وتحمل درجة "الماجستير" في القانون، ثم قامت إدارة المحاكم بوزارة العدل بفحص الملف وأصدرت الوزارة في 4 سبتمبر قراراً بالموافقة المبدئية علي التعيين مع تكليفها بتقديم شهادة نقابة المحامين بنقلها إلي جدول غير المشتغلين، وفور تقديمها الشهادة أمس الأول تم التصديق علي تعيينها.

من جانبها أعربت أمل سليمان عن فرحتها الشديدة بالقرار.. وقالت إنها سوف تبدأ عملها من خلال جمعية خيرية تابعة لأحد أعضاء مجلس الشعب لـعقد القران بالمجان لغير القادرين من الشباب، مشيرة أنها ستحدد مواعيد لاستقبال العروسين حتي تلتزم بواجباتها كأم وزوجة.

وأضافت أن العامل المادي ليس هو السبب الأساسي لعملها كمأذونة، مؤكدة أنها لن تزاحم أي مأذون آخر في رزقه.

وشنت أمل هجوماً شديداً علي المأذونين الذين سبق أن هددوا بالاستقالة في حالة قبول أوراقها وتعيينها مأذونة، وقالت "شيء من الرجولة أن يحترم هؤلاء الرجال كلمتهم"، لافتة أنه في حالة استقالتهم فإن :"هناك العديد من النساء المؤهلين لشغل مكانهم".

ياريت بعد اما كلنا قرانا الموضوع كل واحد يقول رايه ؟؟

هل عاجباك الفكرة دي ؟؟؟

هل انته موافق عليها ؟؟؟

هل ممكن تكتب كتابك عند ماذونة ؟؟؟

لو شايف انها كويسه قول ليه ؟؟؟

ولو وحشة قول ليه برضو ؟؟؟

ياريت الكل يشارك

[Mohamed Al Gohary]

الموضوع ده من زمان اوى .. وانا لا معاه ولا ضده .. انا شايفه حاجه عاديه ..

وبعدين ايه المشكله ما المراه بقت محاميه .. بس برضه ده ميمنعش ان فيه وظائف كثيرة لا تصلح لها المراه ..

شكرا دكتور شربينى ..

[A H M E D]

عاااااااااااادي برضه

[El_Daly]

بجد تهريج ومهزلة

[WhiteBird]

انا كمان شايفه انه عادى..ايه المشكله؟

[قناع الذهب]

طيب والله كويس حاجة حلوة اهة ان المرأة تدخل مجال جديد وانا مش شايفة فيها مشكلة طالما عندها علم كفاية وطالما هيا كفء للشغلانة دى وانا شخصيا معنديش مانع انى اكتب كتابى عند مأذونة بس الوضوع هيبقى غريب شوية بس

[Mohamed Al Gohary]

اعتقد ان وظيفة المأذون لاتتطلب صفات ذكريه لا تتوافر فى المراه .. ومن ثم فالمراه تصلح ان تكون ماذونا ..

هذا رايى

[drsherbiny]

جوهري باشا

شكرا علي ردك الاول

الموضوع من زمان كان فكرة

لكن وزير العدل وافق عليه عليه بالفعل الوقتي

جايز اختلط عليك موضوع اول قاضية في مصر

لكن الخبر من الاهرام الصفحة الولي

شكرا تاني

[عبدالله عبدالرحمن]

وظيفة المأذون الشرعى لها جانبين
جانب قانونى وده المرأة تقدر تشغله بسهولة
لان فى محامية وقاضية ؛يبقى نظريا المرأة قادرة على أدائه
لكن عمليا
مش ممكن اقدر اتصور ان مأذونة تشتغل فى الوظيفة ده
لأسباب شرعية
اولا الأختلاط مع الرجال والتعامل المباشر معهم
ثانيا هيبقى ظلم على المنطقة اللى هاتبقى مسكاها
لأنها لما تبقى حامل مش هاتقدر تيجى
معظم الأفراح وكتب الكتاب باليل ؛هتطلع ازاى وتسيب بيتها
ومينفعش تقول هبقى أحدد ميعاد تبقى تجيلوا لى
محدش ها يتقبل ده
يبقى وجه اعتراضى هو انها بعملها هذا قد قصرت بواجبها الأهم
وابتعدت عن نص الشرع فى منع الأختلاط ؛وطبيعة عمل الماذون فى الأفراح تجعل موقفها غير سليم
اما بالنسبة للعامل العقلى
فما اظنش ان ده العذر اللى هيمنعها من اداء الوظيفة دى
شكرا

[ماهيتاب]

أنا شايفة إنها مش مشكلة يعنى
حاجة عادية
مهنة زى أى مهنة تانية
وهى هتكون ملتزمة بقوانين مهنتها
يبقى مفيش مشكلة
مشكور يادوك على الموضوع