قلتلى عقده ضفايرها قولت سيبيها معقوده....................
كانت بتخاف من امبارح ومن بكره
ورغم الخوف كانت فكره
عروسه جميله للذكرى هدتهالها
عروسه عقده ضفايرهالكن فى عنيها طاقة نور
صحيح لون الهدوم نايم
لكن ع الوش كان مبدور لون الحلم مية قصه
تونسها فى لياليها تحضن حلم فى عنيها
تفكرها ولو فكره
قلتلى عقده ضفايرها قولت سيبيها معقوده..................
بحب اطير ومسجونه
بحس بانى مدفونه
بحبك انت ومريتى
عشان بتشوفوا تسرحتى ولون شعرى وفستانى
وبتقولوا ان انا حلوه
لكن احلامى مجنونه
وايه يعنى!
كفايه عيونك الحلوه تحوطنى
كفايه انى فى وسط الحلم بندهلك بتسمعنى
كفايه عروستك الحلوه فى قلب الليل بتحضنى
بس هفك ضفايرها
لا سبيها معقوده....................
ياليل طارح بطعم الموج اوضه كرهه جدرانها
سرير نايم فى ركن حزين
مرايه قفله احضانها
حبيبتى قعده بتغنى بصوت الناى
بترقص زى غصن زتون فى وسط الريح مايملكشى يقول الاه
على مهلك ياليل خوفها
على مهلك لتقطفها
على مهلك دا جواها شيطان نابت فى احلامها......................
حبيبتى فاكه ضفايرها
وفارده الشعر ع الميه
نقول عشره نقول عشرين نقول ميه
متفرقشى
لا انا الاول ولا التانى
ولا ابدا هكون تانى
لا فى امبارح
ولا الوقتى
ولا فى احلامك الجايه
راح احزف م الكلام اسمك
واعيش فى الدنيا وحدى
واقول لو شفت يوم شعرك
دا وحده فكره ضفايرها وفرده الشعر ع الميه