ممكن؟؟؟؟(2)

[عبدالله عبدالرحمن]

بسم الله الرحمن الرحيم
فى ممكن(1) كنت قد سألت:-


ايه رأيكم لو المنتدى اتقسم لمنتدى للطلاب ومنتدى للطالبات؟؟؟؟
اذكر رأيك وليه؟؟؟؟

وقد قام الدكتور الجوهرى بحذف الموضوع دون النظر حتى للغرض المخبأ
من وراءه؛وذكر أن الموضوع ليس منطق نقاش
وعلى الرغم من الأعضاء تفاعلوا معه وذكروا أرائهم وهو ما يثبت ان نقاشا احتدم
الدكتور لم يكلف نفسه محاولة الأنتظار حتى وقت دخولى للموضوع مجددا
او حتى بعث رسالة خاصة لى يطلب التوضيح
وتفسير الغرض من طرح الموضوع؛وهو ما دفعنى للتساؤل عن نظام قسم المناقشات
وفى اهلية المشرف لتحديد ان كان الموضوع يستحق الحذف من عدمه؟؟؟؟!!
واريد ان انبه عن النقاط التالية:-
1- الموضوع كتب بكلمات قليلة وغامضة ؛وذلك اسلوب علمى نفسى يعتمد على صدمة القارىء
بسؤال مفاجيءوسريع
2-كنت سوف اقوم بتقديم التفسير لسؤالى بعد رؤية عينة من الردود؛ولكنى فوجئت صراحة بحذفه
3-فى موضوع سابق للدكتور الحاذف ؛ذكر ان الموضوع المكتوب يجب ان يحتمل كافة الأراء؛وان يكون مثار مناقشة
فما ادراه هو بعدم وجود مؤيد ومعارض
4- الردود كلها وعند مراجعتها مخضوضة وقلقة وهو شىء اتعجب له فعلا
والدكتور الجوهرى اوضح فى ردوده ضيقه الشديد من الموضوع وكان فيها نوعا ما من العنف
على الرغم ان عليه تجاوز الضيق الشخصى بحكم موقعه فى المنتدى

5- لم يتم ذكر اى سبب (غير السبب الواهى الذى ذكره وهو ان الموضوع غير قابل للمناقشة)
وهذا كلام غير منطقى لأنه من قام بالبدء بالرد وفتح باب المناقشة
6-لماذا لم يقم د/أنس,m.talet بالرد على الموضوع وقد كانا ممن اعتمدت على تفسير وجهة طرح الموضوع
7-انا اعترض على طريقة تقييم الموضوعات هنا وسوف أتلا فى الخطأ بوضع استفتاء عليه
اسف على الأطالةولكن
السؤال مجددا:

ايه رأيكم لو المنتدى اتقسم لمنتدى للطلاب ومنتدى للطالبات؟؟؟؟
اذكر رأيك وليه

توضيح سبب السؤال بعد الردود (بعد 3 أيام من الأن لأعطاء أكبر عدد من الأعضاء الفرصة للرد

ملحوظة :لم أغضب على الأطلا ق من حذف الموضوع ولكنى حزنت لمحاولة اسكات سؤال



ارجو الردود مبينا وجهة نظرك(وكما اوضحت الأمر يشبه دراسة علمية للردود لمعرفة تفكير الشريحة الموجودة بالمنتدى

وتفضلوا بقبول سائر الحترام....

[Pharmcist_girl]

صراحه انا مش مستوعبه ايه الفكرة فى السؤال ده لو توضحى نظرتك اكتر يا ريت يكون احسن

وشكرا
وانا منتظرة التوضيح وايه اللى خليكى تعملى الموضوع ده وتصرى عليه كده

[blue sky]

اولا احب اشكر حضرتك عالموضوع وهو فعلا يستحق النقاش

أما رأيي فممكن يتعمل فيه اقسام سواء للطلاب او الطالبات

اما بالنسبه للمنتدي بالكامل

فحضرتك مش فكرت ان معظم تعامل الدكاتره بيبقي مع الطلاب وليس الطالبات

يعني لو اي محاضره او تنبيه نزل ممكن جدا مش يوصل للطالبات

ده غير ان فيه ناس مسئوله بالمواضيع دي

وده اكيد هيفيد الاتنين الطلاب والطالبات

اما الاقسام في المنتدي فاكيد مفيش عندي اعتراض علي وجود قسم خاص بكل منهم


وبشكر حضرتك مره تانيه

واتمني ان تتقبل مروري وردي بصدر رحب

[MAHMOUD ABO ALMAATY]

لا أوافق على الإنقسام لأن المنتدى ده معمول لتبادل العلم والخبرات ومبيفرقش بين ولد أو بنت لأن كلنا زمايل مع بعض في كلية واحدة وجميع الأعضاء محترمون الى أبعد الحدود
وشكرا

[* Esraa_resala *]

هى فكره مش وحشه بس هى ممكن غريبه شويه لان مافتكرش ان الى بنعمله هنا حرام

كمان فيه مواضيع بتحتاج لاراء البنات والولاد واحنا البنات مش هنعرف نعبر عن اراء او افكار الشباب والعكس

برده بالنسبه للشباب ومدام فى اطار الاحترام والادب وهدفنا نفيد بعض ونساعد بعض بس فى حاله لو

الموضوع خرج عن الاطار ده فبلاها المنتدى من الاساس بس بصراحه بنسبالى انا قبلت هنا احسن ناس

وبعتز بالاخوه ده واستفدت منهم كتير

بس فلو حضرتك ليك وجهه نظر تانيه ياريت توضحهلنا

[A H M E D]

لا أوافق علي فصل المنتدي

لأسباب بديهية معروفة للجميع

[عبدالله عبدالرحمن]

لا أوافق علي فصل المنتدي

لأسباب بديهية معروفة للجميع

ممكن تذكرها ولا مينفعش

[عبدالله عبدالرحمن]

يا جماعة شكرا للردود وعلى الرغم ان مفيش حد استخدم الأستفتاء الا 2
ثانيا الردود كاها بتحمل تسا ؤل عن ليه كتبت الموضوع اصلا
والمفروض تذكروا رأيكم وليه اخترتوا الراى ده
زى ما قلت قبل كده السؤال ليس ورائه موقف محدد ولكن وسيلة لمعرفة الأراء العامة لكل الأعضاء
ودا ميمنعش ان لم انتهى من دراسة الردود والأ ستفتاء ؛ ان يكون هناك اقتراح او اكثر بشأن شكل المنتدى
وكل الأقتراحات هاتكون نابعة من ارائكم انتم وبس
عشان كده بناشد كل من يدخل الموضوع انه يذكر رايه فى الأستفتاء والردود
عشان الدراسة النهائية تكون صحيحة ومعبرة عن اراء الكل
وفى النهاية بعد3 ايام هاذكر نتائج الدراسة والأقتراحات

[A H M E D]

ممكن تذكرها ولا مينفعش

بص علي ردوووووود الدكاترة اللي قبلي

[عبدالله عبدالرحمن]

يا دكتور احمد طريقة النقاش مش عجبانى ابدا
الدكاترة اللى قبلك كتبوا اراء مختلفة عن رأيك
ومنهم اللى وافق على رايك؛ لكن كل واحد ذكر اسبابه ماعدا انت
وبعدين انا حاسس بهجوم ليه على الموضوع
ده مجرد استبيان
وانا مقلتش اننا هنقسم المنتدى؛ولا فى سلطتى كده
وطالما فى اختلاف اراء يبقى لازم تذكر حجتك مش تحتمى ورا اجابات مش واضحة