انا معاك انهم اعلنوا وقالوا هيشيلوا الدواليب اللي في الكليه القديمه
نيجي في الكليه الجديده برضه هيشيلوا الدواليب
طيب هيعمولوا دواليب جديده
ونشتري الدولاب ب50 جنيه ؟؟!!!!
كمان الناس اللي في الفرقه الرابعه تشتري دولاب السنه دي ويترمي ؟؟!!!
المشكله اللي انا ملحظاها فعلا ان مفيش مراعاه للفروق بين الطلبه
انا وغيري كتير ماشي ممكن نشتري الدولاب بس اكيد فيه ناسا كتر مش هتقدر
احنا فعلا عايزين حل جذري سليم وسريع للموضوع ده
يعني حرام نحمل الاهالي فوق طاقتهم في الماديات
والطلبه في المحمولات(الادوات يعني)
التعديل الأخير تم بواسطة آيه محمد ; 23-09-2008 الساعة 10:53 PM
عندكم حق يا دكاترة
وفيه ناس معندهمش فكرة اصلا عن الموضوع
بجد عيزين حل ومش عيزين الدواليب الورق اللي بيعملوها
خبطة او اي مطر يبوشها ويبوظها والادوات طبعا محدش مسؤل عنها الا الطلبة
كده بجد حرام
نرجو الرد للاهمية
المشاركة الأصلية كتبت بواسطة آيه محمد
كلامك مظبوط يا دكتورة أية المشكلة إن زملائنا ساكتين ومش عارف امتى هنبطل السلبية بتاعتنا دي
لازم كلنا نقول رأينا
وشكرا على المشاركة
هقول ايه بس لنا الله
طب مين يضمن ان الدواليب الجديدة متحصلش القديمة ها ؟
وهما ليه اصلا مشلوش الدوليب من الكلية القديمة وحطوها فى الجديدة وخلاص ؟
على الاقل مراعا للى فى سنة تالتة ورابعة
والدوليب الجديدة تبقى لطلبة اعدادى واولى وتانية ويدفعوا تمنها مع المصاريف
ولما يخلصوا من تالتة ورابعة يبقوا يتصرفوا فى الدواليب زى ما هما عاوزين
اتحاد الطلاب
انت قصدك الاتحاد اللى مفروض يقف جنب الطلبه
يا جماعة الموضوع ده المفروض ما ينسكتش عليه الدولاب وراحت التلاتينن جنيه طيب والادزات اللى تساوى 80 جنيه نرجع نشتريها تانى
والله حرام
دولاب ايه اللي ب 50 جنيه دا كمان انا اول مره اعرف دلوقتي
لا المفروض الكليه تدينا دواليب ببلاش طبعا حق للادوات والدواليب اللي ضاعت
ماحنا كنا دافعين حق الدواليب القديمه وكسروها ندفع حق الجديده ليه
انا رايي ان يبقي في دواليب وتبقي الدواليب خاصه بالكليه
يعني انا اما اتخرج اسلمهالهم .. اصلي مش بعد اما اتخرج هاجي احط هدومي فالدولاب بتاع الكليه يعني
هشتريه السنادي وبعدين ....
والله الموضوع صعب اوي ياجماعه اما اكون معايا دولاب وانا دافعه تمنه وبعدين يجوا يكسروه ويقولوا تعالوا اشتروا دواليب جديده
دا ظلم
بالظبط زي ما اجي اكسر عربيه حد شاريها بفلوسه واقوله اصلي كنت عايزه اقف فمكانها وبعدين اقوله تعالي بقي صلحها علي حسابك......
وعلى فكرة يا جماعة الدواليب اللى بتتعمل فى الكلية الجديدة بتتكسر كل سنة يعنى كل سنة هنشترى دواليب جديدة وبردة هنشترى أدوات تانية وكله مكسب للاتحاد ............gif "Fop (25)")
المهم هتشترو دواليب ولا هتعملو إيه
أنا برضه قبل ما أكتب الموضوع سألت الإتحاد على الكلام ده بس جاوبوه بإجابات مش مفهومة وأنا ان شاء الله مش هسكت
والموضوع ده بجد لازم يوصل للعميد الأستاذ الدكتور محمود بكر العشماوي
وشكرا على الإيجابية اللي موجودة فعلا جواكم وشكرا
التعديل الأخير تم بواسطة MAHMOUD ABO ALMAATY ; 24-09-2008 الساعة 02:31 AM
أنا موافقك في كل الي بتقوليه يا ساارة وان شاء الله هحاول أوصل المشكلة دي لسيادة العميد بس ياريت كلنا نتفق مع بعضنا على كدة عشان أنا لوحدي مش كفاية
وشكرا على ايجابيتك
ضوابط المشاركة
رد مع اقتباس.gif "Fop (15)")